BINELÍWAMI 4

We aʼlá ruyé kulí leérimia bilé texto bíblico

Mateo 22:41-45

JAPI MI BINEMA: Kulí leérimia bilé texto bíblico, ami ruyema jaré namuti jiti echi pagótami aʼlá kipuma echi texto japi mi leérima.

Bachá natá chúsiá mi leérima echi texto bíblico. Kulí leérimia echi texto, ami animea echi namuti we natéami japi mi binérima jiti echi pagótami aʼlá machimea.

Japalí mi leeri bilé texto bíblico ayénachó mi ruyema: ¿Jépuká raʼicha? ¿Jépuká osali echi libro bíblico? Alí jarecho namuti.
Sinibí bineri japi echi Biblia Onorúami Raʼicháala ju. Japalí mi bineri echi pagótami japi a bichiwi Onorúami, ruyé japi echi Biblia “Onorúami Raʼicháala” ju alí japi ta echoná binepo japi riká nata echi Onorúami.
Kulí leérimia bilé texto bíblico, ruyé chúsiá machisare japi aní echi texto. Bilé namuti nari echi pagótami alí ruyé japi echi respuesta echoná Bíbliachi chukú. Ayénachó ruyé bilé namuti japi ikí jipi rawé alí ruyé japi echi texto iʼwírima. Kulí leérimia bilé historia bíblica, bachá ruyé piri iyiri binepo echoná.

Ami natama chu iyiri namuti ma machí echi pagótami japi mi binérima. Nárika isí: “Tákoré echi pagótami ma machiyé na texto bíblico japi ni leérima, ¿piri namuti ke cho machí? ¿Chúriká ni ruyema jiti kanílika kipuma japi ni binérima?”. Echi riká mi isísaká, we mi aʼlá ruyema jiti echi pagótami aminabi binema echi Biblia jitra.