Japi né bichíwali nijéwami ju ko we nakíami ju: Sinibí napawika nokísiba

CHÚSIÁ WE NATÉAMI JU. Japalí Jesús a bijí bitee rapakó nalaká alii kecho mukuyá raʼíchili onolá yúa, jéaneli japi echi najátowala sinéami ka napawika nijéwami nima (Jn 17:23). Jiti ta napawika nijéwami nipo ata anakupi niraa nakisare, tamujé ko ke “kichíami ju echi auché jaré”(1Co 13:5).

CHÚRIKÁ NOKIBOA

• Jeobá ko iné bi echi namuti kalabé japi ta noká, echi riká cho nokiboa tamujé japi riká isimí Jeobá.

• Ku wikawipo jarecho japi mi cha aneli.

• Japi ku wikawa ko ma ke nata japi anili alí ke ku raʼicha japi isili (Pr 17:9).

MA INESA ECHI VIDEO SIMÁ ANÍAMI NIBA JARECHO YÚA: NIRAPE KICHÍAMI JU ECHI AUCHÉ JARÉ, ANÍ JAPI MI NÁRIPORÉ JENAʼÍ:

• ¿Piri ka bachá nátili Elena japi ke aʼlá niili?

• ¿Piri ka isili Elena jiti ma ke che natama japi ke aʼlá ju?

• ¿Piri isili Elena jiti ke nirúlima naʼáwili echoná napawíliachi?