Echi Biblia we natéami ju

1. Jeobá tamó iyali echi Biblia

jiti binepo japi aʼláala ju;

japi aní wabé natéami ju ko

alí tamó iʼwiri sinibí.

Jaré rijoi aʼlá niraa osali,

nalí Jeobá isili nulayá.

Japi ne sinibí rawé leeri,

wabé kanílima ne sinibí.

2. Jeobá tamó ruyeli Biblia jitra

japi baʼóami nili jenaʼí,

nalí Adán alí echi upila

nokali japi anili Satanás.

ʼLí echi jitra tamujé sinéami

ata suwí alí ti nayulú,

ayénachó ata risoa nili,

nalí Jeobá tamó niyúbima.

3. Jipi tamó kanílika nawesa

japi Jesús silíami ju ripá

ʼlí echi ko ma jenaʼí nulama

alí ma sinibí pirélipo.

Natéami ju leeria echi Biblia

jiti tamó iʼwérili iyá.

Ke ti siné riwésaré binea

alí kanílipo ne sinibí.