¿Achi aʼlá ju japi mujé kúchuwala néema echi redes sociales? | Chúriká echi Biblia iʼwiri echi wénwala

“Echi redes sociales isimí japi echi kúruwi alí iwé aminabi nayúnisima echi mochokóala jitra o ke aʼlá nátami nílisima” (Vivek Murthy, director general de Salud Pública echomí Estados Unidos. New York Times, 17 inárachi junio 2024).

¿Chúriká echi wénwala omeri tibúa aboi kúchuwala jiti ke cha ikimea echi redes sociales jitra? Iné jaré we aʼlá busuréliami japi aní echi Biblia.

Japi omeri nokayá echi wénwala

Iné jepuná busuréliami japi aní echi Biblia.

“Japi we aʼlá nátami ju ko, aʼlá nátika isimí” (Proverbios 14:15).

Jiti echi redes sociales isímiré japi cha ikimea mujé kúchuwala, ke mi natásaré japi mi riwésaré japi mujé kúchuwala ayénachó néema echi redes sociales. Jiti la, kecho riwea japi mujé kúchuwala néema echi redes sociales, ami we aʼlá inésaré achi ma omeri nijewia japi mujé nulema japi chu ikí horas inésaré, ayénachó achi ma omeri aʼlá machiyá jépuká ke aʼlá amigos ju alí chu iyiri namuti ke inésaré japi chati ju.

• Ami che machináliaká, leeri echi artículos riwéami “¿Deberían mis hijos usar redes sociales?” alí “Enséñele a su hijo adolescente a usar con seguridad las redes sociales”.

“We yaa galabé olasi suwaba máputamo omero” (Efesios 5:16).

Ami riwésaká japi mujé kúchuwala néema echi redes sociales, we aʼlá mi nulésaré chúriká néema alí mi we aʼlá ruyésaré chúriká tibútami nima echi a nijéwisaká japi mi nulé. Alí sinibí we aʼlá mi inésaré achi mujé kúchuwala chotasi sinúrika nokáami niya, jiti mi machimea achi ma ke me wilí néesaré echi redes sociales.

• Nee echi video Aʼlá machiká iné echi redes sociales echi videos jitra japi rewé “Echi pizarrón japi dibujo buyaní”, jiti mi iʼwírima mujé kúchuwala aʼlá inamia chúsiá newaléliwa olayá jaré nulalíwami aʼlá néemia echi redes sociales, japi riká chu ikí horas néema, piri namuti inema alí jarecho si.

Jiti mi che machimea

Echi Biblia aní japi jipi rawé ata ikiboa namuti wabé jilírami (2 Timoteo 3:1-5). Nalí ayénachó tamó iyá we aʼlá busuréliami japi sinibí tamó iʼwiri aʼlá nátika nokayá, tákoré jipi rawé ikí wiká namuti we jilírami. Jepuná artículo japi raʼicha jaré namuti jilírami jitra japi ikí echi kúruwi alí iwé, ami riwimea simírikami 20 artículos alí videos japi raʼicha japi aní echi Biblia alí japi we iʼwiri echi wénwala alí kúchuwala.