Yan Zabolotnyi/stock.adobe.com
¡SINIBÍ SAKEYA MOCHIBO!
Omáana Wichimóbachi aminabi nirúlisimi wiká pagótami cha nokáami | ¿Piri aní echi Biblia?
Nirú wiká pagótami cha nokáami echomí Haití. Ayénachó echomí Sudáfrica alí México wiká namuti chati ikí echi cha nokáami jitra, alí ayénachó echoná jarecho países echomí Latinoamérica. Tákoré jaréana ma ke me cha nokayá piré japi riká chabé, echi pagótami a bijí majaa piré alí ke kilí niraa piré, jiti kipú japi jarecho cha oliwá japoná echi piré.
Omáana Wichimóbachi aminabi nirúlisimi wiká pagótami japi cha nokáami ju. ¿Piri aní echi Biblia?
Echi Biblia anili japi nirúlima riweili cha nokáami
Echi Biblia anili japi “echalí ne jubá suwibálawachi rawé” nirúlima riweili wiká cha nokáami (Mateo 24:3). Japalí Jesucristo raʼíchili echi jitra, anili:
“Echalí ne wabé muwéwama echi wabé chati oluwáwami echijiti wikabé pagótami ma ketasi ʼme [galema]” (Mateo 24:12).
Echi Biblia ayénachó anili chúriká nima riweili echi pagótami “waminánomí rawé”, jériká anili: “Wabé jobátami níima. Aʼlí aboni ne wabé sayérami níima suwaba galabé oluwáwami” (2 Timoteo 3:1-5). Jiti la echi pagótami jipi rawé we cha nokáami ju alí ke nijewi echi nuláliwami.
Nalí ke sinibí echi riká nima. Echi Biblia ko aní japi ma mulipi suwábitami nima echi cha nokáami.
“Ma kéʼayó, echi japi chati nokáami ju ko ma ke pirélima; alí mujé ko ku aama alí tasi mi ku riwimea. Nalí echi japi we aʼláala ju ko kawí iyárami nima alí echi ko kilí kanílika pirélima” (Salmo 37:10, 11).
¿Piri ju jarecho namuti aʼláala aní echi Biblia japi ikimea pe aminana? ¿Chúsiá ti omeri bichiwia japi echi namuti japi ikí jipi rawé a ju japi riká ma anili echi Biblia? Ami machimea jepuná namuti jitra leérika jepuná artículos:
La esperanza real de un mañana mejor
¿Cuál es la señal de “los últimos días” o “los tiempos finales”?