Bineri jiti we nakimea Jeobá

Ami we machíami nísaká, japalí mi bineri echi pagótami ami aʼlá binériami nímalé japi pe kulí publicador ju jiti sinibí machíinima nawisasia we kanílika, echi riká nísaká we machíami nima echi publicador (Pr 22:6; Flp 3: 16). Jenaʼí mi machimea chúriká mi isima jiti mi aʼlá iwírima echi publicador jiti aʼlá cho binériami nima japalí simí nawisasia:

• Bineri japi pe kulii chotasi publicador niya (km-S 8/15 pág. 1). Ruyé japi we natéami ju simiwaa nawesasia (Flp 1: 10). Japalí mi yúa raʼicha echi publicador echi ko mi inema japi mujé we simá nili bineria echi pagótami (Flp 4:8). Jéané japi echi superintendente de grupo yúa simea nawesasia, jarecho hermanos ma jiti a cho machimea chúriká bineria echi pagótami (Pr 1:5; km-S 10/12 pág. 6 párr. 3).

  

• Ma pakólachi echi publicador we natéami ju japi mi iwérili a isima bineria, ke cho suwénilachi ko binea echi libro “Amor de Dios” (km-S 12/13 pág. 7).

  

• Ami yúa simisaaka echi publicador japi pe kulí simí nawisasia, bineri bilé presentación japi ke me jilí ju. Ma suwénilachi aniyá echi presentación japi mi aneli, jéané japi we aʼlá nawésili. Aʼlá ruyé jiti we aʼlá nawésami niima (km-S 5/10 pág. 7).