Taenegü rü taeyagü i yae rü ãũrima tüü̃ tanguꞌẽẽ!

Rü torü ngutaqueꞌetücumügüwa muü̃tchi i taenegü rü taeyagü i yae rü Yeuwaü̃ tapuracüe marü mucüma ya taunecü. Nümagü rü nagu nayaõ ya Tupanaü̃, ngẽma tüü̃ nanguꞌẽẽ rü ta torü õü̃ naporaẽẽ. Yaena nacaꞌ ínaca rü Yeuwaü̃ yaõgüü̃tücumüarü oretchigacaꞌ rü norü gutchaü̃gü nüü̃ ngupetüü̃ na nhuãcü Yeuwa nüü̃ narüngü̃ẽẽü̃ na nanameẽẽü̃ i ngẽma gutchaü̃gü. Name niĩ yaena tau rü wüigu tapatacü̃ãꞌmaã Yeuwaü̃ icuaꞌüüü̃ü̃caꞌ rü tüna nacaꞌ taca norü maü̃arü oretchigacaꞌ.

Cuma rü Yeuwaü̃ cupuracü marü mucüma ya taunecü? Curü ngutaqueꞌetücumüwa, ngetüꞌügümaã rü paü̃gümaã quidea i curü õtchiga. Yacú rü Yúche norü napatacü̃ãꞌmaã nideagü na nhuãcü Yeuwa nüü̃ narüngü̃ẽẽ. (Gên 48:21, 22, TNM, 50:24, 25) Yeuwa nanamu ga Iraéuanecü̃ãꞌarü yatügü napatacü̃ãꞌü̃ nanguꞌẽẽ i taꞌacü i meü̃ Yeuwa nacaꞌ naüü̃. (Deut 4:9, 10, TNM rü Sal 78:4-7) Nhuꞌma papagü rü mamagü rü ngutaqueꞌetücumüarü taenegü rü taeyagü i ngetüꞌügümaã rü paü̃gümaã nideagü na taꞌacü nüü̃ nadau ga Yeuwa marü üü̃.

NÜÜ̃ NADAU I NGẼMA VÍDEO: ELES CONTINUARAM UNIDOS SOB PROSCRIÇÃO. YICAMA NANGAÜ̃:

• Nümaü̃ i natchiü̃anegüwa torü puracü ya Yeuwacaꞌ na natchuꞌuü̃ niĩ. Nhuãcü Betéu ya Áustriacü̃ãꞌ i ngẽma taenegüü̃ rü taeyagüü̃ narüngü̃ẽẽ?

• Nhuãcü ga nhaa natchiü̃anegüwa i taenegü rü taeyagü nügü naporaẽẽ i norü õwa?

• Tüꞌcüü̃ ga muü̃ma i taenegü rü taeyagü ya Romêniacü̃ãꞌ Yeuwaü̃ yaõgüü̃tücumü na niũgatchigü? Tüꞌcüü̃ ga yicama rü wenaarü nawoegutchaü̃?

• Nhuãcü ngẽma vídeo curü õü̃ naporaẽẽ?