BINELÍWAMI 3
Aʼlá nátika nari echi pagótami
Mateo 16:13-16
JAPI MI BINEMA: Aʼlá nátika nari echi pagótami jiti nata mochima japi mi iyiri nárili; echi riká mi isísaká ami omérima aʼlá ruyea echi tema alí echi namuti we natéami japi mi binérima.
CHUMI RIKÁ ISIMA
Aʼlá nátika nari echi pagótami jiti nata mochima. Bilé namuti nari japi machinalia piré echi pagótami; echi riká mi isísaká, echi pagótami aʼlá natama chu iyiri ju echi respuesta.
Jaré namuti nárika ruyé. Japalí mi ma nawesia wilisaa, jaré namuti nari alí ruyé echi respuestas jiti echi riká aʼlá binema echi pagótami.
Aʼlá bineri echi namuti we natéami. Kulí ruyemia bilé namuti we natéami, ami nárima echi namuti jitra japi mi nawesia wilí, jiti echi pagótami machinalia mochima. Ma ruyesa echi namuti we natéami ami checho ku nárima jiti echi pagótami newalama japi mi nawésili.