CANCIÓN 111
Matétarabá Jeobá, we ti kanili
(Mateo 5:12)
1. Sinéami ka napawika
nijéwipa echi Jeobá.
Omáana piréami nijewi
japi Onorúami nulá.
Echi Onorúami Raʼicháala
namuti natéami aní.
Alí tamujé we kanili
leeria echi oselí.
A ti we kanila nijewi
echi Onorúami Jeobá.
Ke tasi sineti siwepo
we chati namuti ikisaa.
(ESTRIBILLO)
Matétarabá, oh, Jeobá
jiti ta kaníliami ju
alí sinibí mujé ko nakí
japi a nijéwami ju.
2. Jeobá we semati niwali
suwaba japi ikí nirú.
Echi ko niwali animales
alí sipolí ayénachó.
Suwaba namuti ineka
binepo japi aní Jeobá.
Alí ta kanila nawesa
japi Jesucristo nulá.
Jesús ma mulipi isima
japi iyiri anili binoy:
semati namuti niwama
omáana jena kawichí.
(ESTRIBILLO)
Matétarabá, oh, Jeobá
jiti ta kaníliami ju
alí sinibí mujé ko nakí
japi a nijéwami ju.
(Leeri Deut. 16:15; Is. 12:6; Juan 15:11).