BINELÍWAMI 1

Japi riká mi animea bachá

Hechos 17:22

JAPI MI BINEMA: We aʼlá natá japi mi chúriká animea echi introducción jiti echi pagótami we aʼlá kipúa mochima; japalí mi kulí raʼicha ruyé echi tema japi mi iyiri binérima jiti echi pagótami machimea chúsiá we natéami ju japi mi iyiri raʼichama.

CHUMI RIKÁ ISIMA

Ané japi iyiri machinali. Natá japi mi iyiri nárima; ruyé bilé namuti japi a bichíwali ju. Ayénachó ruyé japi ikili jarecho pagótami o japi mi kipuli echoná noticias.

Nárika isí: “¿Piri newalé echi pagótami? ¿Achi risoa nilia piré? ¿Chúsiá?”. We aʼlá ruyé japalí mi ma aʼlá machisaa piri iyiri machinali echi pagótami.
Aʼlá ruyé echi tema. Japalí mi ma anisaa echi introducción ayénachó mi animea echi tema alí miná ko mi animea japi nokimea echi pagótami kipusa echi nawésali japi mi nawisama.
Ruyé chúsiá we natéami ju echi tema. We aʼlá nátika bineri japi newalé echi pagótami. Aʼlá ruyé echi introducción jiti echi pagótami aʼlá machimea chúriká kanílika pirélima a nijéwisaká japi mi nawisama.

Japalí mi binea asisaa echoná bitichí echi nawésali japi mi nawisama echoná napawíliwachi, nárika isí: “¿Chu nílika piré echi hermanos japi ni yúa napawila?”. Japalí mi ma machisaa, ami osimea echoná introducción japi newalé echi hermanos.