Sinibí binéripo echi pagótami: Chúsiá ta náripa

CHÚSIÁ WE NATÉAMI JU. Jiti ta machibuba echi baʼwí echoná payéwichi maníami ata newalé bilé lochi japi echi jitra turupa baʼwí; echi riká ta nokiyare japalí ta nárisa bilé namuti echi pagótami jiti machiboa japi nila echi riká nokisaa ko ju japi riká ko ti baʼwí machibúa (Pr 20:5). Echi pagótami ko a raʼicha japalí ta bilé namuti nárisa. Japalí ta ma machisaa japi ta náripa, echi pagótami ko a aní japi nili. Jesús ko a machiyé japi piri nárima echi pagótami. ¿Chúriká nokiboa japi riká isili Jesús?

CHÚRIKÁ NOKIBOA:

• Nari jiti mi machimea piri nata. Jesús ko a machili piri ka nárima echi discípulos alí echi riká machili piri ka nátami ju (Mt 16:13-16; be-S pág. 238 párrs. 3-5). ¿Piri ka mi nárima echi pagótami jiti mi machimea japi nata?

• Nari mujé jiti aboi machimea piri nokisare. Jesucristo ko iwírili echi Pedro jiti natama japi riká Onorúami nata; echi ko nárili jiti Pedro binoy machimea japi piri ka isima (Mt 17:24-26). ¿Piri ka mi nárima jiti binoy machimea japi chu isisaré?

• Jéané japi we aʼlá anili. Jesús ko jéaneli japi aʼlá niili japi riká anili “mapurigá echi rijói ne galabé niráa ku nijéwali” (Mr 12:34). ¿Chu mi anema japalí bilé aʼlá anisaa echi japi mujé nárili?

INEPO ECHI VIDEO JÉANÍAMI: NOKÍSIPO BI A JAPI RIKÁ ISILI CRISTO: BINERIA ALÍ ANISÍ JAPI TAMÍ NÁRIPORÉ JENAʼÍ:

• A bichíwali ke larú japi anili echi binériami, ¿chúsiá ke aʼlá nili japi riká binérili?

• ¿Chúsiá echi binériami ke ruyésaré wiká namuti?

INEPO ECHI VIDEO ALÍ ANISÍ JAPI TAMÍ NÁRIPORÉ JENAʼÍ:

• ¿A machili echi hermano piri nárima?

• ¿Chúsiá echi riká cho nokiboa tamujé?