Nee echi raʼíchali japi a machí echi pagótami

1 Corintios 14:9

JAPI MI BINEMA: We aʼlá ruyé jiti echi japi mi kipúa muchuwi we aʼlá námima japi mi iyiri nawesia wilí.

CHUMI RIKÁ ISIMA

• We aʼlá biné japi mi binérima. We aʼlá biné echi tema jiti mi omérima binoy raʼíchika ruyea echi nawésali alí jiti mi néema echi raʼíchali japi ke me jilírami ju.

• Kiti né wiká raʼíchali raʼichá alí japi ke me jilírami ju. Tákoré ke chibi riké neelia wiká raʼíchali, we be nalí we aʼlá ju kuabi raʼíchali neelia japalí mi ruyé echi namuti we natéami.

• Ruyé echi palabras japi ke aʼlá machí echi pagótami. Kiti me nee echi palabras japi we jilírami ju; aʼlá ruyé japi chu nokáami nili echi pagótami japi Bíbliachi oserúa uchuwi, chúriká napáchili, chúriká raʼíchami nili o chúriká anáwili echi namuti.