Né sulachí jonsa kanílika raʼichá

Romanos 12:11, TNM

JAPI MI BINEMA: Kanílika bineri jiti echi pagótami aʼlá binema alí nokinálima japi mi iyiri bineri.

CHUMI RIKÁ ISIMA

• We aʼlá biné jiti mi né sulachí jonsa binérima. Japalí mi echoná bitichí jonsa biné japi mi binérima, we aʼlá natá chúsiá we natéami ju. We aʼlá biné japi mi nawisama jiti mi aʼlá machimea chumi riká ruyema.

• Natá japi chu nílima echi pagótami japi mi kipuma. Nárika isí: “¿Chu nílima kipúa echi pagótami japi ni iyiri binérima? ¿Achi we kanílima?”. Aʼlá natá chúriká mi ruyema jiti echi pagótami aʼlá námima alí machimea japi we natéami ju japi mi bineri.

• Né sulachí jonsa kanílika bineri. Kanílika bineri. ¿Chúsiá? Jiti echi pagótami machí japi mi we kanílika bineri japalí mi néwariwélisa mujé akala alí japalí mi nokérika raʼichasa mujé sikala.