Curü ngúeü̃güü̃ nanguꞌẽẽ na norü õ naporaẽẽü̃caꞌ

Aicuma niĩ na cunawaꞌe na curü ngúetanü yeera Yeuwana nangaicama rü norü õ naporaẽẽ. Na ngẽma nangupetüü̃ü̃caꞌ, nümatama rü nanawaꞌe norü ngútchaü̃maã Tupanaarü Orecaꞌ nanguꞌ. (Mat 5:3, Ebr 5:12–6:2) Nüma rü nanawaꞌe meã nüü̃ nacuaꞌü̃ na nhuãcü norü õna nadau.

Noriarü ügüwa nüü̃ nanguꞌẽẽ na nhuãcü nügü ínameẽẽ i norü nguꞌcaꞌ rü guü̃guma nüna nacuaꞌãtchi na tüꞌcüü̃ norü mecaꞌ niĩ naü i ngẽma. (Apostila 03/18 naátü 6) Rü nhuꞌmatchi, nüü̃ naucuꞌẽ na norü nguꞌü̃pa Yeuwacaꞌ nayumüẽ. Rü ta nüü̃ nanguꞌẽẽ na nhuãcü nacaꞌ nadau i tórü sitewa rü JW Librarywa. Nüü̃ nataãẽẽẽ na nüü̃ nadauü̃caꞌ i taꞌacü ngẽwacaü̃ü̃ i site jw.orgwa rü JW Broadcasting^®wa nangẽma. Íraü̃tchigü, nüü̃ narüngü̃ẽẽ na wüitchigü i nguneü̃gu Tupanaarü Orewa naugütaeü̃caꞌ rü ngutaqueꞌegü nanameẽẽü̃caꞌ rü nhuãcü nacaꞌ nadau ngẽguma tama meã nüü̃ nacuaꞌgu. Rü ta nüü̃ narüngü̃ẽẽ na Yeuwaarü nguꞌẽẽtaegügu rüĩnüü̃caꞌ.

NÜÜ̃ NADAU I VÍDEO: AJUDE SEU ESTUDANTE A ALIMENTAR-SE EM SENTIDO ESPIRITUAL. YICAMA NANGÃÜ̃:

• 

  Nhuãcü Sara Jadeü̃ tarüngü̃ẽẽ na meã nüü̃ tacuaꞌü̃caꞌ na tüꞌcüü̃ nameẽtchi niĩ nagu tarüĩnü i taꞌacü nawa nüü̃ tacuaꞌü̃?

• 

  Taꞌacü Jadeü̃ nüü̃ nacuaꞌẽẽ na Yeuwa ngeãẽü̃tchi naai?

• 

  Taꞌacü Jadeü̃ narüngü̃ẽẽ na nüü̃ tacuaꞌü̃caꞌ na tümaarü mecaꞌ niĩ Tupanaarü Oregu tarüĩnü?