“Galá oʼwiké [riwiwi] kemi onó, echi kemi iyé ayénachó”

Japalí jenaʼí wichimóbachi biteili, Jesús ko anili jepuná: “Galá oʼwiké [riwiwi] kemi onó, echi kemi iyé ayénachó” (Éx 20:12; Mt 15:4). Echi riká anili Jesús jiti echi ko a nijéwami niili echi wénwala japalí taa towí niili (Lu 2:51). japalí ma waʼlú ochérisa, nulali japi echi iyela aʼlá tibútami nima echi riká anili Jesús ma mukumeya (Jn 19:26, 27).

Jipi rawé, echi remalí japi nijéwami ju Jeobá ayénachó riwiwi echi wénwala japalí echi yúa raʼicha alí nijewi. Echi riká bi nokiboa sinibí riwíwika raʼichia tamujé wénwala yúa. Tako tamujé wénwala ma ochérami ke, japalí busuré nijíachi aʼlá kipúsaré alí nijéwisaré japi aní (Pr 23:22). Ayénachó ami riwíwima mujé wénwala japi ma ochérami ju japalí mi tibula iyá winomí jiti ralimea echi namuti japi newalé echoná bitichí jiti we kanílika mochima (1Ti 5:8). Tákoré ti ma ochérami ke o kulii ochérami ma ata sinibí raʼichásaré tamujé wénwala yúa.

INEPO ECHI VIDEO PIZARRÓN JAPI DIBUJO BUYANÍ. PIRI MI ANEMA RAʼICHA MUJÉ WÉNWALA YÚA, ANISÍ JAPI TI MI NÁRIPORÉ JENAʼÍ:

• ¿Chúsiá jipi ko mi niili japi mujé wénwala ke mi kipú?

• ¿Chúriká mi riwíwima mujé wénwala japalí mi echi yúa raʼicha?

  

• ¿Chúsiá we natéami ju japi mi yúa raʼichama mujé wénwala? (Pr 15:22).