Nacaꞌ nadau meü̃ i ucuꞌẽgü nawa i site jw.org

Tupanaarü Ore tüna naã guü̃ma i taꞌacü tanawaꞌegü na yana naĩnüwaꞌegü namaã i gutchaü̃gü i nhuꞌma nguneü̃güarü guꞌwa. (2 Tim 3:1, 16, 17) Notürü, nhuguãcü, inawaꞌegü i ngü̃ẽẽ na nüü̃ itayangaugüü̃caꞌ i Tupanaarü ucuꞌẽgü i wüi ngupetüü̃tchiga. Cuaꞌãtchiruü̃, pa cuma na papa rüeꞌna mama quiĩ eꞌna nacaꞌ cudau i ucuꞌẽgü na meã cuacügüü̃ cunguꞌẽẽü̃caꞌ? Pa cuma rü ngetüꞌü̃ rü pacü gutchaü̃güwa cungẽma na nüü̃ naü i curü õ? Pa yutecü rü pa yumaü̃ eꞌna ngúü̃ quinge? Nawa i site jw.org nangẽma natchigagü i Tupanaarü Orearü ucuꞌẽgümaã rü ngẽma rü cuü̃ narüngü̃ẽẽ tá na ngẽma ngupetüü̃maã rü muü̃tchi i togü ta. — Pro 2:3-6

Nawa i site, nagu naücu i TUPANAARÜ OREARÜ NGUꞌẼẼTAE rü nüü̃ nauneta i natchiga na yeera nüü̃ cucuaꞌtchaü̃. (Nüü̃ nadau i natchicünaꞌã 1.) Rü ta cuma rü nagu naücu i POPERAGÜ > JWARÜ NATCHIGAGÜ rü nüü̃ nauneta i wüi natchiga. (Nüü̃ nadau i natchicünaꞌã 2.) Nüü̃ icuyangau i ngẽma ta nawa i aplicativo JW Library^®.a Rüeꞌna nüü̃ nadau i natchigagü i nüü̃ cudautchaü̃ i sitewa rüeꞌna aplicativowa. Rü nhuꞌmatchi, cuma rü nüü̃ icuyangau ta wüi natchiga namaã i quadru Nacaꞌ nadau nawa i site jw.org.

Nacaꞌ nadau i ngẽma natchigagü rü nüü̃ nauneta i taꞌacüwa cuugütaetchaü̃.

• Cuacügüü̃ nanguꞌeẽẽ

• Tama taãẽcü cumaü̃

• Ngẽguma duü̃ü̃ yugu