Aʼlá raʼichá japalí mi bineri

Mateo 20:31

JAPI MI BINEMA: Japalí mi bineri wilisaa ami raʼichásaré, jiwérika, kanílika alí sapuka o ke jiwérika, aʼmónika o kilii niraa. Echi riká mi isísaká, we mi aʼlá ruyema japi mi iyiri binérnali alí echi pagótami we simá nílima mi kipúa.

CHUMI RIKÁ ISIMA

• Jiwérika o kiti jiwérika raʼichá. Jiwérika raʼichá japalí mi binérnali echi namuti we natéami jiti echi japi mi kipúa muchuwi nokinálima japi mi bineri. Echi riká cho isí japalí mi leeri echoná Bíbliachi japoná aní japi bilé raʼamárami nili. Kiti jiwérika raʼichá japalí mi ruyea wilisaa japi bilé majaa bitéili o niwímika bitéili.

• Kanílika alí aʼmónika raʼichá. Japalí mi bineri japi bilé we kanílika asali mujé ayénachó kanílika raʼichá; japalí mi ruyénilisa japi riká: “waʼlú ju” o “we miká ju”, ami batónika raʼichama japoná echi riká aní. Alí, japalí mi bineri japi bilé we aʼmónika asali, ayénachó mi aʼmónika raʼichama.

• Sapuka o kilii raʼichá. Japi riká echi pagótami kanílika binema alí nokinálima japi mi iyiri bineri, ami sapuka raʼichásaré. Alí, japalí mi ruyénili jaré namuti we natéami, ami kilii raʼichama jiti aʼlá moʼama japi mi iyiri aní.