Nhuãcü taeyagü yeera Yeuwaü̃ tapuracüe?

Taeyagü meẽtchi i puracü taügüü̃ nawa i puracü ya Yeuwacaꞌ. (Sal 68:11) Taeyagü muü̃tchi i duü̃ü̃gümaã Tupanaarü Orecaꞌ ingúe rü Yeuwacaꞌ tapuracüe i pioneira regularwa. Rü nhuꞌmatchi, muẽma ya taeyagü tümaarü maü̃nemaã Betéuwa tapuracüe rüeꞌna missionáriagü rüeꞌna dea i to i nagawa taügü. Rü togü i taeyagü nüü̃ irüngü̃ẽẽgü i naügüne rü nameẽẽgüne i ngutaqueꞌepataü̃güwa. Taeyagü i ngĩãẽü̃ cuaꞌcü tümatanüü̃ rü yaõgüü̃tücumüü̃ tataãẽẽẽ. (Pro 14:1, TNM) Aicuma niĩ na taeyagü natauma i nümaü̃ i puracügü na taenegü ngẽmagüü̃ notürü tümagü rü yeera Yeuwaü̃ tapuracüe rü nüü̃ ticuaꞌüü̃gü. Pa taeyagü, taꞌacü tá yeera peügüü̃?

• Cugü naporaẽẽ na yeera meü̃ i nacümagü cunaweꞌü̃caꞌ. — 1 Tim 3:11, 1 Pe 3:3-6

• Tüü̃ narüngü̃ẽẽ a ngewacagüü̃ü̃ i taeyagü i curü natücumüwa. — Titu 2:3-5

• Cugü naporaẽẽ na meã cuüü̃caꞌ i puracü ya Yeuwacaꞌ.

• To nagaü̃ nacuaꞌü̃.

• To natchicawa narüngü̃ẽẽ.

• Cutchiga naátügu nawü i petição na Betéuwa cupuracüü̃caꞌ rüeꞌna naügüneü̃caꞌ rü nameẽẽgüneü̃caꞌ i natchicagü i Yeuwaü̃ nawa icuaꞌüü̃güü̃.

• Cutchiga naátügu nawü i petição na Orearü Uruü̃güarü Ngúepataü̃wa cungúü̃caꞌ.

NÜÜ̃ NADAU I VÍDEO: “MULHERES QUE TRABALHAM ARDUAMENTE NO SENHOR”. YICAMA NANGÃÜ̃:

• Nhuãcü ngẽma taeyagüarü ore cuü̃ naporaẽẽ?