BINELÍWAMI 6

Aʼlá ruyé echi textos bíblicos

Juan 10:33-36

JAPI MI BINEMA: Kiti pe leeri bi echi textos bíblicos japi uchuwi echoná bosquéjochi. Nalí ruyé japi iyiri bineri echi textos bíblicos japi mi leérili.

CHUMI RIKÁ ISIMA

Ruyé echi palabras japi we natéami ju. Japalí mi ma leérisa bilé texto bíblico ruyé japoná aní japi mi iyiri binérnali. ¿Chúriká? Checho leeri echi palabras japoná aní japi mi iyiri binérima; ayénachó nari bilé pregunta jiti echi japi mi kipúa muchuwi riwimea echi palabras japi we natéami ju.

Japalí mi ruyea wilisaa echi texto japi mi leérili checho ku ruyé echi palabras japi we natéami ju. Aʼlá ruyé echi japi kipúa muchuwi jiti moʼama chúriká echi texto ruyé japi mi iyiri binérima.
Aʼlá ruyé jiti ke ku wikawama japi we natéami ju. Ami ruyéaka chúsiá mi leérima bilé texto bíblico, ayénachó mi ruyésaré chúriká echi texto aní japi mi iyiri binérima.

Japalí mi ruyea wilisaa bilé texto kiti ku iré echi Biblia japoná chukú echi texto japi mi leérili, jiti echi japi mi kipúa muchuwi ayénachó irápika mochima echi Biblia, alí echi riká machimea japi mujé bineri echoná Bíbliachi uchuwi.
Kiti raʼichá japi ke me natéami ju ko. Kiti ruyé echi namuti japi ke natéami ju alí japi ke ruyé japi mi iyiri binérima. Nárika isí: “¿Piri namuti ma machí echi japi tamí kipúa mochima? ¿Piri ni iyiri ruyésaré jiti aʼlá moʼama japi ni iyiri binérima?”.