Kúruwi alí iwé, raʼichasi emi wénwala yúa

¿Chúsiá mi ruyésaré mujé wénwala japi mi nata? (Pr 23:26). Jiti Jeobá ko echi nuleli japi mi tibuma alí iʼwírima (Sl 127:3, 4). Ke mi ruyésaká japi mi nili echi ko ke omérima mi iʼwiria. Ayénachó, ke mi omérima binea echi namuti japi mujé wénwala machí. Nalí, ¿achi mi ne suwaba ruyésaré japi mi nili? Ke, nalí a mi ruyésaré japi echi ko a machisáré (Pr 3:32).

Ami natásaré chu kabú timí a omérima raʼichia o ayénachó osá bilé carta alí echi riká ruyé japi mi nili. Nalí, echi a raʼichánalaká alí mujé ko ke, ami natásaré japi echi ko mi iʼwírinali. Ami inésaré mujé wénwala japi riká mujé amígowala, ke ko japi riká mujé sayérala. Ami iʼwérili isísaká raʼicha mujé wénwala yúa, we mi kanílima jipi alí pe aminana (Pr 4:10-12).

INEPO ECHI VIDEO JAPALÍ MI REMALÍ JU: CHÚRIKÁ MI RAʼICHAMA MUJÉ WÉNWALA YÚA, ALÍ ANISÍ JAPI TI MI NÁRIPORÉ JENAʼÍ:

• 

  ¿Chu anijó Esther alí Partik?

• 

  ¿Mujé piri mi biné Jesús jitra?

• 

  ¿Chúriká newa noká mujé wénwala japi mi galé?

• 

  ¿Chu iyiri texto mi iʼwírima raʼichia mujé wénwala yúa?