Kanílika ruyé echi namuti baʼóami

Job 16:5

JAPI MI BINEMA: Kiti bi raʼichá echi namuti chati japi ikí jipi rawé, nalí raʼichá echi namuti we baʼóami japi aní echi Biblia alí iʼwérili iyá echi japi mi kipúa muchuwi.

CHUMI RIKÁ ISIMA

• Natá japi echi pagótami japi mi kipúa muchuwi aʼlá nokáami ju. Natá japi echi hermanos iʼwérili noká nijewia Jeobá. Japalí mi busuré iyasa echi hermanos ayénachó ané jaré namuti japi we aʼlá noká jiti kanílima.

• Kiti né wiká raʼichá echi chati namuti japi ikí jipi rawé. Ami raʼíchiaka jaré namuti japi chati ju, ruyé bi echi chati namuti japi a né bichíwali machisare echi pagótami jiti echi riká námima japi mi iyiri binérnali. We kanílika raʼichá japalí mi bineria wilí jiti echi pagótami we kanílika mochima mi kipúa.

• We aʼlá bineri japi aní echi Biblia. Ruyé japi isili Jeobá, japi isimí alí japi isima pe aminánami jiti kanílika pirélima echi pagótami. Ayénachó ruyé echi namuti japi ikimea pe aminánami jiti echi japi mi kipúa muchuwi aminabi bichiima alí ke majaa nijéwima Jeobá.