Omáana Wichimóbachi wiká pagótami suwí jiti nimuiri | ¿Piri aní echi Biblia?

Echi michá julio bamíali 2022, omáana Wichimóbachi wiká pagótami suwili jiti nimuiri:

• “Japalí miʼliri echi primer ministro japi nili echomí Japón, Shinzo Abe, sinéami echoná piréami we majali. Omáana piréami pagótami, ke mayeli japi riká ikili jiti echoná Japón ke me nakowa alí echi gobierno ke me riwé japi echi pagótami néema pistola” (10 inárachi julio 2022, The Japan Times).

• “Echoná Dinamarca wiká pagótami we majaa muchuwi jiti bilé rijoi pistólwami miʼali bikiá pagótami japoná wilí waʼlú tienda echomí Copenhague” (4 inárachi julio 2022, Reuters).

• “Sudáfrica: 15 pagótami suwili jiti nimuiri japoná ralinéliwa batali echomí Soweto” (10 inárachi julio 2022, The Guardian).

• “Simírikami 220 pagótami suwili jiti nimuiri echoná Estados Unidos japalí niruili omáwali 4 inárachi julio” (5 inárachi julio 2022, CBS News).

¿A suwábitami nima echi pagótami obátami? ¿Piri aní echi Biblia?

Echi pagótami obátami suwábitami nima

Echi Biblia aní japi ta piré “waminánomí rawé” japoná echi pagótami we obátami nima riweili (2 Timoteo 3:1, 3). Jiti la, echi pagótami we majaa piré (Lucas 21:11, TNM). Nalí be, echi Biblia ko aní japi ma kéʼayó suwábitami nima echi pagótami japi obátami ju alí echi pagótami “pirélima japoná kilí nima, echoná kalírili japi ke majama alí japoná kilí isábima” (Isaías 32:18). ¿Chúriká suwábitami nima?

Onorúami ko suwábima echi cha nokiwáami alí japi jitra nakóliwa.

• “Echi cheti chati pagótami sikirétami nima echoná wichimóbachi alí echi ékiami opórami nima” (Proverbios 2:22).

• “[Onorúami] ko suwábima echi weli nakówami omáana kawichí. Najucha echi atá alí echi lanza, ayénachó ikosi echi carros japi jitra nakóliwa” (Salmo 46:9).

Onorúami ko iyema echi cha nokiwáami binérika echi pagótami japi chúriká kilí pirélima.

• “Echoná nijé kawíwalachi ke bilé risoa olárami nima alí ke cho suwábitami nima, jiti sinéami japi pirélima echoná wichimóbachi machimea Jeobá, japi riká echi mar japi bochía maní baʼwí” (Isaías 11:9).

• Jipi jonsa, Onorúami ko ma bineri omáana Wichimóbachi piréami pagótami, chúriká ke obátami nima alí ke néema japi jitra nakóliwa, jiti la “echi espada ko niwama arado chupala alí echi silá ko hoz niwama” (Miqueas 4:3).

Jiti mi che binema japi aní echi Biblia japi chúriká ke majá pirélipo, leeri echi artículo “¿Es posible librarse del miedo?”.

Jiti mi aminabi binema japi chúriká suwábitami nima echi pagótami obátami, leeri echi artículo “¡Por fin paz en la Tierra!”.