BINELÍWAMI 2

Raʼichá japi riká mi raʼicha

2 Corintios 2:17

JAPI MI BINEMA: Kiti riwela raʼichá. Nalí raʼichá japi riká mi raʼicha bilé amigo yúa. Né bichíwali niraa raʼichá japi mi nili alí japi mi machí.

Tani Onorúami jiti mi iʼwírima alí aʼlá biné japi mi animea. Tani Jeobá japi mi iʼwírima jiti mi we aʼlá binérima japi aní echi Biblia alí jiti mi ke binérima japi mi riká binoy nata. We mi aʼlá machisare echi namuti japi mi binérima. Ke mi tasi leérima bi japi oserúa chukú. Nalí mi raʼichama japi riká mi binoy raʼicha.

Japi riká mi we aʼlá leérima echi Biblia, bilecho oselí ma, bachá mi we aʼlá machisare japi aní. Japalí mi leeri japi riká anili jaré pagótami ami we kanílika leérisaré.
We kanílika raʼichá. We aʼlá natá chúsiá echi pagótami machisare japi mi binérima. Natá chumi riká iʼwírima japi mi kipúa muchuwi. Echi riká mi isísaká, ami raʼichama sikala nokeka alí néwariwélima mujé akala japi mi né bichíwali iʼwírinali echi pagótami.

Japalí mi ke riwela raʼicha, tasi mi chibi riká raʼichásaré. We natéami ju echi raʼíchali japi mi nawisama alí echi pagótami japi mi kipuma; jiti la ami we aʼlá raʼichásaré.
Aʼlá iné japi mi kipúa muchuwi. Japalí mi iné echi pagótami japi kipúa muchuwi, ke mi nilajá inema jiti ke cha nílima. Japalí mi nawesa wilí, ami inema ibili niraa; ke mi suwaba napabú riká inema japi kipúa muchuwi.