CANCIÓN 159
¡Ani walubéala anema Jeobá!
(Salmo 96:8)
1. ¿Jépuká omérima niya
japi riká ju mujé?
Oh, Jeobá, ke bileti,
nijé aʼlá machí jepuná.
We mi jiwérami ju ko
ʼlí we galéami si.
Tasi bileti omeri
natetia japi mi isimí.
(ESTRIBILLO)
Mujé, Jeobá, ne Walubéala ju,
jiti la ni wikará.
ʼLí périkó tamí aʼlá kipú,
¡we kanílika nijé
walubéala mi ané!
2. We ni kanila nijewi
japi mi tani Jeobá,
echi mujé Nulalila
nijéwimarí sinibí.
Ni walubéala mi anema
japi riká ni isimí
ʼlí sinibí ni raʼichama
japi mi iyiri isimí.
(ESTRIBILLO)
Mujé, Jeobá, ne Walubéala ju,
jiti la ni wikará.
ʼLí périkó tamí aʼlá kipú,
¡we kanílika nijé
walubéala mi ané!
3. We ni kanili inea
japi niwali mujé;
echi kawí we semati,
ripá rewegachi achó.
Echi riká ni biné si
japi riká mujé ju;
we mi galé ne sinéami
ʼlí we mi machíami ju.
(ESTRIBILLO)
Mujé, Jeobá, ne Walubéala ju,
jiti la ni wikará.
ʼLí périkó tamí aʼlá kipú,
¡we kanílika nijé
walubéala mi ané!
(Leeri Sal. 96:1-10; 148:3, 7).