Ezequiel

24 Nigruígú mbu̱júu̱ ajngóo Jeobá dí maʼni mijna gu̱wa̱ʼ tsiguʼ, índo̱ niʼni gu̱wa̱ʼ igu̱nʼ náa dí gu̱wa̱ʼ mbiʼi dí gu̱nʼ rúʼko̱. Niʼthúnʼ: 2 “A̱ʼdióo xa̱biya̱, ataniraʼmáʼ mbiʼi rígi̱.* Numuu dí mbiʼi rígi̱ rey ndrígóo Babilonia nigíʼdu̱u̱ nixmínaʼ ga̱jma̱a̱ Jerusalén. 3 Aratá mbá ajngáa xkri̱da* ga̱jma̱a̱ numún xa̱bu̱ bi̱ tsénimbu̱u̱n. Aratá ajngáa rígi̱ ga̱jma̱a̱ numún:

‹Rígi̱ dí naʼthí Tátá Jeobá bi̱ itháán mba̱a̱:

“Atasrigu daan* náa aguʼ ga̱jma̱a̱ axíñánʼ iyaʼ.

 5 Adiin mugu̱ bi̱ itháan míjíinʼ, nda̱wa̱á atasnguaʼán ixi̱ mi̱kha náa agoo daan.

Atajíi itsu̱ ga̱jma̱a̱ xuwiʼ náa awúu̱n”›.

6 Ikha jngóo, rígi̱ dí naʼthí Tátá Jeobá bi̱ itháán mba̱a̱:

‹¡Ngínáa lá xuajin dí naxídíí eʼdi, daan dí ni̱ʼkha̱a̱ iyooʼ, dí xóó tséguma kaʼwi̱i̱ náa ni̱ʼkha̱a̱ iyooʼ!

Atrawíi mámbá xuíʼtóo xuwiʼ asndu mambáaʼ, xátra̱ʼwi̱i̱ dí matríya̱ʼ.*

 7 Numuu dí eʼdi rí nixídíí xuajin rígi̱ kaʼníí kajni̱ʼ náa ikhaa, nixídíí náa itsí tsaʼtsaʼ.

Na̱nguá nixídiríga̱ náa ku̱ba̱ʼ mu magugóo ga̱jma̱a̱ yujndaʼ.

9 Rígi̱ dí naʼthí Tátá Jeobá bi̱ itháán mba̱a̱:

‹¡Ngínáa lá xuajin dí naxídíí eʼdi!

Ma̱ni̱ dí mani̱ndxu̱u̱ mbá ru̱tsu̱u̱ ixi̱ dí nakha.

10 Atagíʼ mbá ru̱tsu̱u̱ ixi̱ ga̱jma̱a̱ atagída̱a̱ agiuuʼ mi̱kha.

Atajíi májánʼ xuwiʼ, atríya̱a̱ʼ yaʼdiuun mu xúʼko̱ mikha̱a̱ itsu̱.

Mu xúʼko̱ rí tsaga majuiya̱a̱ʼ awúu̱n ga̱jma̱a̱ dí ni̱ʼkha̱a̱ iyooʼ mi̱kha.

¡Atagíwánʼ má xúʼko̱ mikha̱a̱!›.

13 ‹Tsagán ga̱jma̱a̱ numuu mbá xúgíʼ tsaga rí nitani̱. Niniminaʼ rí maʼni̱i̱ kaʼwíín, mú tsíyoo gáʼnii kaʼwíín ga̱jma̱a̱ numuu dí mitsagáán. Maʼni̱i̱ kaʼwíín asndu índo̱ gáwi̱ji̱i̱ rí nakásngañu̱ʼ ka̱ya̱a̱ʼ. 14 Ikhúún Jeobá, nindxu̱ʼ bi̱ ni̱tha̱ rígi̱. Gajkhun dí marigá. Manimbánuu tsiaki̱i̱, xágáwíinʼ a̱jkiu̱nʼ dí ma̱ni̱ ni má xátanga̱a̱ a̱jkiu̱nʼ. Munimbaníí numaaʼ xó má nitani̱›, eʼthí Tátá Jeobá bi̱ itháán mba̱a̱”.

15 Nigruígú mbu̱júu̱ ajngóo Jeobá. Niʼthúnʼ: 16 “A̱ʼdióo xa̱biya̱, marígú káyáaʼ mbá nacha̱ bi̱ nandaaʼ xtayáá. Xáraxtaa ngíná* ni má xátambi̱ya̱ʼ. 17 Ngu̱ʼwa̱á gáraxtaa ngíná, xátani̱ xó má naguʼwún nuni̱ índo̱ kúwá ngíná ga̱jma̱a̱ numuu dí nakháñuu mbáa. Atagrígu xtíin edxa̱a̱ʼ ga̱jma̱a̱ atajngráʼaaʼ raxtáaʼ.* Xátruguáá rawaanʼ* ni má xátsu pan dí gáguwáʼ kudúún náa ikháán”.*

18 Miʼcha̱ nitamíjná gajmíʼ xa̱bu̱ xuajin, dí wakíʼ nikháñúu a̱ʼgiu̱ʼ. Ikha jngóo dí i̱mba̱ néjtsuu ni̱ni̱ xó má nijuiʼthúnʼ ma̱ni̱. 19 Xa̱bu̱ xuajin nithu̱nʼ: “Lá xáratuxu̱ʼ ndiéjunʼ eyoo gáʼthúu̱n rígi̱ náa ikháanʼxu̱ mbá xúgíʼ dí xtaa ratani̱ ráʼ.” 20 Ikhú niriʼñúún: “Nigruígú ajngóo Jeobá. Niʼthúnʼ: 21 ‹Arathún bi̱ kúwá náa goʼwóo Israel: “Rígi̱ dí naʼthí Tátá Jeobá bi̱ itháán mba̱a̱: ‹Ma̱ni̱ gachúu goʼwóʼ dí naʼni maʼdxala, dí nandala ku̱ya̱a̱ ga̱jma̱a̱ dí ra̱ʼkhá tháán eyala muguaʼdáá.* E̱jña̱la jiámá ga̱jma̱a̱ wa̱ʼxa̱ʼ* bi̱ niniʼñúúnʼ kidííʼ makhañún ga̱jma̱a̱ espada. 22 Ikhú ikháanʼla mbaʼyóoʼ mu̱ni̱ xó má ni̱ni̱ ikhúún. Xúruguáá rawanla ni má xúphu pan dí gáguwáʼ kudúún náa ikháanʼla. 23 Magri̱gu má xúʼko̱ xtíin náa e̱dxa̱laʼ ga̱jma̱a̱ gujngráʼala raxtála. Xákuwáanʼla ngíná ni má xúmbi̱ya̱ʼ. Ikháanʼ miga̱a̱nʼla ga̱jma̱a̱ numuu dí nikiéʼkala ga̱jma̱a̱ mbá xúgiáanʼ mumíniiʼ. 24 Ezequiel ni̱jkha̱nú ninindxu̱u̱ mbá tsinaʼ náa ikháanʼla. Mu̱nila xó má ikhaa niʼni. Índo̱ gárígá xúgíʼ rígi̱, muʼgua̱nú mbu̱ya̱a̱ dí ikhúún nindxu̱ʼ Tátá Jeobá bi̱ itháán mba̱a̱›”›”.

25 “Ikháán a̱ʼdióo xa̱biya̱, mbiʼi dí ikhúún gáni̱ gámbáa, dí naʼni dí xámíñún,* dí naʼni maʼdxúún, dí nandún kuyáá ga̱jma̱a̱ dí ra̱ʼkhá tháán eñún muguáʼdáá, raʼkháa i̱ndó e̱jñu̱ún jiámá ga̱jma̱a̱ wa̱ʼxa̱ʼ, 26 maʼtháanʼ xúgíʼ rígi̱ bi̱ gákríya̱a̱ʼ. 27 Mbiʼi rúʼko̱ matambáʼtáá rawaanʼ mu maratamíjná ga̱jma̱a̱ʼ bi̱ nikríya̱a̱ʼ, ni xáwanáaʼ chíjmáa. Mi̱ʼdxu̱nú mani̱ndxa̱a̱ʼ mbá tsinaʼ náa ikhiin ga̱jma̱a̱ maguánú mbuyáá dí ikhúún nindxu̱ʼ Jeobá”.