Piri mi isísaré jiti mi we aʼlá moʼama japi aní ibili binelíwami
Bilé yúa biné jepuná oselí. Ané echi japi mi iyali na oselí jiti mi binérima o ayénachó tani japi bilé mi binérima néeka echi página internet jw.org.
BILÉ PARTE
Leeri suwaba párrafos. Ibili preguntas números uchúwami ju (A) alí nirú textos bíblicos chókami oserúami (B) japi ruyé echi namuti we natéami japi mi biné. Iné japi jaré textos aní “Leeri”.
OKUÁ PARTE
Bachá párrafo japoná aní “Aminabi natabo japi ta biné” ruyé japi mi binema echoná (C). Echi subtítulos japi números uchúwami ju, aní chu iyiri ju echi namuti we natéami japi mi binema (D). Leeri echi textos bíblicos, aní japi mi náriwa alí iné echi videos (E).
Iné echi dibujos alí leeri japi echoná mulipi oserúa uchuwi (F), alí natá piri mi animea japoná aní “Japi aní jaré pagótami”(G).
BIKIÁ PARTE
Ma suwéena echi binelíwami, ami riwimea japoná jéaní “Japi mi bineli” alí “Piri mi animea”(H). Ma mi sunisa binea, osá japalí mi sunili binea echi binelíwami. Echoná recuadro, echi japi mi bineri mi anema japi mi isísaré jiti mi we aʼlá binema (I). Alí japoná aní “Jiti mi che binema” ami riwimea jarecho oselí alí videos (J).
Chúriká mi aama echi textos japi Bíbliachi uchuwi
Bachá aa echi libro (A), echi capítulo (B), alí echi versículo o jaré versículos ma (C). Japi riká, Juan 17:3 “echi libro ko ju Juan, capítulo 17, versículo 3”.