¿A tamó iʼwiri japi aní echi Biblia jiti ta anachaba echi nayulí?

Japi aní echi Biblia

Ayena. Jeobá ko we natimá japi we aʼlá nijéwami ju japalí nayúa pirélisa. Echi Biblia aní echi jitra: “Jeobá ko ‘iʼwírima echi japi nayúa boʼí” (Salmo 41:3). Inepo bikiá namuti japi ta omero nokayá japalí ta nayulú:

1. Tánipo Onorúami jiti tamó iʼwírima anachia. “Echi kilíwami japi Onorúami tamujé iyá” tamó iʼwírima jiti ke me natabo japi ta risoa nílika piré (Filipenses 4:6, 7, TNM).

2. Ata kanili pirélisaré. Echi Biblia aní: “Japi kilí ju ko ne sulachí jonsa kaníliami nima, we be nalí, echi siwéliami ko ju japi riká bilé nawilí” (Proverbios 17:22). Ata kaníliami nísaká, ke me nayuma.

3. Bichíwipo japi isima Onorúami pe aminana. Japalí ti nata japi Onorúami isima ata iʼwiri jiti kanílika nochabo japalí ta nayulú (Romanos 12:12). Echi Biblia aní japi ma mulipi “ke bilé pagótami animea: ‘Nayuluni’” (Isaías 33:24). Jeobá isima japi ma ke nirúlima echi nayulí japi echi ciencia ke omero iyea. Ayénachó, echi ochérami kulí ochérima ayenama jiti echi Biblia aní: “Japi echi sapala checho ku nima japi riká chabé japalí towí nili, alí checho ku jiwérami nima japi riká echi towí” (Job 33:25).

Nota: Echi testigo Jeobá a bichiwi japi Jeobá tamó iʼwiri. Nalí be, ayénachó a ta simí echi doctor yúa japalí ta nayulú (Marcos 2:17). Tamujé ke tasi ané echi pagótami japi nokisáré, ibili niraa natásaré chúriká isima japalí nayulú.