We aʼlá binepo ineka echi imágenes

Echi oselí japi ta jitra biné olá wiká imágenes o dibujos japi tamó iʼwiri binea echi namuti we natéami. Jiti la, ¿piri ta oméripo nokayá jiti we aʼlá binepo néeka echi imágenes?

• We aʼlá iné echi imágenes kecho leeria echi binelíwami. Echi riká mi isísaká, a keʼré japi mi we inílima leérinalia. Japi riká kecho bijí koʼyá ami bachá iné piri ju echi koʼwáami, echi riká cho kecho leeria bachá nárika isí: “¿Piri ni iné?” (Amós 7:7, 8).

• Japalí mi leeria asisaa echi binelíwami, natá chúsiá uchaari echi imagen o dibujo. A oserúami olásaká echoná foto, leeri japi aní echoná. Iʼwérili isí natia chúsiá echi imagen mi bineri japi riká aní echi tema echoná binelíwami alí chúriká mi isima nijewia japi aní echoná.

• Japalí mi ma sunisa leeria echi binelíwami, nee echi imágenes o dibujos jiti mi checho ku inema echi namuti we natéami japi mi bineki echoná. Miná ko teeli kupí alí iʼwérili isí ku néwalayá echi imágenes alí echi namuti japi mi bineli echi jitra.

• Checho ku iné echi imágenes o dibujos japi uchuwi jenaʼí oselí alí iné achi mi omeria ku néwalayá echi namuti japi mi bineli.