Japi ikili bilé

Aʼlá namuti japi ikí japalí ti natimá suwaba pagótami

Siné rawé bilé hermana Nueva Zelanda bitéami, ineli echi video riwéami Preocupémonos unos por otros, japi raʼicha japi Jeobá ke bi natimáami ju nalí ayénachó néwariwéliti (Is. 63:7-9). Jiti la echi nátili echi riká cho isimia alí aali bilé japi iʼwírima. Echalí rawé simili ralimeya jaré namuti alí ineli bilé mukí echoná calle bitéami alí nárili achi nakiyá japi ralélima koʼwáami. Echi mukí aneli japi a nakí. Japalí echi hermana ku nawali toyá echi koʼwáami, ruyeli echi Biblia jitra néeka echi tratado ¿A ta ma ke che risoa nilia pirélipiré?

Echi mukí we nalali alí anili japi bineli echi Biblia japalí tiwé nili, nalí wiká bamíali jonsa riweli napawía echoná congregación. Nalí be, echi ko tania asali Jeobá japi echi iʼwírima checho ku muliwia. Echi hermana iyali bilé Biblia alí aneli japi ku nolínima jiti napawika binema.a

Japi riká isimí Jeobá, ati omeri néwariwélitia japi ta we natimá echi pagótami, tamujé téemala alí echi hermanos echoná congregación. Ayénachó néwariwélitipo japi ta we natimáami ju japalí ti jiwérika noká nawesia.