Jesús ko isima japi echi pagótami ma ke risóati nima

Japalí Jesús biteili jenaʼí Wichimóbachi, néwariwélitili japi we galé echi pagótami, ayénachó japi we natéami niraa iné echi japi risóati ju (Mateo 9:36). Jiti la mukuli iʼwírimia echi pagótami (Mateo 20:28; Juan 15:13). Ma mulipi checho néwariwélitima japi we tamó galé, japi riká silíami echi Onorúami Gobiérnowala jitra, néema binoy jiwérala jiti isima japi echi pagótami ma ke risóati nima.

Jesús ne echi riká isima japi riká aní echi Biblia:

• “Japi echi ko iʼwírima echi pagótami japi risóati ju, ayénachó japi niyúbima echi risóati tanala” (Salmo 72:4).

¿Chúriká newa nokiboa japi ta we natéami niraa inena japi isili alí japi isima Jesús tamujé jitra? Bilé namuti japi ta omeri nokayá ko ju, che binea “echi aʼláala raʼíchali Onorúami Gobiérnowala jitra”, japi ju echi namuti japi echi ko nawésili (Lucas 4:43, TNM). Leeri echi artículo riwéami “¿Qué es el Reino de Dios?”.