Ngĩtae — Na guü̃gutáma nügümaã namaẽü̃caꞌ

Ngẽguma wüi yatü rü ngeꞌe na marü ingĩü̃ meãma wüigu namaẽgu rü Yeuwaü̃ natatchigaẽẽ rü taãẽãcü namaẽ. (Mar 10:9) Na meã wüigu namaẽü̃caꞌ i norü ngĩwa, yaõgüü̃ nanawaꞌegü aicuma Tupanaarü Orearü ucuꞌẽgüga naĩnüẽ ngẽguma nüü̃ naunetagu i teémaã ningĩtchaü̃.

Cuma rü cuããrüaꞌtchaü̃? Nüna nacuaꞌãtchi na wüi duü̃ü̃ nanaweꞌ i cuaꞌ, ngẽguma namaã ningĩgügu i ngetüꞌü̃guwena rüeꞌna paü̃guwena na tama naü̃nearü ngútchaü̃ namaã ínacuaꞌü̃caꞌ. (1 Cor 7:36) Nayõnie na yeera Yeuwamaã cuãmücüü̃caꞌ rü meü̃ i nacümagü cuü̃́ ngẽmaü̃caꞌ i ngẽguma ngemacü rüeꞌna ngetecü quiĩgu, erü ngẽma rü tá cuü̃ narüngü̃ẽẽ ngẽguma marü cungĩgu.

Naü̃pa na cungĩ, name niĩ meãma nüü̃ cucuaꞌü̃ i teémaã cungĩtchaü̃ na nüü̃ cucuaꞌü̃caꞌ na teé aicuma yiĩü̃ ya tüma. (1 Pe 3:4) Tchi tama meã nüü̃ cucuaꞌgu i tümacümagü rü tümamaã nidea ya teémaã cuããrüaꞌ. Rü name niĩ i curü ngĩwa rü tama cugüguicatama rüĩnü, ‘notürü cugü naporaeẽẽ na cumücüü̃ curüngü̃ẽẽü̃caꞌ.’ (Pir 2:3, 4) Tchi Tupanarü Orearü ucuꞌẽgüga cuĩnügu i curü ngĩü̃pa, ngẽma rü tá cuü̃ narüngü̃ẽẽ na meã nüna cudauü̃caꞌ i curü ngĩ rü taãẽãcü cumücümaã cumaẽü̃caꞌ i wipeꞌewa.

NÜÜ̃ NADAU I VÍDEO: PARA QUEM PENSA EM SE CASAR — PARTE 3: ‘CALCULE AS DESPESAS’. YICAMA, NANGÃÜ̃:

• Taꞌacü nangupetüü̃ yeguma taeya namaã taããrüaꞌgu ya Shane?

• Taꞌacüü̃ icuaꞌãtchi ya taeya yeguma yeera Shanecümagüü̃ icuaꞌgu?

• Nhuãcü taeyaarü papa rü mama tüü̃ narüngü̃ẽẽ? Rü taꞌacü meü̃ i uneta taeya taü?