BINELÍWAMI 13
Ruyé chúriká nokisare
Proverbios 3:21
JAPI MI BINEMA: Aʼla ruyé echi pagótami japi mi kipúa muchuwi japi chúriká iʼwiro echi nawésali japi mi nawesia wilí alí aʼlá ruyé piri iyiri nokisare.
CHUMI RIKÁ ISIMA
Natá echi pagótami jitra japi mi kipúa muchuwi. Aʼlá natá chúsiá echi pagótami japi mi kipúa muchuwi aʼlá kipúsaré japi mi binérima. Nárika isí: “¿Chu ni riká binérima jiti echi pagótami nokimea japi ni iyiri binérili?”.
Japalí mi bineria wilí, aʼla ruyé echi pagótami piri iyiri nokimea. Né kulí jonsa echi pagótami japi mi kipúa muchuwi natásaré: “Jepuná nawésali tamí iʼwírima”. Japalí mi bineri echi namuti we natéami aʼlá ruyé piri iyiri nokimea.