TORÜ MAÜ̃ I CRISTURÜÜ̃ IĨÜ̃
Yeuwa tüü̃ namaẽẽ ya yíema tügümaã ngetchaü̃güe
Guü̃ma i duü̃ü̃gü rü nhuguãcü rü nangetchaü̃. Rü ngẽguma wüi duü̃ü̃ nangetchaü̃gu, ngẽma rü tama nanaweꞌ na norü õ natura niĩ. Erü Yeuwa ta nhuguãcü nangetchaü̃. (Gên 6:5, 6) Notürü taꞌacü tá iügüü̃ tchi guü̃guma tangetchaü̃gügu?
Nacaꞌ nadau i Yeuwaarü ngü̃ẽẽ. Yeuwa nacaꞌ nagutchaãẽ i taꞌacü taãẽwa ngẽmaü̃. Nüma rü nüü̃ nacuaꞌ ngẽguma itaãẽgügu rüeꞌna tangetchaü̃gügu. Rü nüma rü meã nüü̃ nacuaꞌ i guü̃ma i torü ĩnügü rü taꞌacü tüü̃ ngúü̃. (Sal 7:9b) Rü narümemaẽ niĩ na Yeuwa tacaꞌ nagutchaãẽ rü tüü̃ narüngü̃ẽẽtchaü̃ ngẽguma tangetchaü̃gügu rüeꞌna poraãcü tangetchaü̃gügu. — Sal 34:18
Nüna nadau i curü ĩnü. Ĩnügü na tüü̃ nangetchaü̃ẽẽ rü nanagutchaü̃ẽẽ i torü taãẽ rü ta na Yeuwaü̃ ticuaꞌüü̃güü̃caꞌ. Ngẽmagagu, inawaꞌegü torü ĩnügüna idaugü. — Pro 4:23
NÜÜ̃ NADAU I VÍDEO: NHUÃCÜ TAENEGÜ RÜ TAEYAGÜ RÜ NAMEÃẼMAREGÜÜ̃ NGẼGUMA PORAÃCÜ NANGETCHAÜ̃GÜGU. YICAMA NANGÃÜ̃:
Taꞌacü Nikki taü na nüna idauü̃caꞌ i tümaarü daꞌawe (depressão)?
Nhuãcü Nikki nüü̃ ticuaꞌãtchi na inawaꞌe duturumaã idea? — Mat 9:12
Nhuãcü Nikki inaweꞌ na Yeuwagu iyaõ na tüü̃ narüngü̃ẽẽ?