ISAÍAS

 2 Gudxawíín mekhu ga̱jma̱a̱ atagíʼ edxa̱a̱ʼ matadxawíín ku̱ba̱ʼ,

numuu dí Jeobá niʼthí:

“Ni̱ni̱ mbáji̱i̱n ga̱jma̱a̱ nisngúún e̱ji̱n,

mú ikhiin nixujximíjna̱ náa inuʼ.

 3 Xedi̱ naniniiʼ májánʼ bi̱ nañewu̱u̱n,

ga̱jma̱a̱ búrru naninuuʼ náa nuphiʼtsu muʼúún xujkiúu bi̱ nañewu̱u̱n,

mú Israel na̱nguá eninúúnʼ,

xa̱bu̱ xuajñunʼ nuni̱ rí na̱nguá eyáá”.

 4 ¡Ngínáa lá xuajin dí naʼni aʼkhá,

xuajin dí ra̱ʼkhá tháán gíʼdoo aʼkhúun,

xa̱bu̱ ra̱míjíinʼ, e̱ji̱n bi̱ nichíin!

Niniña̱a̱nʼ Jeobá,

táguáʼdáá gamajkhún náa inuu Dios bi̱ Kaʼwii náa Israel,

niniña̱a̱nʼ Dios.

Nigawúunʼ mbá xúgíʼ e̱dxa̱la

ga̱jma̱a̱ mbá xúgíʼ a̱jkia̱la gíʼdoo nandii.

 6 Nigawúunʼ mbá xúgíʼ xuyala, nagi̱ʼdu̱u̱ náa rajkuála asndu náa e̱dxa̱la, nándáa nditháan dí májánʼ,

nigawánla, maxaʼ xúgíʼ xuyala ga̱jma̱a̱ nikájtu rambujya̱ʼ rí tima...,

na̱nguá niguma thanáá, tágúu aceite ni má táxtambróʼoo xtíin.

 8 Niniña̱a̱nʼ wáxióo* Sion, xóo mbá guʼwá xtúguá náa kiʼdu uva,

xóo mbá guʼwá xtúguá náa mbá mbaaʼ dí kiʼdu pepino,

xóo mbá xuajin dí kúgumaʼá eni̱ xa̱bu̱ sia̱nʼ.

 9 Á mu dí Jeobá bi̱ naʼtáñajúúnʼ ángeles na̱nguá niniñúúnʼ nguéjmi̱i̱n bi̱ nikáwíin náa ikháánʼlú,

muʼgua̱nú manindxu̱lú xóo Sodoma

ga̱jma̱a̱ makujmáánʼlú xóo Gomorra.

“Niskoʼ eʼni tsigijñaʼ dí nutsikarámáʼ índo̱ nuxnajxíin mugu̱ e̱jmba̱a̱, ga̱jma̱a̱ xtangún xujkhúʼ bi̱ nuphiʼtsu májánʼ,

ga̱jma̱a̱ nánguá eʼni maʼdxuʼ eʼdiún e̱jín xédí, e̱jín múgú ni má tsu̱jtuunʼ.

12 Ikháanʼ naguwa̱ʼla gúxnajxími̱jna̱ náa ikhúún,

mú tsáá lá ninda̱ʼa̱la mu̱ni̱ rúʼko̱,

dí mujngapríga̱ xúʼko̱ kaʼnii náa rexo̱o̱ goʼwóʼ rá.

Ndxa̱a̱ índo̱ nagi̱ʼi̱ gu̱nʼ rudiiʼ, mbiʼi sábado, dí nagimbáanʼla...,

nánguá eʼngo̱ʼ eni̱la rí nu̱ni̱ magia, ga̱jma̱a̱ ikhú má nagimbáanʼla mbiʼi kiejuunʼ.

14 Nawi̱yu̱ʼ eʼni ndxo̱o̱ gu̱nʼ rudiiʼ dí nu̱nila ga̱jma̱a̱ i̱ʼwáʼ ndxa̱a̱,

ki̱wu̱n e̱yo̱o̱ ikhúún,

néʼngo̱ʼ eʼni ndxa̱a̱ rí nu̱nila.

15 Ga̱jma̱a̱ índo̱ ikháanʼ nuxuáʼwíi ñawánla,

narkaʼwu iduʼ náa ikháanʼla.

Maski ajndu mbaʼa nuthu etajkáanla,

ikhúún tsédxawun,

numuu dí kajnííʼ eʼdi náa ñawánla.

16 Gu̱nala, gu̱ni̱ kaʼwumijnáa,

guyejxíngaa náa iduʼ xúgíʼ dí ra̱májánʼ dí nu̱nila,

guniʼñááʼ ru̱ni̱ dí ra̱májánʼ.

17 Gajmañala mu̱ni̱ dí májánʼ, guʼyáʼ dí jmbu,

guxpríguíí bi̱ naʼni ngíníi eʼwíinʼ,

gumbáñún e̱jín wáʼa*

ga̱jma̱a̱ gumbáñún gu̱ʼú xuáʼa”.

“Tséʼniuu á mu aʼkhála niʼni̱i̱ maña̱ʼ xngeʼdi

maʼni̱i̱ miʼxídiʼ xóo idiʼ,

tséʼniuu á mu niʼni̱i̱ maña̱ʼ xóo xtíin dí maña̱ʼ xngeʼdi,

maʼni̱i̱ xóo mugu̱.

19 Á mu dí ikháanʼ nandala mudxawíín,

mu̱phula xúgíʼ dí májánʼ dí rígá náa ku̱ba̱ʼ.

20 Mú, á mu tsíyala gúdxawíín ga̱jma̱a̱ nuxujxímíjnala,

mikuala espada, numuu dí Jeobá má niʼthí rígi̱”.

Ikhí nirígá dí májánʼ,

dí jmbu nirígá ikhí,

mú dí xúgi̱, i̱ndó xa̱bu̱ bi̱ nuradíin a̱ngiu̱ún kúwá.

22 Plata ndrígáaʼ niʼni tsaga

ga̱jma̱a̱ cerveza* ndrígáaʼ ninda̱wa̱a̱ʼ iyaʼ.

Tséni̱i̱ dí májánʼ a̱ʼdá wáʼa,

ga̱jma̱a̱ nditháan tsénimbaníí májánʼ numuu a̱ʼgú xuáʼa.

24 Ikha jngóo Tátá bi̱ gajkhun, Jeobá bi̱ naʼtáñajúúnʼ ángeles,

bi̱ gíʼdoo tsiaki̱i̱ náa Israel, naʼthí:

“¡Ikhí rá! Ma̱ni̱ kríyamínáʼ náa xa̱bu̱ sia̱nʼ ndrígóʼ

ga̱jma̱a̱ matangu̱ún kagui̱i̱n xa̱bu̱ sia̱nʼ ndrígóʼ.

25 Matangu̱ún ka̱ña̱a̱n ga̱jma̱a̱ ñawúnʼ,

ma̱ni̱ kaʼwi̱i̱ ga̱jma̱a̱ xábú dí tsagán

ga̱jma̱a̱ magruígúu xúgíʼ dí tsaga náa ikháán.

26 Ma̱ni̱ dí matanga̱án maraʼdiin bi̱ nunimbaníí xkujndu, xó má nákha ginii

ga̱jma̱a̱ bi̱ nuxna consejo, xó má nákha ginii.

27 Sion maguma kríyaaʼ ga̱jma̱a̱ dí májánʼ,

ga̱jma̱a̱ xa̱bu̱ bi̱ kúwá ikhí matangi̱ín índo̱ gáguma dí jmbu.

28 Bi̱ tsénimbu̱u̱n ga̱jma̱a̱ bi̱ nuni̱ aʼkhá mbá míʼtsúú gáguma gámbíin mbá xúgíinʼ,

ga̱jma̱a̱ bi̱ nuniña̱a̱nʼ Jeobá maguma gámbíin.

29 Numuu dí ikhiin mati̱ñu̱u̱nʼ gáʼni ixi̱ mba̱ʼu̱ dí ikháanʼ nindala muguaʼdáá,

ga̱jma̱a̱ ikháanʼ mati̱ya̱la gáʼni jardín* dí niraʼwi̱i̱la.

30 Numuu dí ikháanʼ muʼgua̱nú mani̱ndxa̱la xóo mbá ixi̱ mba̱a̱ dí nujnduxtáa inúu,

ga̱jma̱a̱ xóo mbá jardín rí tséjnu̱ʼ iyaʼ.

31 Xa̱bu̱ xkujiiʼ maʼga̱nú mani̱ndxu̱u̱ xóo ra̱jxa̱ nijndooʼ,

ga̱jma̱a̱ ñajunʼ rí naʼni xóo rí mataskamáá aguʼ,

mbá nacha̱ gíkhiin mbá nájmi̱i̱n,

ga̱jma̱a̱ nimbáa xáʼngo̱o̱ gándijyuuʼ”.

 2 Náa iwáá mbiʼi,

kúbá ndrígóo goʼwóo Jeobá

mawi̱ji̱ gújkhúʼ náa inuu kúbá

ga̱jma̱a̱ mawi̱ji̱ mitsídánʼ náa inuu bíjní,

ikhí magún xa̱bu̱ bi̱ kúwá náa xúgíʼ xuajin mba̱ʼu̱.

“Gu̱ʼgua̱, gu̱tsimulú náa kúbá ndrígóo Jeobá,

náa goʼwóo Dios ndrígóo Jacob.

Ikhaa masngájmulú kambo̱o̱,

ga̱jma̱a̱ ikháánʼlú majngruigulú náa kambo̱o̱”.

Numuu dí xtángoo* magajnúu náa Sion,

ga̱jma̱a̱ ajngóo Jeobá ma̱ʼkha̱ náa Jerusalén.

 4 Ikhaa nindxu̱u̱ bi̱ maʼnimbánuu xkujndu ndrígu̱ún xa̱bu̱ xuajin

ga̱jma̱a̱ maʼnimbánuu numún xa̱bu̱ bi̱ kúwá náa mbaʼa xuajin.

Muni̱i̱ arado* espada ndrígu̱ún

ga̱jma̱a̱ kudú* muni̱i̱ ajua̱nʼ dí narujtu ra̱jxa̱.

Xa̱bu̱ xuajin ni xúxujxi̱ espada mu muxmijná ga̱jma̱a̱

ni má xájmañún muni̱ itháan guerra.

 5 Goʼwóo Jacob, gu̱ʼgua̱,

gajngruigulú náa nambiʼi agiuuʼ Jeobá.

 6 Numuu dí ikháán nitatsíñáánʼ xuajñaanʼ, goʼwóo Jacob,

ikhiin nuni̱ xó má eni̱ xa̱bu̱ bi̱ kúwá xígií náa nagájnuu a̱jkha̱ʼ,*

nuni̱ magia xó má eni̱ filisteos

ga̱jma̱a̱ náa ikhiin kúwá mbaʼin e̱jñu̱ún xa̱bu̱ bi̱ naguwaáʼ.

 7 Náa xuajñuu kajtííʼ plata ga̱jma̱a̱ oro,

ra̱ʼkhá tháán guáʼdáá dí gíʼdoo numuu.

Náa xuajñuu gajtíin wáyú

ga̱jma̱a̱ ra̱ʼkhá tháán guáʼdáá cárru.

Nusmbati̱gu̱u̱n náa inuu dí ikhiin má nini̱ ga̱jma̱a̱ ñawúúnʼ,

ma̱ngaa náa dí nini̱ ga̱jma̱a̱ e̱ji̱i̱n ñawúúnʼ.

 9 Xa̱bekha nusmbati̱gu̱u̱n, nuxruigúmíjná,

rakáʼnii dí matani̱ mba̱a̱ a̱jkia̱a̱nʼ xtañún.

10 Gata̱ʼa̱la náa tsíñu, gurkaʼwumijná náa yujndaʼ

ga̱jma̱a̱ numuu dí nakásga̱ñu̱u̱nʼ Jeobá,

ma̱ngaa ga̱jma̱a̱ tsiaki̱i̱ mba̱a̱ rí gíʼdoo.

11 Bi̱ nuni̱ mbaʼumíjna̱ muxruigú edxu̱ún

ga̱jma̱a̱ xa̱bekha bi̱ nuni̱ mbaʼumíjna̱ maguma majti̱i̱nʼ.

Ma̱ʼkha̱ náa mbá xúgíinʼ bi̱ nuni̱ mbaʼumi̱jna̱ ga̱jma̱a̱ bi̱ naguma mbaʼwi̱i̱n,

náa mbá xúgíinʼ, tséʼniuu á mu guáʼdáá numún o na̱nguá,

13 ma̱ʼkha̱ náa mbá xúgíʼ ixi̱ cedro dí rígá náa Líbano, dí mbi̱jua̱ ga̱jma̱a̱ dí mitsídánʼ,

ma̱ngaa náa mbá xúgíʼ ixi̱ roble dí rígá náa Basán,

14 náa mbá xúgíʼ kúbá rí mitsídánʼ

ga̱jma̱a̱ náa mbá xúgíʼ bíjní rí mitsídánʼ,

15 náa mbá xúgíʼ torre rí mitsídánʼ ga̱jma̱a̱ náa mbá xúgíʼ xtájtsí dí wájun gújkhúʼ,

16 náa mbá xúgíʼ barcos dí na̱ʼkha̱ náa Tarsis

ga̱jma̱a̱ náa mbá xúgíʼ barcos rí mitsaanʼ.*

17 Rí naʼnimbamínáʼ xa̱bu̱ magajtaa,

ga̱jma̱a̱ xa̱bekha bi̱ nuni̱ mbaʼumíjna̱ maguma majti̱i̱nʼ.

19 Xa̱bu̱ matu̱ʼu̱u̱n náa iñúuʼ tsíñu

ga̱jma̱a̱ náa iñúuʼ ku̱ba̱ʼ,

ga̱jma̱a̱ numuu rí nakásngañu̱u̱ʼ Jeobá,

ma̱ngaa ga̱jma̱a̱ tsiaki̱i̱ mba̱a̱ dí gíʼdoo,

índo̱ ikhaa gátujxu̱u̱ mu maʼba̱a̱n ku̱ba̱ʼ ga̱jma̱a̱ gamíi.

20 Mbiʼi rúʼko̱ xa̱bu̱ murugui̱i̱n xándiu̱ún bi̱ nda̱a̱ dí ejmiin bi̱ nigumiin ga̱jma̱a̱ plata ma̱ngaa oro,

bi̱ nini̱i̱ mu musmbati̱gu̱u̱n inún,

mudi̱i̱nʼ náa gajchún musarañas* ga̱jma̱a̱ xtíʼkhú,*

21 mu xúʼko̱ ma̱ndoo matu̱ʼu̱u̱n náa iñúuʼ tsíñu

ga̱jma̱a̱ náa iñúuʼ pátsí dí gíʼdoo tsúwáʼ,

ga̱jma̱a̱ numuu rí nakásngañu̱u̱ʼ Jeobá,

ma̱ngaa ga̱jma̱a̱ tsiaki̱i̱ mba̱a̱ dí gíʼdoo,

índo̱ ikhaa gátujxu̱u̱ mu maʼba̱a̱n ku̱ba̱ʼ ga̱jma̱a̱ gamíi.

22 Májánla má ikháanʼ á mu nuniʼñáánʼ raku̱mala ku̱ñu̱u̱n xa̱bu̱ú,

bi̱ guabiinʼ bi̱ ndañúunʼ xi̱ʼ mu makuwá ga̱jma̱a̱.

3 Numuu dí, ¡gu̱ya̱a̱la! Tátá bi̱ gajkhun, Jeobá bi̱ naʼtáñajúúnʼ ángeles,

magruigúu náa Jerusalén ga̱jma̱a̱ náa Judá xúgíʼ dí nambáñúún ga̱jma̱a̱,

xúgíʼ ganitsu ga̱jma̱a̱ iyaʼ,

 2 xa̱bu̱ xkujiiʼ ga̱jma̱a̱ soldado,

bi̱ naʼnimbánuu xkujndu ga̱jma̱a̱ profeta,* xa̱bu̱ xawan ga̱jma̱a̱ xa̱bu̱ nikhi̱i̱,

 3 bi̱ naʼtáñajúúnʼ mbá cincuenta, bi̱ kayá edxu̱u̱ ga̱jma̱a̱ bi̱ naxná consejo,

bi̱ najmañuu magia ga̱jma̱a̱ bi̱ naʼni brujo.

 4 Ma̱ni̱ dí jiámá mani̱ndxu̱ún príncipes ndrígu̱ún,

ga̱jma̱a̱ xa̱bu̱ bi̱ tséyáá rí muni̱ mutañajúúnʼ.

 5 Xa̱bu̱ muni̱ ngíníi eʼwíinʼ,

mámbáa maʼni ngínáa ndxájuu.

Dxámá maʼni ngínáa xa̱bu̱ nikhi̱i̱,

ga̱jma̱a̱ bi̱ nda̱a̱ dí nindxu̱u̱ matsíjmaa bi̱ nduyamajkuíí.

“Ikhúún xámbróʼoo xtíin náa dí nigawánla,*

ragúʼdoo ganitsu ni má xtíin náa goʼwóʼ.

 8 Numuu dí Jerusalén nixpátri̱ga̱a̱

ga̱jma̱a̱ Judá nixpátríguíi,

numuu dí nuthi ga̱jma̱a̱ dí nuni̱, tsénigu̱u̱ʼ Jeobá,

índo̱ kúwá náa inuu Dios tsénimbu̱u̱n.

 9 Dí xóo nakujmaa inún naʼthí dí nini̱,

nuthi aʼkhá dí nini̱ xóo niʼni Sodoma,

ga̱jma̱a̱ tségíʼ dí murkaʼwumáʼán.

10 Guthu̱u̱nla bi̱ nuni̱ dí jmbu rí maguáʼníí dí májánʼ,

ikhiin muda̱a̱ʼ ga̱jma̱a̱ numuu dí nuni̱.*

Magíʼnuu gamiéjunʼ,

magíʼnuu xó má dí ikhaa niʼni ga̱jma̱a̱ ñawúunʼ.

12 Mú náa xuajñunʼ, bi̱ nuthúún xa̱bu̱ xóo muñajunʼ nuni̱ xó má eñún ikhiin,

ga̱jma̱a̱ gu̱ʼu̱ etañajúúnʼ.

Xuajñunʼ, bi̱ kuya̱ edxu̱u̱ náa ikháán nuni̱ rí xáta̱ya̱a̱ dí gátani̱

ga̱jma̱a̱ nuni̱ ngawa̱a̱n náa kamba̱a̱ʼ.

13 Jeobá nawi̱ji̱ mu makruigi̱i̱n,

nawi̱ji̱ mu maʼthí ndiéjunʼ gáguáʼníí xa̱bu̱ xuajin.

“Ikháanʼla nitsikha̱a̱ náa kiʼdu uva,

ga̱jma̱a̱ kuaʼdáá náa guʼwála dí ni̱ni̱ kuʼwúún xa̱bu̱ ngíníi.

15 Ndíjkha dí nuxujmbíriga̱a̱ xuajñunʼ

ga̱jma̱a̱ nuxuʼdátíga̱ inún bi̱ ngíníi náa yujndaʼ rá.”

16 Jeobá naʼthí: “Numuu dí waʼxiinʼ Sion nuni̱ mbaʼumíjna̱

ga̱jma̱a̱ asndu mbi̱jua̱ aphúún jngruigu̱u̱n,

nurajmiin idún egún, nuni̱ xiaʼwun, asndu mañuu egún,

mu muni̱ dí mawán xábí dí jngrígú náa rajkhúún,

17 Jeobá maʼni rí makráʼáan ska* náa edxu̱ún waʼxiinʼ Sion,

ga̱jma̱a̱ Jeobá maʼni rí xágúgoo xkídúnʼ.

18 Mbiʼi rúʼko̱, Jeobá marígúu dí mitsiʼñíin, xábí dí jngrígú náa rajkhúún,

dí najmún magiwa̱nʼ edxu̱ún ga̱jma̱a̱ xábí dí xóo mbá xíʼtáa gu̱nʼ kaʼnii,

19 xábí, ajua̱nʼ dí natra̱ʼa̱ ñawúúnʼ ga̱jma̱a̱ xtíin dí nagúgoo ga̱jma̱a̱ edxu̱ún,

20 dí nuni̱ maʼni mitsiʼyáa ga̱jma̱a̱ edxu̱ún, cadena dí kajti náa rajkhúún, ga̱jma̱a̱ xtíin dí kua̱ʼa̱n tsu̱xtu̱ún,

náa kajni̱ʼ perfume ga̱jma̱a̱ amuleto,*

21 anillo ga̱jma̱a̱ xábí dí natra̱ʼa̱ rakhúún,

22 vestido dí nugíʼ índo̱ naʼni ndxa̱a̱ kiejuunʼ, xtíin rí nugíʼ mbájníí ga̱jma̱a̱ xtíin dí wajpha, ma̱ngaa murriún dí mitsaanʼ,*

23 niwanʼ dí nurajtuun ga̱jma̱a̱ ñawúúnʼ, xtíin dí lino,*

xtíin dí nagiwa̱nʼ náa edxu̱ún, ga̱jma̱a̱ xtíin dí nagúgoo ga̱jma̱a̱ edxu̱ún.

24 Ikhaa dí majmúún aceite rí ndataun, maʼni ndaska,

ikhaa dí majmúún cinturón, majmúún ñuñuu,

ikhaa dí muxtigúu mitsaanʼ edxu̱ún, maʼga tátsiu̱ún,

ikhaa dí mugíʼ xtíin mitsaanʼ, mugíʼ xtíin mi̱du̱,*

ikhaa dí maʼni mitsiʼñíin, muguaʼdáá mbá tsinaʼ dí nagiʼma ga̱jma̱a̱ ajua̱nʼ mijkha.

25 Xa̱bia̱a̱ʼ makhañún ga̱jma̱a̱ espada,

ga̱jma̱a̱ soldado ndrígáaʼ bi̱ xkujiinʼ makhañún náa nuxmijná.

26 Riejuun xuajin makuwá ngíná ga̱jma̱a̱ magáwíinʼ a̱jkiu̱ún,

ga̱jma̱a̱ xuajin rígi̱ nindxu̱u̱ xóo mbáa a̱ʼgu̱ bi̱ magi̱ʼi̱ ngíná mbáwíí”.

“Mu̱phúxu má ganitsu ndrígúxu̱

ga̱jma̱a̱ mbuʼyáʼxu má ikháanʼ xtíin dí muʼgíʼ,

i̱ndó atatsíñuxu̱ dí muyéʼguaxu mbiʼyaaʼ

mu xúʼko̱ magajta̱a̱ majthi̱ʼ* náa ikháanʼxu̱”.

5 Guniʼñúʼ ma̱ni̱ mbá ajmúú náa bi̱ nandoʼ ka̱yo̱o̱,

mbá ajmúú dí naʼthí ga̱jma̱a̱ numuu bi̱ nandoʼ ka̱yo̱o̱ ga̱jma̱a̱ uva dí niʼdu.

Ikhí ni̱ʼdu̱u̱ uva maña̱ʼ dí itháan májánʼ,

náa tapo̱o̱ dí kiʼdu uva nitsiji mbá torre

ga̱jma̱a̱ ikhí niʼni mbá iñáʼ náa makujmbi̱i̱ uva.

Ikhú nigiʼtu̱u̱n dí ma̱jma̱a̱ uva dí májánʼ,

mú i̱ndó uva xaná nijma̱a̱.

 3 “Xa̱bu̱ Jerusalén ga̱jma̱a̱ xa̱bu̱ Judá,

mbá péñu,* guthala tsáá gíʼdoo aʼkhúun, ikhúún ráʼ. O uva dí ni̱du̱ dxe̱ʼ.

 4 Ndiéjunʼ xóó ndiyóoʼ ma̱ni̱ ga̱jmu̱ʼ uva dí ni̱du̱

dí na̱nguá ni̱ni̱ rá.

Ikhúún nigúʼtu̱u̱n ma̱jma̱a̱ uva dí májánʼ,

náá numuu rí i̱ndó uva xaná nijma̱a̱ rá.

 5 Guniʼñúʼ ma̱ta̱la

dí gáni̱ ga̱jmu̱ʼ uva dí ni̱du,

ma̱ni̱jngudi̱i̱ gúlóo

ga̱jma̱a̱ mi̱kha̱a̱.

Ma̱ni̱jngudi̱i̱ xtájtsí dí niguma ga̱jma̱a̱ itsí,

ga̱jma̱a̱ muxujmbi̱riga̱.

 6 Ma̱ni̱ dí mani̱ndxu̱u̱ xóo mbá ku̱ba̱ʼ rí niguanáa,

nimbáa ni xáʼda̱ ni má xájmuu azadón.

Makráʼáan iná tsuwanʼ ga̱jma̱a̱ iná rí xkawiʼ,

matañájúúnʼ du̱u̱n dí xúni̱ maxnúu ruʼwa ikhí.

 7 Numuu dí ixi̱ uva ndrígóo Jeobá bi̱ naʼtáñajúúnʼ ángeles nindxu̱u̱ goʼwóo Israel,

xa̱bu̱ Judá nindxu̱ún ixi̱ uva dí ikhaa nindoo kaʼyoo.

Ikhaa nigiʼtu̱u̱n marigá dí májánʼ,

mú dí ra̱májánʼ nirígá,

nigiʼtu̱u̱n maguma rí jmbu,

mú niwáán mbá gitsaʼwá* dí ngíná”.

 8 Ma̱ʼkha̱nú mbá gamiéjunʼ náa bi̱ nuruwa̱a̱ guʼwá ga̱jma̱a̱ i̱mba̱ guʼwá,

ga̱jma̱a̱ bi̱ nuruwa̱a̱ mbaaʼ ga̱jma̱a̱ i̱mba̱ mbaaʼ,

asndu índo̱ nánguá gáʼchú

ga̱jma̱a̱ i̱ndó ikhiin kúwá náa ku̱ba̱ʼ rígi̱.

 9 Nidxawuun nixná ajngóo Jeobá bi̱ naʼtáñajúúnʼ ángeles,

mbaʼa guʼwá, tséʼniuu á mu mba̱ʼu̱ ga̱jma̱a̱ mitsaanʼ,*

maʼga̱nú mani̱ndxu̱u̱ mbá dí maʼnimíñún, ga̱jma̱a̱ ni xákúwá xa̱bu̱.

10 Mbá mbaaʼ rí mba̱a̱* náa kiʼdu uva káaʼ majma̱a̱ mbá 22 litro,*

ga̱jma̱a̱ mbá 160 kilo* tsígáʼ, káaʼ majma̱a̱ 16 kilo.*

11 ¡Ma̱ʼkha̱nú mbá gamiéjunʼ náa bi̱ nawájxu̱u̱nʼ miʼcha̱ mu mu̱wa̱a̱n iya najnga̱a̱,

naʼwa̱a̱n asndu mbruʼun, asndu índo̱ vino naʼni rí xúyáá dí gúni̱!

12 Náa ndxu̱ún guáʼdáá arpa, ajua̱nʼ dí gíʼdoo cuérdóo,

pandereta, flauta ga̱jma̱a̱ vino.

Mú na̱nguá endxaʼwamíjna̱ náa dí naʼni Jeobá,

ni má tséyáá ñajunʼ dí naʼni ga̱jma̱a̱ ñawúunʼ.

13 Ikha jngóo maʼga kiʼyá xuajñunʼ

numuu dí ragíʼdoo ku̱ma̱,

xa̱bi̱i̱ bi̱ guáʼdáá numún maxkidxu̱u̱n,

ga̱jma̱a̱ mbá xúgíinʼ xa̱bu̱ xuajñuu makándawúnʼ.

14 Ikha jngóo Iñá wajinʼ* niʼni itháan mba̱a̱,

ga̱jma̱a̱ ra̱ʼkhá tháán ma̱ja̱nʼ rawuunʼ nimbáʼtoo,

ga̱jma̱a̱ xa̱bu̱ ñajunʼ bi̱ kúwá náa Jerusalén,

rí xóo nundxa̱ʼwa̱ xa̱bu̱ bi̱ mbaʼin ga̱jma̱a̱ xa̱bu̱ bi̱ nuni̱ ndxa̱a̱, magún má tsiaki̱i̱ ikhí.

15 Ga̱jma̱a̱ xa̱bekha musmbati̱gu̱u̱n,

xa̱bekha magajtaa numún,

ga̱jma̱a̱ dí nuni̱ mbaʼumíjna̱ xa̱bu̱ magajtaa.

16 Jeobá bi̱ naʼtáñajúúnʼ ángeles maguma mba̱a̱ ga̱jma̱a̱ numuu rí májánʼ eʼni,

Dios bi̱ gajkhun, bi̱ Kaʼwii maguma kaʼwi̱i̱ ga̱jma̱a̱ numuu dí jmbu rí naʼni.

17 Ga̱jma̱a̱ e̱jín múgú muphiʼtsu náa mbaaʼ dí rígá ra̱jxa̱, náa majñu̱u̱ʼ mbaaʼ dí niguma gámbáa,

xa̱bu̱ bi̱ naguwaáʼ muphiʼtsu náa mbaaʼ rí niguanáa, náa nákha ginii kúwá xujkhúʼ bi̱ nuphiʼtsu májánʼ.

18 ¡Ma̱ʼkha̱nú mbá gamiéjunʼ náa bi̱ nuxmajtaa dí nikiéʼkhúún ga̱jma̱a̱ ñuñuu rí minduwaʼ,

ga̱jma̱a̱ aʼkhá ndrígu̱ún nuxmajtaa ga̱jma̱a̱ ñuñuu carreta,

19 bi̱ nuthi: “Gaʼcho̱o̱ maʼni ñajuunʼ,

ga̱ʼkha̱ nacha̱ mu xúʼko̱ mbuʼyáá,

gambanúu rí nandoo maʼni bi̱ Kaʼwii náa Israel,

mu xúʼko̱ mbuʼyáá xú káʼnii nindxu̱u̱”!

20 ¡Ma̱ʼkha̱nú mbá gamiéjunʼ náa bi̱ nuthi dí májánʼ nindxu̱u̱ ra̱májánʼ, ga̱jma̱a̱ dí ra̱májánʼ nindxu̱u̱ májánʼ,

bi̱ nuthi dí mikína rí mbiʼi, ga̱jma̱a̱ mbiʼi rí mikína,

bi̱ nuthi rí miʼkhu̱u̱n taun, ga̱jma̱a̱ dí taun nindxu̱u̱ miʼkhu̱u̱n!

21 ¡Ma̱ʼkha̱nú mbá gamiéjunʼ náa bi̱ nundxaʼwamíjna̱ dí ra̱ʼkhá tháán ejmañún

ga̱jma̱a̱ bi̱ naku̱mu̱ún dí nundxa̱ʼwa̱míjna̱ májánʼ!

22 ¡Ma̱ʼkha̱nú mbá gamiéjunʼ náa bi̱ najmaʼniiʼ dí naʼngu̱u̱n naʼwa̱a̱n vino,

ga̱jma̱a̱ xa̱bu̱ bi̱ najmiin nundawa̱a̱ʼ iya najnga̱a̱,

23 bi̱ nuthi dí ragíʼdoo aʼkhúun xa̱bu̱ ra̱májáanʼ, numuu dí nindrigú mbá regalo,

ga̱jma̱a̱ bi̱ tsíñún gúniu̱u̱n dí májánʼ bi̱ míjíinʼ!

24 Numuu dí xó má aguʼ na̱ʼkhu̱ ra̱jxa̱ dí nijndooʼ,

ga̱jma̱a̱ xóo iná nijndooʼ naguámbáa náa riʼyu̱u̱ aguʼ,

ajmu̱u̱ dí ra̱ʼkhá tháán mbaʼa mi̱ga̱a̱, ga̱jma̱a̱ riʼyu̱u̱ magadráʼa xóo yujndaʼ,

numuu dí nini̱ gaʼduunʼ xtángoo* ndrígóo Jeobá bi̱ naʼtáñajúúnʼ ángeles

ga̱jma̱a̱ túyamajkuíí ajngóo bi̱ Kaʼwii náa Israel.

25 Numuu dí nakásngañu̱u̱ʼ Jeobá nakha ga̱jma̱a̱ xuajñuu,

ga̱jma̱a̱ ikhaa makrui̱ya̱ʼ ñawúunʼ mu maʼni ngíníi ga̱jma̱a̱ mu maxnún.

Kúbá maʼba̱a̱n,

ga̱jma̱a̱ majnguti̱ga̱ wajñúúnʼ xóo náskha náa kamba̱a̱.

Ga̱jma̱a̱ numuu xúgíʼ rúʼko̱, dí nakásngañu̱u̱ʼ táwiji̱i̱,

fruíya̱ʼ má xúʼko̱ ñawúunʼ mu maxnún ga̱jma̱a̱.

26 Nikujxi̱ mbá tsinaʼ mu mbuyáá* xa̱bu̱ xuajin dí rígá mitsínguánʼ,

nijuíyú mu mandxaʼwún bi̱ kúwá náa naguámbári̱go̱o̱ ku̱ba̱ʼ,

ga̱jma̱a̱, ¡gu̱ya̱a̱!, nacha̱ eguwáʼ.

Cinturón dí kua̱ʼa̱n smídún, na̱nguá nijkhúu̱ʼ,

ni má na̱nguá nithu ñuñuu raxtúún.*

28 Xúgíʼ flecha ndrígu̱ún xíníʼ

ga̱jma̱a̱ xúgíʼ xkamídá ndrígu̱ún rígá xawii.

Tsújún wáñu̱ún nindxu̱u̱ xóo itsí xíníʼ dí gújkhúʼ,

ga̱jma̱a̱ llántóo carreti̱ún na̱jkha̱ nacha̱ xóo giñámbiʼ.

29 Nawáán aʼwún xóo endxa̱ʼwá mbáa león,

nundxa̱ʼwa̱ gakhi̱i̱ xóo león.*

Majmangu̱u̱nʼ ga̱jma̱a̱ murugui̱i̱n xujkhúʼ,

magún kudiin ga̱jma̱a̱ nimbáa xáʼni káwíin.

30 Mbiʼi rúʼko̱, mundxa̱ʼwa̱ náa ikhaa

xóo endxa̱ʼwá lamáa.*

Asndu tsáá bi̱ gáʼyoo ku̱ba̱ʼ mbaʼyoo dí gamíi kína kri̱ga̱,

asndu aguʼ niʼni kína niʼni du̱u̱n.

¡Makhañúʼ* rá,

numuu dí nindxu̱ʼ mbáa xa̱bu̱ bi̱ tsaga rawuunʼ

ga̱jma̱a̱ xtáá náa majñu̱u̱ʼ xuajñún xa̱bu̱ bi̱ tsaga rawúúnʼ,

ndi̱yo̱o̱ ga̱jma̱a̱ iduʼ Rey, mina̱a̱ʼ Jeobá bi̱ naʼtáñajúúnʼ ángeles!”.

Nijngudi̱i̱ dí nikiéʼkháanʼ

ga̱jma̱a̱ Dios niʼni mba̱a̱ a̱jkiu̱u̱n kaʼyoo aʼkhá ndrígáaʼ”.

‹Maski ajndu mu̱dxawíín,

xákrua̱ʼa̱la,

maski ajndu mbu̱ya̱a̱,

xúguaʼnú muguaʼdáála ku̱ma̱›.

10 Atani̱ dí maʼni gújkhúʼ a̱jkiu̱ún xa̱bu̱ bi̱ kúwá náa xuajin rígi̱,

atruguáá cháʼwúún

ga̱jma̱a̱ atruguáá idún

mu xúʼko̱ xúyáá ga̱jma̱a̱ idún,

ni má xúdxawíín ga̱jma̱a̱ cháʼwúún,

mu xúʼko̱ xákro̱ʼo̱o̱ a̱jkiu̱ún

ga̱jma̱a̱ xátangi̱ín náa Dios mu xáguma thanún”.

“Asndu índo̱ xuajin gájngudiriga̱a̱ ga̱jma̱a̱ maguma gámbáa, índo̱ ni xáxtáa nimbáa xa̱bu̱

ga̱jma̱a̱ ni xáxtáa nimbáa náa guʼwá,

índo̱ ku̱ba̱ʼ gáguma gámbáa ga̱jma̱a̱ maguanáa,

12 asndu índo̱ Jeobá gáʼga kagui̱i̱n mitsínguánʼ xa̱bekha

ga̱jma̱a̱ índo̱ mbá xúgíʼ ku̱ba̱ʼ gáguanáa.

“Xágájnuu májánʼ rúʼko̱,

xárígá rúʼko̱.

 8 Numuu rí Damasco kayá edxu̱u̱* náa Siria,

ga̱jma̱a̱ Rezín kayá edxu̱u̱* náa Damasco.

Káaʼ 65 tsiguʼ

maguma gámbáa mbá kayuuʼ Efraín, ga̱jma̱a̱ maniñuuʼ ranindxu̱u̱ mbá xuajin.

 9 Samaria kayá edxu̱u̱ náa Efraín,

ga̱jma̱a̱ a̱ʼdióo Remalías kayá edxu̱u̱ náa Samaria.

I̱ndó á mu ikháanʼ kuaʼdáá mbá fe gújkhúʼ,

mawiji̱ gújkhúʼ rí nutañájunʼla”›”.

 6 “Numuu dí xa̱bu̱ xuajin rígi̱ nini̱ gaʼduunʼ iyaʼ rí tséʼba̱a̱n dí rígá náa Siloé*

ga̱jma̱a̱ nadxún kuyáá Rezín ga̱jma̱a̱ a̱ʼdióo Remalías,

 7 ikha jngóo, ¡atayáá!, Jeobá ma̱ʼkha̱ kayóo náa ikhiin

iyaʼ rí gíʼdoo jxu̱u̱ʼ ga̱jma̱a̱ mañu Éufrates dí mba̱a̱,

rey ndrígóo Asiria ga̱jma̱a̱ mbá xúgíʼ tsiaki̱i̱ ndrígóo.

Ikhaa matsimuu náa mbá xúgíʼ dí na̱ʼkha̱ iyaʼ,

manújngoo ragu̱ xúgíʼ náa na̱jkha̱ kúʼúun iyaʼ

 8 mato̱ʼo̱o̱ náa mbaaʼ Judá.

¡Xpíjpiúu dí juáʼwíi marugoo náa mbá xúgíʼ ku̱ba̱a̱ʼ,

Emmanuel!”.*

¡Gu̱tha̱ má dí eyala, mú xágájnuu májánʼ,

numuu rí Dios xtáa ga̱jma̱á nindxu̱xu̱!*

Xámíñála gáʼni dí ikhiin namíñúún kuyáá,

xáguáʼáanʼla náa inuu rúʼko̱.

13 Jeobá bi̱ naʼtáñajúúnʼ ángeles..., ikhaa gíʼmaa mbu̱ya̱a̱ dí nindxu̱u̱ kaʼwii,

ikhaa gíʼmaa mamiñála ku̱ya̱a̱

ga̱jma̱a̱ ikhaa gíʼmaa maʼni dí maguáʼáanʼla”.

14 Ikhaa mani̱ndxu̱u̱ xóo mbá náa rí mitsúʼkháan,

mú ma̱ngaa nindxu̱u̱ xóo mbá itsí náa masmbujmaaʼ*

ga̱jma̱a̱ mbá itsí dí naʼni majngrádáánʼ

mbá nájma̱ guʼwá dí rígá náa Israel,

nindxu̱u̱ mbá tsáʼkhá ga̱jma̱a̱ mbá ñuñuu

náa xa̱bu̱ bi̱ kúwíin náa Jerusalén.

15 Mbaʼin majngrádiinʼ, majnguti̱gi̱i̱n ga̱jma̱a̱ majmiguiin,

majngutíguíin náa tsáʼkhá ga̱jma̱a̱ maxtugui̱i̱n.

16 ¡Atambújxi̱ i̱yi̱i̱ʼ náa nigumarámáʼ,

atagíʼmááʼ sello xtángoo* náa majñu̱únʼ bi̱ xtáá gajmíʼ!

 2 Xa̱bu̱ xuajin bi̱ jngruigu̱u̱n náa mikína

ndiyáá mbá aguʼ mba̱a̱.

Náa xa̱bu̱ bi̱ kúwá náa ku̱ba̱ʼ, bi̱ kúwá náa ndájkua̱ dí mikína mbiʼ,

nimbiʼi mbá aguʼ náa ikhiin.

 3 Nitani̱ dí xa̱bu̱ xuajin maʼni mbaʼin,

nitani̱ rí nadxún maʼni mba̱a̱.

Ra̱ʼkhá tháán edxún náa inaaʼ ikháán,

xóo nadxún xa̱bu̱ índo̱ nurajxi̱i̱ dí nudu,

xóo edxún xa̱bu̱ bi̱ nuxuiʼtamijnáa dí niguanáa.

 4 Numuu rí nitaxpígu̱u̱ yugo rí kuda,

xkuíyá dí kaʼmáʼ náa xpajpún, ragótiu̱ún bi̱ nuthúún xa̱bu̱ xóo muñajunʼ,

xó má nitani̱ mbiʼi dí nirígá Madián.

 5 Xúgíʼ bota rí índo̱ nagún naʼni maʼba̱a̱n ku̱ba̱ʼ

ga̱jma̱a̱ mbá xúgíʼ xtíin dí nimajan ga̱jma̱a̱ eʼdi

maʼga̱nú mani̱ndxu̱u̱ dí mi̱kha ga̱jma̱a̱ aguʼ.

 6 Numuu rí Dios niʼni dí magumaa mbáa dxámá,

nixniúlú mbáa ada̱,

ga̱jma̱a̱ náa ñawúunʼ marigá rí miʼtáñajunʼ.*

 7 Dí maʼtáñajunʼ* maʼga̱nú asndu náá

ga̱jma̱a̱ dí tsímáá xámbáa náa xíliu̱u̱* David ga̱jma̱a̱ náa rí maʼtáñajunʼ,

mawiji̱ gújkhúʼ ga̱jma̱a̱ mawiji̱ jxa̱ʼ

ga̱jma̱a̱ dí májánʼ ma̱ngaa dí jmbu,

nákhá xúgi̱ ga̱jma̱a̱ asndu kámuu.

 8 Jeobá nikuʼma mbá ajngáa dí magíʼnuu Jacob

ga̱jma̱a̱ rúʼko̱ magíʼnuu Israel.

 9 Mbá xúgíinʼ xa̱bu̱ xuajin mbuyáá,

Efraín ga̱jma̱a̱ xa̱bu̱ Samaria

bi̱ náa a̱jkiu̱ún nuni̱ mbaʼumíjna̱ ga̱jma̱a̱ nda̱a̱ gamajkhún, nuthi:

10 “Nijngutígú ladrillo,

mú mu̱ʼni̱i̱ ga̱jma̱a̱ itsí dí niwiʼtá.

Nirujtu sicómoros,

mú náa niguájun mutsuaju̱u̱n cedros”.

11 Jeobá ma̱ʼkha̱ kagui̱i̱n xa̱bu̱ sia̱nʼ gajmíi̱n Rezín mu muxmijná gajmiún

ga̱jma̱a̱ maʼni rí xa̱bu̱ sia̱nʼ ndrígóo muxmijná.

12 Siria ma̱ʼkha̱ xígií náa nagájnuu a̱jkha̱ʼ,* ga̱jma̱a̱ filisteos maguwáʼ xígií náa narámaaʼ a̱jkha̱ʼ,*

ikhiin muxuaja̱n rawúúnʼ ga̱jma̱a̱ mu̱phi̱i̱ Israel.

Ga̱jma̱a̱ numuu xúgíʼ rúʼko̱, dí nakásngañu̱u̱ʼ táwiji̱i̱,

fruíya̱ʼ má xúʼko̱ ñawúunʼ mu maxnún ga̱jma̱a̱.

13 Numuu rí xa̱bu̱ xuajin na̱nguá nitangiín náa bi̱ nixnún,

na̱nguá ndiyáaʼ Jeobá bi̱ naʼtáñajúúnʼ ángeles.

14 Jeobá marujturígú káaʼ mbóó mbiʼi edxu̱u̱ ga̱jma̱a̱ tsiliúuʼ Israel,

rudiuuʼ ga̱jma̱a̱ mbá xúgíʼ ixu̱u̱.*

15 Edxu̱u̱ nindxu̱ún bi̱ kuya̱ edxu̱u̱ bi̱ nduyamajkhún

ga̱jma̱a̱ tsiliúuʼ nindxu̱ún profetas bi̱ nusngáa rí minduwaʼ.

16 Bi̱ nuxnún ikha xa̱bu̱ xuajin rígi̱ nuni̱ rí xúyáá náá gágún,

ga̱jma̱a̱ bi̱ nakánún ikha najngawi̱i̱n.

17 Ikha jngóo Jeobá xáʼdxuu kaʼñún jiámiu̱ún ga̱jma̱a̱ wa̱ʼxiúnʼ,

ga̱jma̱a̱ xágáwíinʼ a̱jkiu̱u̱n kaʼñún e̱jín wáʼa* ni má gu̱ʼú xuáʼa,

numuu dí xúgíinʼ ikhiin nuxujximíjna̱ náa Dios* ga̱jma̱a̱ nindxu̱ún ra̱míjíinʼ,

náa rawúúnʼ nagájnuu ajngáa rí tséjmaa.

Ga̱jma̱a̱ numuu xúgíʼ rúʼko̱, dí nakásngañu̱u̱ʼ táwiji̱i̱,

fruíya̱ʼ má xúʼko̱ ñawúunʼ mu maxnún ga̱jma̱a̱.

18 Numuu dí ra̱májánʼ nakha xóo aguʼ,

matsikhá iná tsuwanʼ ga̱jma̱a̱ iná rí xkawiʼ.

Matsikhá xtáʼdu̱u̱ iná dí rígá náa xaxi̱,

dí matsimuu gúniúu xóo du̱u̱n.

19 Numuu dí nakásngañu̱u̱ʼ Jeobá bi̱ naʼtáñajúúnʼ ángeles,

nigídóoʼ agiuuʼ ku̱ba̱ʼ rígi̱,

ga̱jma̱a̱ xuajin maʼga̱nú mani̱ndxu̱u̱ mbá rí mi̱kha ga̱jma̱a̱ aguʼ.

20 Mbáa makuiʼtsu náa níjñú mújúunʼ,

mú maxkidxu̱u̱ má xúʼko̱,

i̱mba̱a̱ makuiʼtsu náa níjñú xti̱yu̱u̱ʼ,

mú xágiʼmuu.

Mámbáa mi̱khu̱ xuyuuʼ ñawúunʼ,

21 Manasés mikhu̱u̱ Efraín,

ga̱jma̱a̱ Efraín mikhu̱u̱ Manasés.

Ga̱jma̱a̱ numuu xúgíʼ rúʼko̱, dí nakásngañu̱u̱ʼ táwiji̱i̱,

fruíya̱ʼ má xúʼko̱ ñawúunʼ mu maxnún ga̱jma̱a̱.

10 ¡Ngíníi lá bi̱ nurawíi xtángoo mu muniu̱u̱n dí raʼkhí eʼwíinʼ,

bi̱ nuniraʼmáʼ má xúʼko̱ xtángoo mu muniu̱u̱n dí ra̱májánʼ eʼwíinʼ,

 2 bi̱ nuni̱ gaʼduunʼ dí nunda̱ʼa̱ magumiin dí májánʼ bi̱ ngíníi,

bi̱ nuni̱ gaʼduunʼ dí munimbáníí numún bi̱ ndawa̱a̱ tsáa mambáñún náa xuajñunʼ,

xóo eni̱ ga̱jma̱a̱ dí naguanáa eniu̱ún gu̱ʼú xuáʼa

ga̱jma̱a̱ nurawíi dí guáʼdáá ejín wáʼa!*

 3 Ndiéjunʼ gúnila ikháanʼ mbiʼi dí mixtanda̱ʼa̱a̱ cuenta,*

índo̱ gáʼkha̱ mitsínguánʼ dí maʼni gámbáanʼla rá.

Náá gúgayála mu mumbáyúmíjná,

ga̱jma̱a̱ náá gúniʼñááʼ dí kuaʼdáá rá.

 4 Nda̱a̱ i̱mba̱ dí ma̱ndoo mu̱ni̱, i̱ndó muguaʼnduti̱ga̱ʼ náa majñu̱únʼ bi̱ na̱jkha̱ kiʼdiin

o majngutiga̱a̱n náa majñu̱únʼ xa̱bu̱ bi̱ nikháñún.

Ga̱jma̱a̱ numuu xúgíʼ rúʼko̱, dí nakásngañu̱u̱ʼ táwiji̱i̱,

fruíya̱ʼ má xúʼko̱ ñawúunʼ mu maxnún ga̱jma̱a̱.

 5 “¡Gu̱ya̱a̱, asirio,

kayá xkuíyá náa ñawúunʼ mu masngájma dí nakásngañu̱ʼ!

 6 Makuʼmáa náa xuajin dí nikujximínáʼ náa Dios,*

náa mbá xuajin dí niʼni makiʼnún,

matañájuunʼ dí maguwíi ga̱jma̱a̱ maʼga kagu̱u̱ xúgíʼ dí niguanáa

ga̱jma̱a̱ makujmbiri̱go̱o̱ xóo xngaʼchaʼ náa kamba̱a̱.

 7 Mú raʼkháa rúʼko̱ dí nandoo maʼni,

na̱nguá gíwánʼ náa a̱jkiu̱u̱n maʼni rúʼko̱,

numuu dí náa a̱jkiu̱u̱n gíwánʼ dí maʼni gámbáa,

dí maʼni gámbáa mbaʼa xuajin, raʼkháa kááʼ nguéjma̱.

10 ¡Ñawúnʼ nigruiguíin má xa̱bu̱ ñajunʼ ndrígu̱ún dioses bi̱ nda̱a̱ dí ejmiin,

bi̱ guáʼdiin itháan xándú bi̱ nigumawíin ki xóo Jerusalén ga̱jma̱a̱ Samaria!

11 Lá xáʼngo̱ʼ gáni̱ ga̱jmu̱ʼ ma̱ngaa Jerusalén gajmíi̱n xándiúu̱

xó má niniu̱u̱ Samaria gajmíi̱n xándiúu̱ bi̱ nda̱a̱ dí ejmiin ráʼ.›

‹Ma̱ni̱ xúgíʼ rígi̱ ga̱jma̱a̱ tsiaki̱i̱ dí gíʼdoo ñawúnʼ

ga̱jma̱a̱ ku̱ma̱ dí gúʼdoo, numuu dí najmañuʼ.

Ma̱ni̱ jngudi̱i̱ xúgíʼ ndawaa dí rígá náa xuajin,

magúwíi dí gíʼdoo numuu dí guáʼdáá

ga̱jma̱a̱ matañájúúnʼ xa̱biu̱ún xóo eʼni mbáa soldado xkujiiʼ.

14 Xóo eʼni mbáa xa̱bu̱ bi̱ nakudaaʼ ñawúunʼ náa xájánʼ,

ñawúnʼ maguanúu ga̱jma̱a̱ xúgíʼ dí guáʼdáá xa̱bu̱ xuajin,

xóo mbáa bi̱ nagujxi̱i̱ xndú dí naguanáa.

16 Ikha jngóo, Tátá bi̱ gajkhun, Jeobá bi̱ naʼtáñajúúnʼ ángeles,

i̱ndó i̱tsu̱ún gániñúúnʼ xa̱bi̱i̱ bi̱ guáʼdáá xuñúúnʼ,*

Asiria ni xákujximínáʼ, numuu dí mikha̱a̱.

17 Agiuuʼ Israel maʼga̱nú mani̱ndxu̱u̱ xóo mbá aguʼ dí nakha,

ga̱jma̱a̱ bi̱ Kaʼwii, nindxu̱u̱ xóo riʼyu̱u̱ aguʼ,

mi̱kha ga̱jma̱a̱ matsikhá iná xkawiʼ ma̱ngaa tsuwanʼ dí rígá náa ikhaa, kááʼ mbóó mbiʼi gáʼni rígi̱.

18 Maʼni gámbáa mbá kayuuʼ mbá xúgíʼ rí mitsaanʼ* dí rígá náa xaxi̱ ga̱jma̱a̱ náa huértóo,

mani̱ndxu̱u̱ xóo mbáa xa̱bu̱ bi̱ naʼniuu nandii bi̱ na̱jkha̱ rakáguabaaʼ.

19 Kááʼ nguéjma̱ ixi̱ dí gáguanúu náa xaxi̱ ndrígóo,

rí asndu mbáa ada̱ maʼngo̱o̱ maguxnuu.

20 Mbiʼi rúʼko̱ bi̱ gáguanún náa Israel

ga̱jma̱a̱ bi̱ maguma káwíin náa goʼwóo Jacob,

ni xúmbayúmíjná náa bi̱ nixnún,

mumbayumíjná náa Jeobá bi̱ Kaʼwii náa Israel,

mani̱ndxu̱ún jmbiin náa ikhaa.

21 Kááʼ nguéjmi̱i̱n bi̱ naguwáʼ náa Jacob,

matangi̱ín náa Dios bi̱ gíʼdoo Tsiaki̱i̱.

22 Maski ajndu xuajñanʼ, Israel,

nindxu̱ún mbaʼin xóo jui̱ʼi̱ dí rígá náa rawuunʼ lamáa,*

kááʼ nguéjmi̱i̱n dí ikhiin matangi̱ín.

Numuu dí nijuiʼthá má dí maguma gámbíin

ga̱jma̱a̱ dí mumíniiʼ xó má gíʼmaa, majngutaʼmáa náa tsu̱du̱ún xóo iyaʼ dí najnííʼ.

23 Xúʼko̱, dí niraʼwíí maʼni gámbíin Tátá bi̱ itháán mba̱a̱, Jeobá bi̱ naʼtáñajúúnʼ ángeles,

mambanúu náa mbá xúgíʼ xuajin.

27 Mbiʼi rúʼko̱ magajta̱a̱ dí nitámáʼ náa xpajpaaʼ,

ga̱jma̱a̱ yugo dí kaʼmáʼ náa rexa̱a̱ʼ,

yugo majmigaʼ gáʼni aceite”.

28 Ikhaa ni̱ʼkha̱ náa Ayat,

ninújngoo náa Migrón,

náa Micmash niniñuuʼ dí gíʼdoo.

29 Nikidiin náa nanújngúún ga̱jma̱a̱ xa̱bu̱,

náa Gueba niguanún ninuʼ mbruʼun,

Ramá niguáʼaan, Guibeá náa xuajñuu Saúl nigáyúu.

Nakujxi̱ puñete mu maʼni míñúu kúbá ndrígóo wáxióo Sion,

bíjní dí rígá náa Jerusalén.

33 ¡Gu̱ya̱a̱! Tátá bi̱ gajkhun, Jeobá bi̱ naʼtáñajúúnʼ ángeles,

xtáa rarujtu ñawúunʼ ixi̱ dí naʼni mawán gakhi̱i̱ wéñuuʼ,

ixi̱ rí mitsídánʼ najui̱ʼdi̱i̱,

ga̱jma̱a̱ ixi̱ dí mbi̱jua̱ nuturígú.

34 Ikhaa maʼni gámbóo mbá xúgíʼ iná xtáʼdu̱u̱ dí rígá náa xaxi̱ ga̱jma̱a̱ hacha,

ga̱jma̱a̱ mbá xúgíʼ ixi̱ Líbano marujtu mbáa bi̱ gíʼdoo tsiaki̱i̱.

11 Xmindiuuʼ Jesé makráʼáan mbá rudiuuʼ,

ga̱jma̱a̱ mbá rudiuuʼ dí makráʼáan náa ajmu̱u̱ maxná xndúu.

 2 Ga̱jma̱a̱ espíritu ndrígóo Jeobá marigá náa ikhaa,

magiʼdoo rí majmañuu ga̱jma̱a̱ dí makro̱ʼo̱o̱,

majmañuu maxná májánʼ consejo ga̱jma̱a̱ magiʼdoo tsiaki̱i̱,

magiʼdoo ku̱ma̱ ga̱jma̱a̱ magiʼdoo gamíi ndrígóo Jeobá.

Xáʼthí dí muguáʼníí i̱ndó ga̱jma̱a̱ numuu xóo kiejxu̱ún,

ni má xáxprígún i̱ndó ga̱jma̱a̱ numuu rí maʼdxawuun.

 4 Maʼnimbánuu májánʼ numún bi̱ ngíníi*

ga̱jma̱a̱ maʼni rí jmbu índo̱ gáxprígún bi̱ guabiinʼ bi̱ kúwá náa tsu̱du̱u̱ ku̱ba̱ʼ.

Dí maʼthí* mani̱ndxu̱u̱ xóo xkuíyá dí maxnúu ga̱jma̱a̱ ku̱ba̱ʼ,

ga̱jma̱a̱ ajngáa dí maʼthí magudíin xa̱bu̱ ra̱míjíinʼ.

 5 Dí májánʼ rí maʼni mani̱ndxu̱u̱ xóo cinturón dí kua̱ʼa̱n smídúu,

ga̱jma̱a̱ dí mawiji̱ jmbu náa Dios ma̱ngaa mani̱ndxu̱u̱ xóo cinturón dí kua̱ʼa̱n smídúu.

 6 Lobo* maxtáa mbóó ga̱jma̱a̱ a̱ʼdá múgú,

mbóó gábóoʼ indiiʼ mixtíi* ga̱jma̱a̱ a̱ʼdá tsújtuunʼ,

ma̱ngaa a̱ʼdá xédí ga̱jma̱a̱ león* mangiin xujkhúʼ bi̱ mbaʼwi̱i̱n makuwá mbóó,*

ga̱jma̱a̱ mbáa ada̱ chíʼgíiʼ* maxnún ikha.

 7 Xedi̱ ga̱jma̱a̱ osa muphiʼtsu mbóó

ga̱jma̱a̱ mbóó gákuíji̱i̱n e̱jñu̱ún.

 8 Ada̱ bi̱ kaʼníí naʼxúuʼ maʼtsíin náa iñúuʼ a̱bu̱nʼ bi̱ maxíña̱a̱n,

ga̱jma̱a̱ mbáa ada̱ chíʼgíiʼ makumááʼ ñawúunʼ náa xújúunʼ a̱bu̱nʼ mbi̱i̱ʼ.

 9 Xúni̱ gachíí, ni má xúni̱ gámbáa

náa mbá xúgíʼ kúbá kaʼwu ndrígóʼ,

numuu dí náa ku̱ba̱ʼ majnííʼ ku̱ma̱ ndrígóo Jeobá,

xó má iyaʼ kajnííʼ náa lamáa.*

Xa̱bu̱ xuajin magún náa ikhaa mu mbuyáʼ ikha,*

ga̱jma̱a̱ náa mbayáa jxu̱u̱ʼ marigá gamajkhu.

13 Dí naxígúu Efraín mandáti̱ga̱a̱

ga̱jma̱a̱ bi̱ gúxmijná gajmiún Judá maguma gámbíin.

Efraín ni xáxígúu kaʼyoo Judá,

ni má Judá xáxmína̱ʼ ga̱jma̱a̱ Efraín.

14 Ga̱jma̱a̱ mangujxi̱i̱n majngutaʼmíinʼ náa bíjní dí gríguiin* filisteos, xígií náa narámaaʼ a̱jkha̱ʼ,*

mbá jnduʼ gúrawíi mbá xúgíʼ dí guáʼdáá xa̱bu̱ bi̱ kúwá xígií náa nagájnuu a̱jkha̱ʼ.*

Muxuaʼwíi ñawúúnʼ muxmijná gajmiún* Edom ga̱jma̱a̱ Moab,

ga̱jma̱a̱ xa̱bu̱ ammonitas munimbu̱u̱n kuñúún.

15 Jeobá makuíʼtáa* ñawúunʼ* lamáa dí rígá náa Egipto,

ga̱jma̱a̱ maʼni ngúʼwuun ñawúunʼ náa mañu Éufrates,

ga̱jma̱a̱ giñánʼ mijkha maxnúu* náa mbá juwan mata,

ga̱jma̱a̱ maʼni dí xa̱bu̱ makidiin kangrúʼúún raxtúún.*

16 Mu magún xa̱bu̱ xuajñuu bi̱ xóó gáguanún, marigá mbá kamba̱a̱ rí magajnúu náa Asiria,

xó má nirígá mbá kamba̱a̱ náa Israel mbiʼi dí nigájna̱a̱ náa ku̱ba̱ʼ ndrígóo Egipto.

“Naxna̱a̱ʼ núma̱aʼ, Jeobá,

numuu dí maski ajndu nikiʼnán xtayoʼ,

dí nakásnga̱ña̱a̱ʼ niwi̱ji̱i̱ ga̱jma̱a̱ nitani̱i̱ a̱jkiu̱nʼ.

Maku̱mu̱ʼ ka̱yo̱o̱ ga̱jma̱a̱ ni xágúʼdoo gamíi,

numuu dí Jeobá,* Jeobá maxnúʼ tsiaki̱i̱, ikhaa nindxu̱u̱ tsiaki̱i̱ dí nañewu̱nʼ,

ni̱jkha̱nú ninindxu̱u̱ bi̱ maʼni kríñu̱u̱nʼ”.

 3 Asndu nadxa̱la gúrawíi iyaʼ

náa iduu iyaʼ dí naʼni káwáanʼla.

“¡Gu̱xna̱a̱ núma̱aʼ Jeobá, gugríga̱a̱* mbiʼyuu,

gu̱ni̱ dí xa̱bu̱ xuajin mbuyáá dí ikhaa naʼni!

 6 Asndu nadxa̱la gúndxa̱ʼwa̱ ga̱jma̱a̱ gakuwáanʼla gagi, xa̱bu̱* Sion,

numuu dí bi̱ Kaʼwii náa Israel nindxu̱u̱ mba̱a̱ náa majñala”.

Guthu̱u̱nla, gu̱ba̱a̱n ñawánla,

mu ikhiin matu̱ʼu̱u̱n náa riejúún bi̱ guáʼdáá numún.

Mu masngajmá dí nakásngañu̱ʼ, nigímbíin soldado ndrígóʼ,

bi̱ asndu nadxún dí nuni̱ mbaʼumíjna̱.

 5 Asndu náa ku̱ba̱ʼ mitsínguánʼ,

asndu náa nartumuu mekhu,

na̱ʼkha̱ Jeobá gajmíi̱n soldado bi̱ nindxu̱ún xóo ajua̱nʼ dí najmuu,

mu muni̱ gámbáa xúgíʼ tsu̱du̱u̱ ku̱ba̱ʼ.

 7 Ikha jngóo ñawúúnʼ xa̱bu̱ ni xágiʼdoo tsiaki̱i̱,

ga̱jma̱a̱ a̱jkiu̱ún mbá xúgíinʼ xa̱bekha makáguabaaʼ ga̱jma̱a̱ mamiñún.

Ma̱ʼkha̱ náa ikhiin dí maguíʼiin ga̱jma̱a̱ mi̱kui̱i̱n,

xóo mbáa a̱ʼgu̱ bi̱ nagiʼdaa ada̱.

Asndu maxuʼwúúnʼ índo̱ gúyamijná,

ngíná inún gáʼni.

 9 ¡Gu̱ya̱a̱la! Na̱ʼkha̱ má mbiʼi ndrígóo Jeobá,

najmangu̱u̱ʼ e̱ʼkha̱, nakiʼnáa wéñuuʼ, asndu nakásngañu̱u̱ʼ,

mu maʼni rí ku̱ba̱ʼ rúʼko̱ mani̱ndxu̱u̱ mbá dí maʼnimíñún,

ga̱jma̱a̱ mu maʼni gámbíin xa̱bu̱ bi̱ nuni̱ aʼkhá bi̱ kúwá ikhí.

10 Numuu dí a̱ʼgua̱a̱n bi̱ tri̱gi̱i̱n* mekhuíí,

ga̱jma̱a̱ mámbá grupo xóo tri̱gi̱i̱n ni xámbiʼiin,

ni xámbiʼii a̱jkha̱ʼ índo̱ gágajnúu

ga̱jma̱a̱ gu̱nʼ ni xáda̱ʼ agiuuʼ.

11 Manda̱ʼa̱a̱ cuenta ku̱ba̱ʼ náa kúwá xa̱bu̱ ga̱jma̱a̱ numuu dí ra̱májánʼ dí narígá,

ga̱jma̱a̱ mandi̱ʼi̱ín cuenta xa̱bu̱ ra̱míjíinʼ ga̱jma̱a̱ numuu rí nakiéʼkúún.

Ma̱ni̱ gámbáa rí nuni̱ mbaʼumíjna̱ xa̱bu̱

ga̱jma̱a̱ ma̱ni̱ majti̱i̱nʼ xa̱bu̱ ñajunʼ ra̱míjíinʼ bi̱ nuni̱ mbaʼumíjna̱.

12 Ma̱ni̱ dí xa̱bu̱ numbaaʼ ni xáʼni mbaʼin, xóo oro dí niguma kaʼwii,

ma̱ni̱ dí xa̱bu̱ numbaaʼ maʼni itháan rambáʼin, ki xóo oro dí na̱ʼkha̱ náa Ofir.

13 Ikha jngóo ma̱ni̱ rí mekhu maʼba̱a̱n,

ku̱ba̱ʼ maʼbajngaa ga̱jma̱a̱ magajnúu náa gíʼ,

ga̱jma̱a̱ numuu dí nakásngañu̱u̱ʼ Jeobá bi̱ naʼtáñajúúnʼ ángeles, náa mbiʼi rí gákásngáñu̱u̱ʼ.

14 Xóo mbáa aña̱ʼ* bi̱ nagún ruxkáá, ga̱jma̱a̱ xóo mugu̱ bi̱ ndawa̱a̱ tsáa magímbi̱ín,

mámbáa maʼga̱a̱ náa xuajñuu,

mámbáa magayúu maʼga̱a̱ náa ku̱bo̱o̱ʼ.

15 Bi̱ gúxkamaa muxkruaʼa jngayii kudú,*

ga̱jma̱a̱ bi̱ gúrugua̱a̱ muxnáá ga̱jma̱a̱ espada.

16 Muxpiguiin ga̱jma̱a̱ murujkuiin e̱jñu̱ún náa inún,

murawíi xúgíʼ dí guáʼdáá náa guʼwún

ga̱jma̱a̱ mutsijmiin guʼñu̱ún.

17 Makuʼmíin náa ikhiin xa̱bu̱ medos,

bi̱ nduyáá dí ragíʼdoo numuu plata

ga̱jma̱a̱ bi̱ tséʼni maʼdxúún oro.

Xágáwíinʼ a̱jkiu̱ún kuñúún e̱jín dxáñáʼ,

ni má xágáwíinʼ a̱jkiu̱ún kuñúún e̱ji̱n.

19 Ga̱jma̱a̱ Babilonia, xuajin dí itháan mba̱a̱ náa mbá xúgíinʼ xa̱bu̱ ñajunʼ,

dí mitsiʼyá ga̱jma̱a̱ rí naʼni muni̱ mbaʼumíjna̱ caldeos,

maʼga̱nú mani̱ndxu̱u̱ xóo Sodoma ga̱jma̱a̱ Gomorra índo̱ Dios niʼni gámbáa.

20 Nditháan ni xákúwá xa̱bu̱

ga̱jma̱a̱ xa̱bu̱ bi̱ gáguwáʼ nda̱wa̱á ni xákúwá ikhí.

Nimbáa xa̱bu̱ árabe xágíʼ goʼwóo* ikhí,

ni má baxtúu xágún kudiin mugiu̱ún mu muda̱a̱ xu̱únʼ ikhí.

21 Ikhí makuwá xujkhúʼ bi̱ kúwá náa ku̱ba̱ʼ mijxooʼ,*

náa guʼwá majtíinʼ xpuʼphúnʼ.

Makuwá avestruz,

ga̱jma̱a̱ ikhí majngruigu̱u̱n rakijxi̱i̱n tsujtu xáná.*

22 Xujkhú xáná mundxa̱ʼwa̱ gínún náa torre dí rígá ikhí,

ga̱jma̱a̱ chacal* makuwá náa guʼwá mitsaanʼ* náa nutañajunʼ.

 5 Jeobá nijkúmiga̱ʼ xkuíyá ndrígu̱ún bi̱ ra̱míjíinʼ,

ga̱jma̱a̱ ragótiu̱ún xa̱bu̱ ñajunʼ,

 6 bi̱ asndu nakásngañu̱u̱ʼ exnún má xúʼko̱ xa̱bu̱ xuajin,

asndu najmangu̱u̱ʼ extúmii xa̱bu̱ munimbu̱ún kuyáá, na̱jkha̱ raxkhúún má xúʼko̱ mu magudíin.

 8 Asndu ixi̱ enebros nadxún dí nitagíʼníí,

ma̱ngaa cedros dí rígá náa Líbano.

Nuthi: ‹Asndu nákha mbiʼi dí nixpátríguíín,

nánguá e̱ʼkha̱ nimbáa mu maʼdu̱u̱ ixi̱ náa ikháanʼxu̱›.

 9 Asndu Iñá wajinʼ* dí rígá itháán mi̱jnu̱ʼ

maʼba̱a̱n mu magruiguíín índo̱ gárkawaaʼ.

Ga̱jma̱a̱ numaaʼ ikháán, Iñá wajinʼ maxkajui̱ín bi̱ nikháñún bi̱ nánguá guáʼdáá tsiaki̱i̱,

xúgíinʼ bi̱ kuya̱ edxu̱u̱ náa tsu̱du̱u̱ ku̱ba̱ʼ* bi̱ nuni̱ ngíníi eʼwíinʼ.

11 Dí natanimbamínaʼ nijuiʼdama̱ʼa̱n náa Iñá wajinʼ,

aʼwóo ajua̱nʼ dí gíʼdoo cuérdóo dí xtaʼdáá.

Náa agoo kua̱ʼa̱a̱n gíwíin ñu̱u̱ dí nindxu̱u̱ xóo xiewaaʼ,

ga̱jma̱a̱ ñu̱u̱ nindxu̱ún xóo xtíin dí kúgurámáánʼ ga̱jma̱a̱›.

12 ¡Atayáá xóo nixpátríguíín náa mekhuíí,

ikháán bi̱ nambiʼii, aʼguá najtsi!

¡Atayáá xóo nituríguíín ga̱jma̱a̱ nixpátríguíín mbayííʼ,

ikháán bi̱ nitani̱ gámbáa xuajin mba̱ʼu̱!

Magrígu xíliúʼ náa natañájunʼ náa tsu̱du̱ún a̱ʼgua̱a̱n bi̱ gíʼdiin Dios

ga̱jma̱a̱ magrúwan náa inuu kúbá dí nagimbíi̱n,

náa itháán mitsínguánʼ xígií náa norte.

14 Matsimuʼ náa tsu̱du̱u̱ du̱u̱n,

maniminaʼ mani̱ndxu̱ʼ xó má bi̱ Phú mba̱a̱›.

15 Mú majuiʼdama̱ʼa̱a̱n náa Iñá wajinʼ,*

náa iñáʼ dí itháán mi̱jnu̱ʼ.

16 Xa̱bu̱ bi̱ gúyáaʼ, maguanún ruyejxa̱a̱ʼ,

mungujmán májánʼ ga̱jma̱a̱ muthi:

‹Xa̱bu̱ bugi̱ bi̱ niʼba̱a̱n ku̱ba̱ʼ,

bi̱ niʼni dí maguíʼiin xa̱bu̱ ñajunʼ ráʼ.

17 Ikhaa bi̱ naʼni dí ku̱ba̱ʼ náa kúwá xa̱bu̱ maguanáa xóo ku̱ba̱ʼ mijxooʼ*

ga̱jma̱a̱ naʼni gámbóo xuajñún,

ikhaa bi̱ tséniñúúnʼ matangi̱ín náa guʼwún xa̱bu̱ bi̱ na̱jkha̱ kagui̱i̱n náa guʼwá e̱jua̱nʼ ráʼ.›

18 Xúgíinʼ eʼwíinʼ reyes bi̱ kúwá náa xuajin mba̱ʼu̱,

mbá xúgíinʼ ikhiin najuiʼdi̱ín ga̱jma̱a̱ gamajkhu,

mámbáa náa iñá wajñuuʼ.*

19 Mú ikháán nuda̱a̱nʼ ga̱jma̱a̱ tséjuiʼdi̱ín,

xóo mbá rudiuuʼ ixi̱ dí tsíñún gúyáá,

náa jngútámiin mbaʼin xa̱bu̱ bi̱ nifraʼa jngañiin espada,

bi̱ najngumíʼiin náa tsu̱du̱u̱ itsí dí tuaʼán náa awúu̱n iñáʼ,

xóo mbá wajñuuʼ xa̱bu̱ dí nujngupri̱ga̱.

20 Xádxuuʼ gajmiáanʼ náa iñá wajinʼ,

numuu dí nitani̱ gámbáa ku̱ba̱a̱ʼ,

niradíin xa̱bu̱ xuajñanʼ.

21 Gu̱ni̱ májáánʼ mbá ku̱ba̱ʼ náa muradíin e̱ji̱i̱n

ga̱jma̱a̱ numuu aʼkhúún wajin xiʼñúúnʼ,

mu xúʼko̱ xátujxu̱u̱n ga̱jma̱a̱ xúndrigúu ku̱ba̱ʼ

ga̱jma̱a̱ xúni̱ dí marigá xuajñún ikhí”.

“Xó má nitha̱ ma̱ni̱, xúʼko̱ má gárígá,

xó má niraʼwíí maguma, xúʼko̱ má gámbánúu.

25 Makujmbiriga̱a̱ asirio náa ku̱bo̱ʼ

ga̱jma̱a̱ makujmbirámaaʼ náa kúbá ndrígóʼ.

Yugo ndrígóo magajta̱a̱ náa xuajñunʼ

ga̱jma̱a̱ dí nixnún muda magajta̱a̱ náa xpajphún”.

26 Rígi̱ dí nixtaʼwíí* magumaa xúgíʼ ku̱ba̱ʼ,

ga̱jma̱a̱ ñawúunʼ Dios fruíya̱ʼ mu maxnún mbá xúgíinʼ xa̱bu̱ xuajin.

27 Numuu dí Jeobá bi̱ naʼtáñajúúnʼ ángeles niraʼwíí má maʼni,

tsáá gáʼngo̱o̱ gárikoo dí xárígá rá.

Fruíya̱ʼ má ñawúunʼ,

tsáá gáʼngo̱o̱ gáʼni dí maʼga̱a̱ skidiʼ rá.

29 “Xuajin Filistea, nimbáa bi̱ xtáa náa ikháán xáʼdxuu

i̱ndó ga̱jma̱a̱ numuu dí nijmigaʼ ragóti dí nijuixnáaʼ ga̱jma̱a̱.

Numuu dí náa xndúu a̱bu̱nʼ mawiʼtáa̱ mbáa a̱bu̱nʼ mbiiʼ,

ga̱jma̱a̱ bi̱ gáʼkha̱ náa ikhaa mani̱ndxu̱u̱ mbáa a̱bu̱nʼ mbiiʼ ga̱jma̱a̱ bi̱ na̱jkha̱ náa inuu giñánʼ.

30 Ejín giʼniún bi̱ ngíníi muphiʼtsu

ga̱jma̱a̱ bi̱ ngíníi mu̱nuʼ tsímáá,

mú ikhúún ma̱ni̱ dí xa̱bu̱ xuajñanʼ makhañún ga̱jma̱a̱ ewiʼ,

ga̱jma̱a̱ dí gáguanúu xóó náa ikháán maguma gámbáa.

Numuu dí asndu náa norte naguwáʼ soldado bi̱ nindxu̱ún xóo gúní,

ga̱jma̱a̱ nimbáa dí ikhiin tséguanúu kidííʼ”.

Dí Jeobá nigíʼ rajkhúu Sion

ga̱jma̱a̱ bi̱ ngíníi bi̱ kúwá náa xuajñuu mumbayumíjná ikhí.

Numuu dí káaʼ mbá mbruʼu̱ún niguma gámbáa,

xuajin Ar ndrígóo Moab niguanúu wíí.

Numuu dí káaʼ mbá mbruʼu̱ún niguma gámbáa,

xuajin Quir ndrígóo Moab niguanúu wíí.

 2 Xa̱bu̱* nitsimún náa guʼwá rí nduyamajkhún dioses ga̱jma̱a̱ náa Dibón,

náa rí mitsídánʼ, mu mumbi̱ya̱ʼ.

Náa tsu̱du̱u̱ guʼwá ga̱jma̱a̱ náa xuáá, xúgíinʼ kúwá ngíná,

naguájthan rumbi̱ya̱ʼ.

Iná maxaʼ nijndooʼ,

nánguá rígá iná, nándáa mbá kayuuʼ dí maxaʼ.

 7 Ikha jngóo nagún kudúún xúgíʼ dí naguanúu xóó, xúgíʼ rí guáʼdáá ga̱jma̱a̱ mbújkha̱a̱,

kúwá rakidiin náa mata* dí rígá ixi̱ rí mbiʼyuu álamo.

Dí numbi̱ya̱ʼ na̱jkha̱nú asndu náa Eglaim,

rí numbi̱ya̱ʼ na̱jkha̱nú asndu náa Beer-Elim.

 9 Numuu dí iyaʼ dí rígá náa Dimón kajnííʼ eʼdi,

ga̱jma̱a̱ gúʼdoo xóó i̱mba̱ dí magíʼnuu Dimón,

mbáa león mikhu̱u̱n bi̱ gákáwíin náa Moab,

ga̱jma̱a̱ xúʼko̱ má bi̱ gáguanún xóó náa xuajin.

16 Guxuʼmáa mbáa mugu̱ e̱jmba̱a̱ náa xa̱bu̱ ñajunʼ bi̱ xtáa náa xuajin,

magajnúu náa Sela, manújngoo náa ku̱ba̱ʼ mijxooʼ,*

maʼga̱nú asndu náa kúbá ndrígóo wáxióo* Sion.

 2 Xóo mbáa ñu̱ʼu̱ bi̱ nunimiñíí náa xújúunʼ,

xúʼko̱ gánindxu̱ún waʼxiinʼ Moab náa kamba̱a̱ rí nanújngúún mu magún náa Arnón.

Bi̱ naʼni ngíníi eʼwíinʼ martumuu mbiʼi ndrígóo,

ga̱jma̱a̱ dí naʼni gámbáa martumuu,

mangiin bi̱ nuxujmbiri̱gi̱i̱nʼ eʼwíinʼ mambíin náa tsu̱du̱u̱ ku̱ba̱ʼ.

Bi̱ gági̱ʼi̱ ikhí náa goʼwóo David mani̱ndxu̱u̱ jmbii,

xáraʼwíin xa̱bu̱ mu maʼnimbánuu numún, xájyúuʼ dí maʼnimbánuu májánʼ numún”.

 6 Nidxáwíínʼxu xóo eʼnimbamínáʼ Moab, ra̱ʼkhá tháán eʼnimbamínáʼ,

nakuximínáʼ, naku̱mu̱u̱ kaʼyaminaʼ ga̱jma̱a̱ ra̱ʼkhá tháán ekásnga̱ñu̱u̱ʼ,

mú ajngáa dí naʼthí xáʼga̱nú marigá.

 7 Ikha jngóo Moab magáwíinʼ a̱jkiu̱u̱n kaʼyoo Moab,

xúgíinʼ ikhiin makuwá ngíná.

 8 Numuu dí nijuiʼdu náa ku̱ba̱ʼ Hesbón nijnduxtá,

ma̱ngaa ixi̱ uva dí rígá náa Sibmá,

xa̱bu̱ ñajunʼ bi̱ kúwá náa mbaʼa xuajin nijngupri̱gu̱u̱nʼ ñawúunʼ ixi̱ uva dí maña̱ʼ,*

ñawúunʼ ixi̱ uva ni̱jkha̱nú asndu náa Jazer,

nirtumuu asndu náa ku̱ba̱ʼ mijxooʼ.

Marmajáán ga̱jma̱a̱ iyooʼ iduʼ Hesbón xúʼko̱ má mangáán Elealé,

numuu dí ni xúndxa̱ʼwa̱ ga̱jma̱a̱ numuu xndú dí nijma̱a̱ ruʼphu ma̱ngaa ga̱jma̱a̱ numuu dí nitadu.*

10 Dí kúwá gagi ga̱jma̱a̱ dí nadxún niguámbáa náa huerta,

nánguá ewán dí nadxún, ni má nánguá ewán ajmúú náa kiʼdu uva.

Nimbáa nánguá kujmbi̱i̱ uva náa iñáʼ,

numuu dí ikhúún ni̱ni̱ mambáa dí nundxa̱ʼwa̱.

11 Ikha jngóo a̱jkiu̱nʼ naʼba̱a̱n ga̱jma̱a̱ numuu Moab,

xóo eʼba̱a̱n cuérdóo arpa,

a̱jkiu̱nʼ naʼba̱a̱n ga̱jma̱a̱ numuu Quir-Haréset.

“¡Gu̱ya̱a̱la! Damasco maniñuuʼ ranindxu̱u̱ mbá xuajin,

ga̱jma̱a̱ maʼga̱nú mani̱ndxu̱u̱ mbá ru̱tsu̱u̱ dí niguma gámbáa.

 2 Xuajin dí rígá náa Aroer maguanáa,

maʼga̱nú mani̱ndxu̱u̱ mbá mbaaʼ náa makuíji̱i̱n mugu̱,

náa nimbáa ndawa̱a̱ tsáa maʼni míñúún.

 3 Xuajin dí kúgumaʼá mandáti̱ga̱a̱ náa Efraín,

ga̱jma̱a̱ rí nutañajunʼ mandáti̱ga̱a̱ náa Damasco,

ga̱jma̱a̱ bi̱ gáguanún xóó náa Siria

ni xáguáʼdáá tsiaki̱i̱ xó má israelitas”,* eʼthí Jeobá bi̱ naʼtáñajúúnʼ ángeles.

 4 “Mbiʼi rúʼko̱, tsiaki̱i̱ rí gíʼdoo Jacob maʼga raguámbáa

ga̱jma̱a̱ xuyuuʼ dí ragíʼdoo nandii* maʼni̱i̱ i̱ndó itsu̱.

 5 Mani̱ndxu̱u̱ xóo índo̱ mbáa xa̱bu̱ nagu̱u̱ trigo dí wájun,

ga̱jma̱a̱ ñawúunʼ nagu̱u̱ iña,

xóo índo̱ mbáa ndayáaʼ trigo dí niguanáa náa mata* Refaím.

 6 Káaʼ nguátaá gáguanúu dí napídu̱únʼ

xóo índo̱ nuxpraʼáá ixi̱ olivo,

káaʼ naguanúu a̱jma̱ o ajtsú aceituna nikhi̱i̱ náa ñawúunʼ rí itháan mitsídánʼ,

káaʼ a̱jkhu̱ o witsu náa ñawúunʼ rí kagu̱ májánʼ xndúu”, eʼthí Jeobá, Dios ndrígóo Israel.

 9 Mbiʼi rúʼko̱, xuajñún dí kúgumaʼá mani̱ndxu̱u̱ xóo mbá mbaaʼ dí naguanáa náa xaxi̱,

xóo mbá ñawúunʼ ixi̱ rí niguanáa dí kri̱ga̱ náa inún israelitas,

mani̱ndxu̱u̱ mbá mbaaʼ dí niguanáa.

10 Numuu dí nimbumaaʼ xtayáá Dios bi̱ naʼni kríña̱a̱nʼ,

na̱nguá nirmáʼáan a̱jkia̱a̱nʼ xtayáá Tsíñu náa natambáyúminaʼ.*

Ikha jngóo natadu ixi̱ dí najma̱a̱ xndúu,

ga̱jma̱a̱ náa majñu̱u̱ʼ natadu mbá ixi̱ dí tsétatsinuuʼ.*

11 Dí mbiʼi tsu̱ma̱á tani̱ gúlóo rí nitadu,

dí miʼcha̱ natani̱ dí makráʼáan tsígáʼ dí nitadu,

mú dí gájma̱a̱ mandáti̱ga̱a̱ mbiʼi rí gáʼkha̱ nandii ga̱jma̱a̱ mbá ga̱ʼkhu̱ rí nda̱a̱ thanuu.

13 Xa̱bu̱ xuajin mundxa̱ʼwa̱ xóo endxa̱ʼwá iyaʼ,

ikhaa maxprígún ga̱jma̱a̱ ikhiin magáñún mitsínguánʼ.

Xóo ra̱jxa̱ dí na̱jkha̱ kagu̱u̱ giñánʼ náa kúbá,

xóo tsuwanʼ nijndooʼ* dí na̱jkha̱ kayóo giñáxóoʼ.

Rúʼko̱ gúndrigúu bi̱ nagún kudúún rí kuaʼdááxu̱

ga̱jma̱a̱ rúʼko̱ gákhánún bi̱ nagún kudúún rí kuaʼdááxu̱.

18 ¡Ngínáa lá ku̱ba̱ʼ náa nawáán xniúúʼ xujkhúʼ majkhiinʼ,

mbaaʼ náa rígá mañu dí rígá náa Etiopía!

 2 Ku̱ba̱ʼ Etiopía nakuʼmiin bi̱ magún kuñu̱u̱n ajngáa xígií náa lamáa,*

náa barcos dí niguma ga̱jma̱a̱ papiro mu magún náa inuu iyaʼ, ikhaa naʼthí:

“Aʼguala, ikháanʼ bi̱ na̱jkua̱ ku̱ya̱la ajngáa mbá nacha̱,

aʼgua náa xuajin náa kúwá xa̱bu̱ mbijui̱i̱n ga̱jma̱a̱ bi̱ gua̱ba̱ʼ xuñúúnʼ,

mbá xuajin dí namíñúún kuyáá asndu náá,

xuajin dí gíʼdoo tsiaki̱i̱ ga̱jma̱a̱ nagruigúu i̱ʼwáʼ xuajin,

náa mbá ku̱ba̱ʼ dí rígá wéñuuʼ mañu”.

 3 Xúgiáanʼ ikháanʼla xa̱bu̱ numbaaʼ bi̱ kuwáanʼla ikhí,

dí gúyáá mani̱ndxu̱u̱ xóo mbá tsinaʼ* dí nafri̱gu náa inuu kúbá,

ga̱jma̱a̱ mudxawíín aʼwóo xóo mbá aʼwóo chi̱ji̱ʼ.

“Maxtáá wíí ga̱jma̱a̱ mayejxi̱ náa* niraʼwi̱i̱ maxtáá,

xóo índo̱ agiuuʼ a̱jkha̱ʼ naʼni mijkha,

xóo du̱u̱n dí nagajtaa xuájyooʼ índo̱ naʼni mijkha mbiʼi dí nurajxi̱i̱ rí nudu.

 5 Numuu dí nákha xóó tségi̱jxi̱i̱ dí nijuiʼdu,

índo̱ niguámbá nijmi̱di̱ riʼyu̱u̱ ga̱jma̱a̱ índo̱ uva na̱jkha̱ raʼgo̱o̱,

miʼda rudiuuʼ ga̱jma̱a̱ ajua̱nʼ

ga̱jma̱a̱ ñawúunʼ dí juáʼwíi miʼda ga̱jma̱a̱ muthu.

 6 Xúgíʼ rúʼko̱ maguanáa mu̱phu̱ xujkhú xnaʼ bi̱ naʼphu̱ xuwiʼ bi̱ kúwá náa kúbá

ga̱jma̱a̱ xujkhúʼ bi̱ kúwá náa tsu̱du̱u̱ ku̱ba̱ʼ.

Xujkhú xnaʼ bi̱ naʼphu̱ xuwiʼ mu̱phu̱ kañiiʼ ruʼphu,

ga̱jma̱a̱ mbá xúgíinʼ xujkhúʼ bi̱ kúwá náa tsu̱du̱u̱ ku̱ba̱ʼ mu̱phu̱ xúgíʼ dí gájma̱a̱.

 7 Mbiʼi rúʼko̱, ma̱ʼkha̱ kiʼyá mbá regalo náa Jeobá bi̱ naʼtáñajúúnʼ ángeles,

dí na̱ʼkha̱ náa xuajin náa kúwá xa̱bu̱ mbijui̱i̱n ga̱jma̱a̱ bi̱ gua̱ba̱ʼ xuñúúnʼ,

mbá xuajin dí namíñúún kuyáá asndu náá,

xuajin dí gíʼdoo tsiaki̱i̱ ga̱jma̱a̱ nagruigúu i̱ʼwáʼ xuajin,

náa mbá ku̱ba̱ʼ dí rígá wéñuuʼ mañu,

náa mbaaʼ dí kayá mbiʼyuu Jeobá bi̱ naʼtáñajúúnʼ ángeles, náa kúbá Sion”.

Dioses bi̱ nda̱a̱ rí ejmiin bi̱ kúwá náa Egipto maguíʼiin náa inuu ikhaa,

ga̱jma̱a̱ a̱jkiu̱u̱n Egipto makáguabaaʼ.

 2 “Ma̱ni̱ rí egipcios matangi̱ín kudamijná,

ga̱jma̱a̱ muxmijná kaníkiin,

mámbáa maxmína̱ʼ ga̱jma̱a̱ ndxájuu, ma̱ngaa xa̱bu̱ bi̱ xtáa mijngii ga̱jma̱a̱,

xa̱bu̱ xuajin magi̱ʼdu̱u̱n kaníkiin, ga̱jma̱a̱ xa̱bu̱ ñajunʼ magi̱ʼdu̱u̱n kaníkiin.

 3 Ma̱ni̱ rí Egipto maguanúu tsiánguá a̱jkiu̱u̱n,

ga̱jma̱a̱ ma̱ni̱ rí awan rí naríyaʼ maʼni majnga̱wa̱a̱n.

Ikhiin magún náa dioses ndrígu̱ún bi̱ nda̱a̱ rí ejmiin,

náa bi̱ nuni̱ brujo, bi̱ nurajxu̱u̱n wajinʼ ga̱jma̱a̱ náa bi̱ nuni̱ xawan.

 4 Maxnajxíi Egipto náa ñawúunʼ mbáa bi̱ ra̱májáanʼ mu maʼtáñajunʼ,

ga̱jma̱a̱ mbáa rey bi̱ xkawiʼ a̱jkiu̱u̱n mu maʼtáñajunʼ”, eʼthí Tátá bi̱ gajkhun, Jeobá bi̱ naʼtáñajúúnʼ ángeles.

 5 Iyaʼ lamáa* mujndo̱o̱ʼ,

ga̱jma̱a̱ iyaʼ mañu mujndo̱o̱ʼ, mijxooʼ kua̱ʼa̱n gáʼni.

 6 Mañu maʼni ndaska,

náa na̱jkha̱ kúʼúun iyaʼ Nilo maʼga raguámbá ga̱jma̱a̱ mujndo̱o̱ʼ.

 7 Mujndooʼ iná maxaʼ dí rígá náa rawuunʼ mañu Nilo, náa nawiʼtáa iyaʼ,

ga̱jma̱a̱ náa mbá xúgíʼ ku̱ba̱ʼ rí najuiʼdu náa mbá kua̱ʼa̱n mañu Nilo.

 8 Bi̱ nurawíin e̱gi̱ʼ makuwá ngíná,

bi̱ nudama̱ʼa̱n xkramáʼ* náa mañu Nilo makuwá ngíná,

ga̱jma̱a̱ bi̱ nudama̱ʼa̱n amaʼ náa iyaʼ maʼni káaʼ nguéjmi̱i̱n.

 9 Bi̱ nuni̱ xtíin ga̱jma̱a̱ lino

ga̱jma̱a̱ bi̱ nuni̱ xtíin miʼxá dí paska,* mati̱ñu̱u̱nʼ.

10 Bi̱ nuxmí makuwá ngíná,

mbá xúgíinʼ bi̱ nuñajunʼ mu mudaʼ makuwá ngíná.

Xú káʼnii gándoo ikháanʼla mutha̱a̱n faraón

“Ikhúún nindxu̱ʼ mbáa bi̱ na̱ʼkha̱ náa bi̱ najmañún,

mbáa bi̱ na̱ʼkha̱ náa reyes bi̱ nikúwá wájyúuʼ” rá.

13 Príncipes bi̱ kúwíin náa Zoan nini̱ xóo eni̱ skágunʼ,

príncipes bi̱ kúwíin náa Nof* niguma nduwiinʼ,

Egipto niguma nduwaaʼ eni̱ bi̱ kuya̱ edxu̱u̱ náa xuajin majkhaʼ.*

14 Jeobá nixídíí náa ikhaa mbá dí niʼni majngawi̱i̱n,

ga̱jma̱a̱ ikhiin nini̱ dí Egipto majnga̱wa̱a̱n náa xúgíʼ dí naʼni,

xóo eʼni mbáa bi̱ najnga̱a̱, bi̱ narmbíjxi̱minaʼ náa ni̱jxi̱ʼ.

15 Egipto nándáa rí maʼni,

nándáa edxu̱u̱, nándáa tsiliúuʼ, nándáa rudiuuʼ ni má nándáa xúgíʼ ixu̱u̱.*

Na̱ʼkha̱ xóo giñámbiʼ dí na̱ʼkha̱ xígií náa sur,

dí na̱ʼkha̱ náa ku̱ba̱ʼ mijxooʼ náa mbá ku̱ba̱ʼ rí gamíi.

 2 Niwasngájmuʼ mba̱yo̱o̱ mbá* rí gamíi,

xuajin rí naʼninduwiinʼ eʼwíinʼ, naʼninduwaʼ

ga̱jma̱a̱ xuajin dí naʼni gámbáa, xtáa raʼni gámbáa.

Na̱ʼkha̱ mbiʼi rí mikhu̱u̱n,

xóo e̱ʼkhui̱i̱ mbáa a̱ʼgu̱ bi̱ nagiʼdaa a̱ʼdióo.

Na̱nguá edxuu a̱jkiu̱nʼ madxun,

rí najnga̱a̱ edxu̱ʼ tséniñuʼ mayejxi̱.

 7 Ga̱jma̱a̱ ikhaa ndiʼyoo mbá carro dí nuxmijná ga̱jma̱a̱ dí nuxmajtaa a̱jmi̱i̱n wáyú,

mbá carro dí nuxmijná ga̱jma̱a̱ dí nuxmajtaa búrru,

mbá carro dí nuxmijná ga̱jma̱a̱ dí nuxmajtaa camello.

“Jeobá, náa torre dí nuyejngoo frúwan mámbá mbiʼi

ga̱jma̱a̱ gúju̱n náa kaʼyoʼ mayejngoo mámbá mbruʼun.

10 Ngínáa lá xuajñunʼ dí nixujmbiri̱ga̱ xóo trigo,

rí najma̱a̱ náa* mbayuʼ,

ni̱tala dí nidxawuun niʼthí Jeobá bi̱ naʼtáñajúúnʼ ángeles, Dios ndrígóo Israel.

Náa xaxi̱ dí rígá náa xkua̱ mijxooʼ ikháanʼ munuʼla mbruʼun,

xa̱bu̱ nagún kamba̱a̱ bi̱ naguwáʼ náa Dedán.

14 Gaʼguala ga̱jma̱a̱ guyéʼgua iyaʼ maga̱a̱n bi̱ nakándawuuʼ,

xa̱bu̱ bi̱ kúwá náa ku̱ba̱ʼ Temá,

ga̱jma̱a̱ guyéʼgua dí mi̱khu̱ bi̱ nagáyúu.

15 Numuu dí ikhiin nigáñún eʼni espada, espada dí na̱nguá juáʼan náa xtóo,

xkamídá dí rígá xawii ga̱jma̱a̱ dí ra̱májánʼ dí narígá náa nuxmijná.

 2 Ra̱ʼkhá tháán rígá gitsaʼwá* náa ikháán,

nindxa̱a̱ʼ mbá xuajin náa kúwá jxa̱ʼ xa̱bu̱, mbá xuajin dí nadxuu.

Bi̱ nikháñún náa ikháán na̱nguá niradíin ga̱jma̱a̱ espada,

ni má na̱nguá nikháñún náa nixmijná.

Mbá xúgíinʼ bi̱ nixkamiin nigún kudiin náa guʼwá e̱jua̱nʼ,

maski ajndu mitsínguánʼ nigáñún.

 4 Ikha jngóo nitha̱: “Guniʼñááʼ ru̱yo̱ʼ,

mambiya ngínúʼ.

Xúʼyáʼ dí muni̱i̱ a̱jkiu̱nʼ

ga̱jma̱a̱ numuu dí niguma gámbáa wáxióo* xuajñunʼ.

 5 Numuu dí nindxu̱u̱ mbá mbiʼi dí najngawi̱i̱n, nandáti̱gu̱u̱n náa nuxmijná ga̱jma̱a̱ narígá gamíi

dí na̱ʼkha̱ náa Tátá bi̱ itháán mba̱a̱, Jeobá bi̱ naʼtáñajúúnʼ ángeles,

náa Mata náa nduyáá rí Nawasngájmún.

Na̱jkha̱ rajngudiri̱ga̱a̱ xtájtsí

ga̱jma̱a̱ nawáán dí nundxa̱ʼwa̱ náa kúbá.

 6 Elam naguajtuun náa najti flecha,

na̱ʼkha̱ gajmíi̱n xa̱bekha náa carro ga̱jma̱a̱ wáyú,*

Quir naʼniratoo* escudo.

 7 Xkua̱ dí itháan májánʼ dí rígá náa ikháán

majtíí carro dí nuxmijná ga̱jma̱a̱,

bi̱ nudrúwíin wáyú* muguajún náa kaʼñún náa mijngii xkrugua

 8 ga̱jma̱a̱ maguma gámbáa dí nañewu̱u̱n* Judá.

12 Mbiʼi rúʼko̱, Tátá bi̱ itháán mba̱a̱, Jeobá bi̱ naʼtáñajúúnʼ ángeles,

maʼthúu̱n rí numbi̱ya̱ʼ ga̱jma̱a̱ dí ngíná,

dí muda̱ edxu̱ún ga̱jma̱a̱ dí mugíʼ xtíin mi̱du̱.*

13 Mú túni̱ rúʼko̱, ikhiin nini̱ ndxa̱a̱ ga̱jma̱a̱ nini̱ gagimijná,

niradíin xedi̱ ga̱jma̱a̱ mugu̱,

ni̱ʼphu̱ xuwiʼ ga̱jma̱a̱ niʼwa̱a̱n vino.

 3 Tsígáʼ dí rígá náa Sihor* ga̱jma̱a̱ dí najma̱a̱ náa Nilo, náa na̱ʼkha̱ mbújkho̱o̱,

nikidiin kudúún náa mbaʼa iyaʼ xúgíʼ rígi̱ niʼni rí muguáʼdáá xa̱bu̱ xuajin.

 4 Gati̱ya̱a̱ʼ Sidón xuajin kúgumaʼá dí rígá náa lamáa,

numuu dí lamáa niʼthí:

“Na̱nguá nigúʼdoo ga̱ʼkhu̱ ni má na̱nguá nigúʼdaa ada̱,

na̱nguá ni̱ni̱ mbaji̱i̱n jiámá ni má tásngúún wa̱ʼxa̱ʼ”.*

 5 Xó má índo̱ nidxawíín dí nigíʼnuu Egipto,

xa̱bu̱ makuwá ngíná índo̱ gúdxawíín dí magíʼnuu Tiro.

Xuajin bi̱ nagruigi̱i̱n xa̱bu̱ ñajunʼ,

bi̱ nugujua̱ náa ikhaa nindxu̱ún príncipes,

bi̱ nugujua̱ náa ikhaa nundrigú gamajkhu náa mbá xúgíʼ tsu̱du̱u̱ ku̱ba̱ʼ.

 9 Mínaaʼ má Jeobá bi̱ naʼtáñajúúnʼ ángeles niraʼwíí maguma rígi̱,

mu matsíjmaa numuu rí naʼnimbamínáʼ rí mitsiʼyáa,

mu maʼni májti̱i̱nʼ xúgíinʼ bi̱ nundrigú gamajkhu náa tsu̱du̱u̱ ku̱ba̱ʼ.

11 Ikhaa nikrui̱ya̱ʼ ñawúunʼ xígií náa lamáa,

mu maʼbajngañiin xa̱bu̱ ñajunʼ.

12 Ga̱jma̱a̱ ikhaa naʼthí: “Ni xáʼdxanʼ itháan,

ikháán, bi̱ naguma gínáán wáxióo Sidón bi̱ xóó tsébóoʼ ga̱jma̱a̱ xa̱bu̱.

Rígi̱ nindxu̱u̱ xuajin, raʼkháa Asiria,

dí niʼni rí náa mbaaʼ rígi̱ makuwá xujkhúʼ bi̱ kúwá náa ku̱ba̱ʼ mijxooʼ.*

Ikhiin nuxujxi̱ torre mu muni̱ gámbáa,

nini̱ nga̱jxi̱i̱ torre rí kúgumaʼá dí rígá ikhí

nini̱ rí maʼni̱i̱ i̱ndó idiuuʼ.

14 Gágawíinʼ a̱jkia̱la, barcos dí na̱ʼkha̱ náa Tarsis,

numuu dí kúgumaʼá ga̱jma̱a̱ niguma gámbáa.

Atadi̱i̱ májánʼ arpa ndrígáaʼ,

atani̱ mbaʼa ajmúú,

mu xúʼko̱ marmáʼáan a̱jkiu̱ún kuyaaʼ”.

Xa̱bu̱ xuajin ga̱jma̱a̱ ndxajkun,

ñumbáá ga̱jma̱a̱ patriúun,

a̱ʼgú ñumbáá ga̱jma̱a̱ patrona ndrígóo,

bi̱ naʼtsi̱ ga̱jma̱a̱ bi̱ nagujua̱,

bi̱ naxnátíʼña ga̱jma̱a̱ bi̱ natíʼñuu,

bi̱ naruma̱a̱ gidxóó ga̱jma̱a̱ bi̱ gíʼmaa.

 3 Ku̱ba̱ʼ rígi̱ maguanúu mijchú,

magajnúu xúgíʼ dí rígá ikhí,

numuu dí Jeobá niʼthí ajngáa rígi̱.

 5 Xa̱bu̱ bi̱ kúwá náa ku̱ba̱ʼ rúʼko̱ nini̱ gachíí,

numuu dí niniña̱a̱nʼ runimbaníí xtángoo,

niriʼkhu̱u̱ ikha

ga̱jma̱a̱ niniña̱a̱nʼ runimbaníí dí nimbánúún muni̱ asndu kámuu.*

 6 Ikha jngóo dí najuiʼthá tsrigu na̱ʼkhu̱ ku̱ba̱ʼ rígi̱,

ga̱jma̱a̱ bi̱ kúwá ikhí najuiʼyáá rí guáʼdáá aʼkhúún.

Xa̱bu̱ bi̱ kúwá náa ku̱ba̱ʼ rígi̱ na̱jkha̱ raʼni nguéjmi̱i̱n

ga̱jma̱a̱ kááʼ nguéjmi̱i̱n xa̱bekha eguanún.

 7 Vino nuxi̱ʼ xtáa ngíná,* ixi̱ uva nujnduxtá,

ga̱jma̱a̱ mbá xúgíinʼ bi̱ nadxuu a̱jkiu̱ún nutsiná.

 8 Niguámbáa aʼwóo panderetas rí naʼni makuwá gagi,

nánguá endxa̱ʼwa̱ bi̱ nuni̱ ndxa̱a̱,

niguámbá aʼwóo arpa rí nawáán mitsaanʼ.*

 9 Nánguá ewán ajmúú índo̱ naʼwa̱a̱n vino,

miʼkhu̱u̱n eyáá iya najnga̱a̱ bi̱ naʼwa̱a̱n.

10 Xuajin dí niguanáa niguma gámbáa,

xúgíʼ guʼwá kúgoo ga̱jma̱a̱ nimbáa xándoo mato̱ʼo̱o̱.

Xúgíʼ gagi nindáti̱ga̱a̱,

ga̱jma̱a̱ gagi dí rígá náa ku̱ba̱ʼ niguámbáa.

12 Niguma gámbáa xuajin,

i̱ndó xójóo niguanáa xkrugua.

Mani̱ndxu̱u̱ xóo índo̱ nuxpraʼáá ixi̱ olivo,

mani̱ndxu̱u̱ xóo índo̱ nduyáaʼ uva dí niguanáa índo̱ niguámbúun má nigimbóo.

14 Ikhiin muxujxi̱ aʼwún,

asndu gagi gúndxa̱ʼwa̱.

15 Ikha jngóo muni̱ mba̱a̱ Jeobá náa mbaaʼ xígií náa nagájnuu a̱jkha̱ʼ,*

náa islas* dí rígá náa lamáa* muni̱ mba̱a̱ Jeobá, Dios ndrígóo Israel.

18 Bi̱ gágáyúu gáʼni aʼwóo rí gamíi maxpátuáʼáan náa iñáʼ,

bi̱ gágájnáa náa iñáʼ maxpátrámaa náa tsáʼkhá.

Numuu dí xkrugoo mekhu mambaʼtoo,

ma̱ngaa dí gíʼ ga̱jma̱a̱ ku̱ba̱ʼ maʼba̱a̱n.

19 Ku̱ba̱ʼ rígi̱ nijmídá,

ku̱ba̱ʼ rígi̱ niʼba̱a̱n,

ku̱ba̱ʼ rígi̱ niʼbajngaa gakhi̱i̱.

20 Ku̱ba̱ʼ maguáʼáan xóo eʼni mbáa bi̱ najnga̱a̱,

maʼbajngaa gi̱i̱ ñuʼún xóo índo̱ giñánʼ naʼbajngaa mbá guʼwá.

Ra̱ʼkhá tháán ki̱wu̱n aʼkhúun grígu náa tsu̱du̱u̱,

ga̱jma̱a̱ maxpátri̱ga̱a̱ mu xátujxi̱i̱.

21 Mbiʼi rúʼko̱ Jeobá maʼni ngíníi bi̱ guáʼdáá tsiaki̱i̱ bi̱ kúwá rijma̱a̱ náa mekhuíí

ga̱jma̱a̱ reyes bi̱ kúwá náa tsu̱du̱u̱ ku̱ba̱ʼ.

22 Mixtagímbíin xóo bi̱ nagún preso náa mbá iñáʼ,

ga̱jma̱a̱ maxtuguáríʼiin náa guʼwá e̱jua̱nʼ,

mbayuuʼ mbiʼi nda̱wa̱á marmáʼáan a̱jkiu̱ún kuñún.

23 Gu̱nʼ dijndii mati̱yu̱u̱ʼ,

a̱jkha̱ʼ bi̱ nambiʼii ma̱ngaa mati̱yu̱u̱ʼ,

numuu dí Jeobá bi̱ naʼtáñajúúnʼ ángeles maʼga̱nú mani̱ndxu̱u̱ Rey náa kúbá Sion ga̱jma̱a̱ náa Jerusalén,

maguma mba̱a̱ náa inún xabuanii bi̱ kúwá náa xuajñuu.*

Naxna̱a̱ʼ gamajkhu ga̱jma̱a̱ na̱ni̱ mba̱a̱ mbiʼyaaʼ,

numuu dí nitani̱ rí mitsaanʼ,*

dí nitraʼwíí* matani̱ asndu nákhá wajyúuʼ,

ga̱jma̱a̱ nitasngájma rí nindxa̱a̱ʼ jmbii.

 2 Numuu dí nitani̱ rí mbá xuajin maguanáa xóo mbá ru̱tsu̱u̱ itsí,

mbá xuajin rí kúgumaʼá maʼni̱i̱ i̱ndó idiuuʼ.

Torre ndrígu̱ún xa̱bu̱ bi̱ naguwaáʼ niniñuuʼ ranindxu̱u̱ mbá xuajin,

ga̱jma̱a̱ nditháan xáguma májáanʼ.

 3 Ikha jngóo mbá xuajin dí wíji̱ gújkhúʼ maxnáaʼ gamajkhu,

mbá xuajin náa kúwá xa̱bu̱ ñajunʼ bi̱ ra̱míjíinʼ mamiñúu kaʼyaaʼ.

 4 Numuu dí ni̱dxu̱ʼnú ninindxa̱a̱ʼ mbá náa mambáyuminaʼ bi̱ ndawa̱a̱ tsáa mambáyúu,

mbá náa mambáyuminaʼ bi̱ ngínáa índo̱ namínúuʼ,

mbá náa mambáyuminaʼ índo̱ naxnúu giñámbiʼ,

mbá xkamijxa índo̱ naʼni mijkha.

Xóo índo̱ nakásngañu̱únʼ xa̱bu̱ ñajunʼ bi̱ ra̱míjíinʼ, nindxu̱u̱ xóo mbá giñámbiʼ dí naxpátuma náa xtájtsí,

 5 xóo mijkha dí naʼni náa ku̱ba̱ʼ mijxooʼ,

ikháán natani̱ rí maʼni wíí rí nundxa̱ʼwa̱ xa̱bu̱ bi̱ naguwaáʼ.

Xóo índo̱ nagajta̱a̱ rí mijkha eʼni du̱u̱n rí naʼni xkamixa,

xúʼko̱ niʼni wíí ajmúú dí nuni̱ xa̱bu̱ ñajunʼ bi̱ ra̱míjíinʼ.

 6 Náa kúbá rígi̱, Jeobá bi̱ naʼtáñajúúnʼ ángeles maʼni rí mbá xúgíinʼ xa̱bu̱ xuajin

magún náa mbá ndxa̱a̱ náa rígá ganitsu rí itháan májánʼ,

mbá ndxa̱a̱ náa rígá vino dí itháan májánʼ,

xúbá náa kajti xuwiʼ* dí itháan májánʼ,

vino dí itháan májánʼ dí katsuwááʼ.

 7 Náa kúbá rígi̱, ikhaa maʼni gámbóo* xtíin paska dí kambríʼiin mbá xúgíinʼ xa̱bu̱ xuajin

ga̱jma̱a̱ xtíin paska dí nagúgoo ga̱jma̱a̱ edxu̱ún dí naruguarámúuʼ mbá xúgíʼ xuajin.

 8 Ikhaa maʼni gámbáa rí nakháñún asndu kámuu,

Tátá Jeobá bi̱ itháán mba̱a̱ maʼni gújndooʼ iyaʼ idún xa̱bu̱ rí nagajta̱a̱ náa inún.

Marígúu náa mbá xúgíʼ tsu̱du̱u̱ ku̱ba̱ʼ ma̱jtiu̱u̱ʼ xuajñuu,

numuu dí mínaaʼ má Jeobá niʼthí.

Náa ikhaa nigua̱ʼti̱i̱nlú,

ga̱jma̱a̱ ikhaa má gáʼni káwáánʼlú.

10 Numuu dí ñawúunʼ Jeobá mbayáa jxu̱u̱ʼ náa kúbá rígi̱,

ga̱jma̱a̱ Moab muxujmbiri̱ga̱a̱ náa mbayuuʼ

xóo exujmbiri̱ga̱ rajxa̱ náa tsu̱du̱u̱ mbá ru̱tsu̱u̱ yuskún xujkhúʼ.

11 Ikhaa makrui̱ya̱ʼ ñawúunʼ ga̱jma̱a̱ maxnúu

xóo eʼni bi̱ na̱jkha̱ náa inuu iyaʼ bi̱ naxnúu iyaʼ ga̱jma̱a̱ ñawúunʼ,

makujmbiri̱ga̱ rí naʼnimbamínáʼ

ma̱ngaa maxnúu ga̱jma̱a̱ ñawúunʼ.

12 Xuajin dí kúgumaʼá ga̱jma̱a̱ xtájtsí dí mitsídánʼ dí nañewu̱u̱n,

ikhaa makujmbiri̱ga̱,

madati̱ga̱ mbayííʼ náa yujndaʼ.

 2 Gurmbáʼtáá xkrugua mu mato̱ʼo̱o̱ xuajin dí naʼni rí májánʼ,

mbá xuajin dí naʼni má xúʼko̱ dí nindxu̱u̱ jmbu.

 3 Matie̱wu̱u̱n bi̱ naku̱mu̱ún kuyaaʼ* ga̱jma̱a̱ xúgíʼ a̱jkiu̱ún,

matani̱ dí marigá má xúʼko̱ tsímáá náa ikhiin,

numuu dí nakumu̱ún kuyaaʼ.

 4 Gakumala kuya̱a̱ Jeobá asndu kámuu,

numuu dí Jeobá,* Jeobá nindxu̱u̱ xóo Itsí mba̱a̱ dí rígá asndu kámuu.

 5 Ikhaa nagruiguíin bi̱ kúwá náa mitsídánʼ,

na̱da̱ʼ mbayííʼ, xuajin dí grígu náa mitsídánʼ,

na̱da̱ʼ náa tsu̱du̱u̱ ku̱ba̱ʼ,

ga̱jma̱a̱ náa yujndaʼ.

 6 Mujngupriga̱ ga̱jma̱a̱ rajkhúún bi̱ naguma ngíníi,

ga̱jma̱a̱ mujngupriga̱ bi̱ ndawa̱a̱ tsáa mambáñún”.

Ikháán nindxa̱a̱ʼ jmbii,

ikha jngóo matanimbáníi kambu̱ún bi̱ jmbiin.

 8 Jeobá, índo̱ na̱jkuáxu̱ náa kamba̱a̱ʼ,

nuguáʼti̱i̱nxu náa ikháán.

 9 Dí mbruʼun nandoʼ mba̱ya̱a̱ʼ ga̱jma̱a̱ xúgíʼ a̱jkiu̱nʼ,*

xúʼko̱, asndu nadxu̱ʼ eʼñáánʼ,

numuu dí índo̱ ikháán gátanda̱ʼa̱a̱ cuenta náa tsu̱du̱u̱ ku̱ba̱ʼ,

xa̱bu̱ bi̱ kúwá ikhí mbuyáá dí ikháán natani̱ rí májánʼ.

10 Maski ajndu bi̱ ra̱májáanʼ nagumaa dí májánʼ,

mú ikhaa xájmañuu maʼni dí májánʼ.

Asndu náa ku̱ba̱ʼ dí naguma rí jmbu maʼni dí ra̱májánʼ,

ikhaa xáʼyoo rí naʼtáñajunʼ Jeobá.

12 Jeobá, ikháán matani̱ dí makuwáanʼxu tsímáá,

numuu rí xúgíʼ dí ni̱ni̱xu

ikháán nitani̱ náa ikháanʼxu̱.

13 Jeobá, Dios ndrígúxu̱, nitañajunxu eʼwíinʼ xa̱bu̱,

mú ikháanʼ ni̱ni̱xu mba̱a̱ mbiʼyaaʼ i̱ndó ikháán.

Numuu dí nitangaánʼ xtiin mu matani̱ gámbíin

mu xa̱bu̱ ni xármáʼáan a̱jkiu̱ún kuñún.

15 Nitani̱ dí maʼni mba̱a̱ xuajin, Jeobá,

nitani̱ dí maʼni mba̱a̱ xuajin,

nitani̱ dí maguma mba̱a̱n.

16 Jeobá, índo̱ nikúwá ngíná nixuʼmamijná náa inaaʼ,

wáwáa nitakáñaaʼ índo̱ nitani̱ dí mumíniiʼ.

17 Xóo mbáa a̱ʼgu̱ bi̱ kaguewáan ada̱,* bi̱ inu magiʼdaa a̱ʼdióo,

naxnúu ga̱ʼkhu̱ ga̱jma̱a̱ nandxaʼwá dí na̱ʼkhui̱i̱,

xúʼko̱ kaʼnii nikúwáanʼxu ga̱jma̱a̱ numaaʼ, Jeobá.

18 Nidaéwíinʼxu e̱ji̱n, nixnúxu̱ ga̱ʼkhu̱ dí muguáʼdíinʼxu e̱ji̱n,

mú dí muguáʼdáaxu ada̱ nindxu̱u̱ xóo giñánʼ.

Táʼnguxu gágúwáʼ ku̱yuxu̱ dí maʼni káwíin xa̱bu̱ bi̱ kúwá náa ku̱ba̱ʼ rígi̱,

ga̱jma̱a̱ tségumaa nimbáa mu maxtáa ikhí.

¡Guguajxu̱u̱nʼ, asndu nadxa̱la gúndxa̱ʼwa̱,

ikháanʼ bi̱ kuwáanʼla náa yujndaʼ!

Numuu dí xuájyaaʼ nindxu̱u̱ xóo xuájyaʼ dí nagajtaa miʼcha̱,*

ku̱ba̱ʼ maniñuuʼ rí bi̱ nikháñún bi̱ nánguá guáʼdáá tsiaki̱i̱ matangi̱ín makuwá.*

20 Xuajñunʼ, ata̱ʼa̱a̱ʼ náa guʼwáaʼ náa cuarto dí rígá itháan awúún

ga̱jma̱a̱ atrugua̱a̱ xkruguaaʼ índo̱ gáta̱ʼa̱a̱ʼ awúún.

Atarkaʼwuminaʼ mbá xngaa

asndu índo̱ gánújngoo rí nakásngañu̱ʼ.

21 ¡Atayáá!, Jeobá na̱ʼkha̱ asndu náa xtáa

mu mandi̱ʼi̱ín cuenta xa̱bu̱ bi̱ kúwá náa ku̱ba̱ʼ rígi̱ ga̱jma̱a̱ numuu dí nikiéʼkún,

ku̱ba̱ʼ rígi̱ maʼni rí makujmaa náa nigadíí eʼdi

ni xárkaʼwiin bi̱ nikháñún náa ikhaa”.

27 Mbiʼi rúʼko̱, Jeobá ga̱jma̱a̱ espada ndrígóo rí tsémigo̱o̱ʼ, dí mba̱a̱ ga̱jma̱a̱ dí gújkhúʼ,

matanga̱a̱ kayáa Leviatán,* a̱bu̱nʼ bi̱ naxmájtaminaʼ,

Leviatán, a̱bu̱nʼ bi̱ na̱jkha̱ mixngaa

ga̱jma̱a̱ maxíyáa xujkhúʼ mba̱a̱ bi̱ xtáa náa lamáa.*

Nañewu̱u̱n mbiʼíí mbruʼun

mu nimbáa nda̱a̱ rí gáʼniuu.

Gambajxíi ga̱jma̱á nindxu̱ʼ,

gambajxíi ga̱jma̱á nindxu̱ʼ”.

 6 Náa mbiʼi rí na̱ʼkha̱, Jacob maxkrígú ajmu̱u̱,

Israel majmidi̱ riʼyu̱u̱ ga̱jma̱a̱ makráʼáan rudiuuʼ

ga̱jma̱a̱ majthíí náa tsu̱du̱u̱ ku̱ba̱ʼ rígi̱ dí gájma̱a̱.

 9 Xígi̱ kaʼnii gáguma kaʼwi̱i̱ dí nikiéʼkúun Jacob,

ga̱jma̱a̱ rígi̱ gárígá índo̱ gámbá ragajta̱a̱ aʼkhá dí niʼni.

Ikhaa maʼni dí mbá xúgíʼ itsí rí niguma ga̱jma̱a̱ náa dí najuixnájxi̱ tsigijñaʼ

maʼni̱i̱ i̱ndó idiuuʼ xóo itsí dí naguma ga̱jma̱a̱ idiʼ,

ga̱jma̱a̱ xáguanúu nimbá poste rí mitsúʼkháan,* ni má nímba̱ náa nakarámáʼ rí ndataun.

10 Xuajin dí kúgumaʼá maguaná jchíi,

mbaaʼ náa rígá ra̱jxa̱ maguanáa, ga̱jma̱a̱ maguanáa xóo ku̱ba̱ʼ mijxooʼ.*

Ikhí a̱ʼdá xédí mi̱khu̱ ra̱jxa̱ ga̱jma̱a̱ mabóoʼ

ga̱jma̱a̱ mi̱khu̱ ñawúunʼ ixi̱ dí rígá ikhí.

11 Índo̱ gújndooʼ ñawúunʼ

maguwáʼ gu̱ʼu̱ bi̱ muxmatri̱ya̱a̱ʼ asndu a̱jmu̱ú,

rúʼko̱ gúgíʼ ga̱jma̱a̱ aguʼ.

Ikha jngóo bi̱ Niʼnii xágáwíinʼ a̱jkiu̱u̱n kaʼñúún

ga̱jma̱a̱ bi̱ niʼniwíin xámbáñún.

28 ¡Ngínáa lá corona* rí naʼni muni̱ mbaʼumíjna̱ xa̱bu̱ najngi̱i̱n bi̱ kúwá náa Efraín,

mitsiʼyá dí rígá náa ikhaa, nindxu̱u̱ xóo ri̱ʼi̱ dí nujnduxtá,

xuajin dí grígu rijma̱a̱, náa kúwá xa̱bu̱ bi̱ nanigu̱u̱nʼ muwa̱a̱n wéñuuʼ vino!

Xóo mbá ruʼwambiʼ dí naxnúu índo̱ naguájthan a̱jkhu̱u̱n* ga̱jma̱a̱ eʼtsí,

xóo mbá giñámbiʼ dí naʼni gámbóo, xóo mbá ruʼwambiʼ dí naʼni majnííʼ iyaʼ,

ikhaa madati̱ga̱ náa ku̱ba̱ʼ ga̱jma̱a̱ tsiaki̱i̱.

 3 Corona rí naʼni muni̱ mbaʼumíjna̱

bi̱ najngi̱i̱n bi̱ kúwá náa Efraín mujnguprigu̱u̱n.

 4 Mitsiʼyá dí rígá náa ikhaa rí nindxu̱u̱ xóo ri̱ʼi̱ dí nundujxtá,

mbaaʼ dí grígu náa mitsídánʼ náa najma̱a̱,

mani̱ndxu̱u̱ xóo higo dí najma̱a̱ nákhá xóó tséʼni ruʼphu.

 7 Bugi̱ mangiin nagájnuriñu̱u̱nʼ eʼni vino,

iya najnga̱a̱ dí naʼwa̱a̱n naʼni dí maguíʼiin.

Ndxajkun ga̱jma̱a̱ profetas,* nagájnuriñu̱u̱nʼ eʼni iya najnga̱a̱,

vino naʼni jnga̱wi̱i̱n,

naʼni maguíʼiin iya najnga̱a̱,

rí nawasngájmún* naʼni dí majngawi̱i̱n,

ga̱jma̱a̱ tsénimbáníí májánʼ xkujndu.

 8 Náa mésu̱ún kajnííʼ dí nijxi̱ʼ...,

nánguá guanúu nditháan rí kaʼwu.

 9 Tsáá gájuiʼsngáá,

ga̱jma̱a̱ tsáá gájuiʼthán ajngáa rígi̱ rá.

10 Numuu dí “kiʼtáñajunʼ ga̱jma̱a̱ i̱mba̱ má kiʼtáñajunʼ, kiʼtáñajunʼ ga̱jma̱a̱ i̱mba̱ má kiʼtáñajunʼ,

awan dí naxtiéwan ga̱jma̱a̱, i̱mba̱ má awan dí naxtiéwan ga̱jma̱a̱,*

mbá chíʼgíiʼ* gi̱i̱ ga̱jma̱a̱ mbá chíʼgíiʼ a̱ʼkhu̱”.

“Kiʼtáñajunʼ ga̱jma̱a̱ i̱mba̱ má kiʼtáñajunʼ, kiʼtáñajunʼ ga̱jma̱a̱ i̱mba̱ má kiʼtáñajunʼ,

awan dí naxtiéwan ga̱jma̱a̱, i̱mba̱ má awan dí naxtiéwan ga̱jma̱a̱,

mbá chíʼgíiʼ gi̱i̱ ga̱jma̱a̱ mbá chíʼgíiʼ a̱ʼkhu̱”,

mu xúʼko̱ índo̱ gágún kruígu̱u̱n,

majngrádiinʼ ga̱jma̱a̱ majnguti̱gi̱i̱n skidiʼ

majmiguiin ga̱jma̱a̱ majngutaʼmíinʼ náa tsáʼkhá.

14 Ikha jngóo gudxawíín ajngóo Jeobá, ikháanʼla bi̱ nu̱ni̱ mbaʼumíjna̱,

xa̱bu̱ ñajunʼ bi̱ kúwá náa xuajin rígi̱ dí rígá náa Jerusalén,

15 numuu dí ikháanʼla nu̱ta̱:

“Nimbánúxu gajmiúxu dí Nakháñulú,

ga̱jma̱a̱ nimbánúxu* gajmiúxu Iñá wajinʼ.*

Índo̱ nda̱a̱ tsu̱ma̱ gájnííʼ iyaʼ

xáxkamáanʼxu,

numuu rí nimbáyumijnáxu náa rí minduwaʼ

ga̱jma̱a̱ nirkaʼumijnáxu̱ náa rí minduwaʼ”.

“¡Gu̱ya̱a̱! Naʼgíʼ rajkhúu Sion ga̱jma̱a̱ mbá itsí rí nijuiʼyáá dí nindxu̱u̱ májánʼ,

itsí dí itháan gíʼdoo numuu dí nagi̱ʼi̱ jxa̱ʼ ga̱jma̱a̱ rajkhúu guʼwá.

17 Ma̱ni̱ rí nindxu̱u̱ májánʼ, mani̱ndxu̱u̱ xóo ñuñuu dí nugiewan ga̱jma̱a̱,

ga̱jma̱a̱ dí jmbu mani̱ndxu̱u̱ xóo nivel.*

Eʼtsí maʼni gámbóo náa numbayúmíjná rí nindxu̱u̱ minduwaʼ

ga̱jma̱a̱ majnííʼ iyaʼ náa nurkaʼwumijná.

18 Dí nimbánála gajmiála dí Nakháñulú mandáti̱ga̱a̱

ga̱jma̱a̱ dí nimbánála gajmiála Iñá wajinʼ* xáwi̱ji̱ gújkhúʼ.

Índo̱ nda̱a̱ tsu̱ma̱ gájnííʼ iyaʼ,

rúʼko̱ gágixmbirigáanʼla ga̱jma̱a̱.

19 Mámbá índo̱ gájnííʼ iyaʼ,

maʼga kaguáanʼla,

numuu dí manújngoo mámbá miʼcha̱,

mbiʼi ga̱jma̱a̱ mbruʼun.

20 Numuu dí chíʼgíiʼ xiawoo, tséʼngo̱o̱ matabatámáaʼ

ga̱jma̱a̱ tséʼngo̱o̱ matambráʼaminaʼ xtíin numuu dí na̱nguá paska.

21 Numuu dí Jeobá maʼni xó má niʼni náa kúbá Perazim,

mba̱jui̱i̱ xó má niʼni náa mata* dí rígá náa mijngii Gabaón,

mu maʼnimbánuu ñajunʼ ndrígóo, mbá ñajunʼ dí na̱nguá eyáá rígá,

ga̱jma̱a̱ maʼnimbánuu ñajunʼ ndrígóo mbá ñajunʼ dí xóó tséniʼnuuʼ.

22 Ikha jngóo dí xúgi̱, xútsijmá,

mu xúʼko̱ xáxtoʼóo itháan jxa̱ʼ cadena dí kaxtuʼwála ga̱jma̱a̱,

numuu dí nidxawuun Tátá bi̱ itháán mba̱a̱, Jeobá bi̱ naʼtáñajúúnʼ ángeles,

dí ikhaa niraʼwíí má dí maʼni gámbáa mbá xúgíʼ ku̱ba̱ʼ rígi̱.

23 Gudxawunʼla, gudxawíín aʼwóʼ,

guʼgíʼ edxa̱la ga̱jma̱a̱ gudxawíín rí na̱tha̱.

25 Índo̱ gáwámbóo raʼnimbánii mbaaʼ,

lá raʼkháa ikhú na̱da̱ʼ ajenuz* ga̱jma̱a̱ naʼdu comino xáʼ.

27 Ajenuz tséxpigu ga̱jma̱a̱ xajpa dí najui̱ʼnu̱ ga̱jma̱a̱ tsígáʼ,

ga̱jma̱a̱ comino tségixmbi̱i̱ ga̱jma̱a̱ dí naxtuaʼán carreta.

Ajenuz nurujtsi ga̱jma̱a̱ xkuíyá,

ga̱jma̱a̱ comino nurujtsi ga̱jma̱a̱ ixi̱.

Índo̱ mbáa naʼni dí manújngoo náa tsu̱du̱u̱ trigo llántóo carreta dí nuxmajtaa wáyú,

tséʼni e̱jndo̱o̱ʼ.

29 Rígi̱ ma̱ngaa na̱ʼkha̱ náa Jeobá bi̱ naʼtáñajúúnʼ ángeles,

dí nandoo maʼni* nindxu̱u̱ mitsaanʼ

ga̱jma̱a̱ dí naʼngo̱o̱ naʼni nindxu̱u̱ mba̱ʼu̱.*

Gu̱ni̱ má xúʼko̱ mámbá tsiguʼ

gu̱ni̱ má xúʼko̱ ndxa̱la mámbá tsiguʼ.

 2 Mú ma̱ni̱ dí Ariel maxmiéjuunʼ,

maxtáa ngíná ga̱jma̱a̱ magáwíinʼ a̱jkiu̱u̱n,

ikhaa mani̱ndxu̱u̱ náa ikhúún xóo mbá náa nakarámáʼ tsigijñaʼ dí najuixnájxi̱ náa Dios.

 3 Maruguama̱ʼa̱a̱n mbájndi mu muxmijnálú,

maruguama̱ʼa̱a̱n ga̱jma̱a̱ ixi̱ kúdú

ga̱jma̱a̱ makujxí mbá xtájtsí dí maruguama̱ʼa̱a̱n ga̱jma̱a̱.

 4 Maxpátríga̱a̱n ga̱jma̱a̱ maguma majti̱i̱nʼ,

marata̱ asndu mbayííʼ

ga̱jma̱a̱ yujndaʼ gágúgoo ga̱jma̱a̱ aʼwáaʼ.

Aʼwáaʼ mawáán náa ku̱ba̱ʼ

xóo aʼwóo mbáa bi̱ narajxu̱u̱n wajinʼ,

ga̱jma̱a̱ ajngáaʼ mawáán náa yujndaʼ xóo índo̱ mbáa naʼthí mañu̱ú.

 5 Xa̱bu̱ sia̱nʼ* ndrígáaʼ bi̱ ra̱ʼkhá tháán mbaʼin mani̱ndxu̱ún xóo yujndaʼ,

xa̱bu̱ ra̱míjíinʼ bi̱ ra̱ʼkhá tháán mbaʼin mani̱ndxu̱ún xóo ra̱jxa̱ dí na̱jkha̱ kayóo giñánʼ.

 6 Jeobá bi̱ naʼtáñajúúnʼ ángeles

mañewa̱a̱nʼ ga̱jma̱a̱ a̱jkhu̱u̱n,* dí maʼxma, mbá gitsaʼwá* gakhi̱i̱,

giñámbiʼ ga̱jma̱a̱ mbá riʼyu̱u̱ aguʼ dí mba̱a̱”.

 7 Ikhú xa̱bu̱ bi̱ kúwá náa mbaʼa xuajin bi̱ nuxmijná gajmiún Ariel,

xúgíinʼ bi̱ nuxmijná gajmiún ikhaa,

torre dí najmún mu muxmijná dí kúgumaʼá ga̱jma̱a̱,

bi̱ nuni̱ dí maxtáa ngíná

mani̱ndxu̱ún xóo mbá xnuʼndaa, xóo rí nawasngájmáá mbaʼyoo* mbáa dí mbruʼun.

 8 Xúʼko̱, mani̱ndxu̱u̱ xóo mbáa bi̱ naxkidxu̱u̱ bi̱ nagundaa dí xtáa rakuiʼtsu,

mú índo̱ ndajui̱i̱ naxkidxu̱u̱,

ga̱jma̱a̱ xóo mbáa bi̱ nakándawuuʼ bi̱ nagundaa dí xtáa raʼga̱a̱n iyaʼ,

mú índo̱ ndajui̱i̱ néʼngo̱o̱ ga̱jma̱a̱ nakándawuuʼ,

xúʼko̱ gáguáʼníín xa̱bu̱ xuajin bi̱ mbaʼin

bi̱ nuxmijná gajmiún kúbá Sion.

 9 Aguanála wíí ga̱jma̱a̱ gaʼniala tsiánguá,

guruguáá idala mu xúya̱a̱.

Ikhiin najngi̱i̱n, mú túwáan vino,

naguíʼiin, mú túwáan iya najnga̱a̱.

10 Numuu dí Jeobá niʼni rí mu̱nuʼla mi̱du̱u̱

nirugoo idala, ikháanʼ profetas,

ga̱jma̱a̱ nirugoo e̱dxa̱laʼ ikháanʼ xa̱bekha bi̱ ndu̱ya̱a̱ dí nawasngájmala.

13 Jeobá naʼthí: “Xuajin rígi̱, naʼthíí* dí nakuʼmaminaʼ náa ikhúún,

ga̱jma̱a̱ naʼthíí rí ndaʼyamajkuʼ,

mú a̱jkiu̱u̱n rígá mitsínguánʼ náa ikhúún,

ga̱jma̱a̱ namíñúu kaʼyoʼ ga̱jma̱a̱ numuu kiʼtáñajunʼ rí nuxna xa̱bu̱ú, kiʼtáñajunʼ rí nijuiʼsngáá.

14 Ikha jngóo ikhúún matangu̱ún ma̱ni̱ milagro náa xuajin rígi̱,

i̱mba̱ má i̱mba̱ milagro gáni̱,

ga̱jma̱a̱ ku̱ma̱ rí guáʼdáá bi̱ najmañún, mambáa,

ga̱jma̱a̱ dí nakru̱ʼu̱u̱n xa̱bu̱ bi̱ najmañún mandáti̱ga̱a̱”.

Nuni̱ dí ra̱májánʼ náa mikína,

índo̱ nuthi: “Ndawa̱a̱ tsáa eʼyulú,

ndawa̱a̱ tsáa eʼyoo rí nu̱ʼni̱lú”.

Lá ma̱ndoo mbá rí niguma maʼthí ga̱jma̱a̱ numuu bi̱ niʼnii

“Ikhaa na̱nguá niʼniún” xáʼ.

Lá ma̱ndoo mbá rí niguma maʼthí ga̱jma̱a̱ numuu bi̱ niʼnii

“Ikhaa nda̱a̱ dí ekro̱ʼo̱o̱” xáʼ.

17 Ni xájyúuʼ má mba̱yu̱u̱ʼ dí Líbano maʼga̱nú mani̱ndxu̱u̱ mbá huerta,

ga̱jma̱a̱ mbá huerta maʼga̱nú mani̱ndxu̱u̱ mbá xaxi̱.

18 Mbiʼi rúʼko̱, bi̱ tsédxawíín mudxawíín ajngáa dí naʼthí náa libro,

bi̱ tsékruigu̱u̱n magajnáán náa mikína, ga̱jma̱a̱ nándáa dí gárikhún mu ma̱ndoo muyejxi̱.

19 Xa̱bu̱ guabiinʼ* ra̱ʼkhá tháán gáʼdxúún ga̱jma̱a̱ numuu Jeobá,

ga̱jma̱a̱ xa̱bu̱ ngíníi ra̱ʼkhá tháán gáʼdxún ga̱jma̱a̱ numuu bi̱ Kaʼwii náa Israel.

20 Numuu dí xa̱bu̱ ra̱míjíinʼ mandáti̱gi̱i̱n

ga̱jma̱a̱ xa̱bu̱ bi̱ nuni̱ mbaʼumíjna̱ maʼga̱nú martumuu mbiʼñún,

ga̱jma̱a̱ mbá xúgíinʼ xa̱bu̱ bi̱ kúwá xawii mu muni̱ dí ra̱májánʼ, maguma gámbíin.

21 Xa̱bu̱ bi̱ najmún ajngáa rí nduwaʼ mu muni̱ tsu̱du̱ún eʼwíinʼ,

bi̱ nugíʼ tsáʼkhá náa inuu bi̱ nandoo mambanúu numuu* náa xkrugoo xuajin,

ga̱jma̱a̱ bi̱ nuthi ajngáa dí ragájkhun mu xámbánuu májánʼ numuu bi̱ jmbii.

23 Numuu rí índo̱ ikhaa gáʼñúún e̱ji̱i̱n,

bi̱ ni̱ni̱i̱ ga̱jma̱a̱ ñawúnʼ, náa majñu̱u̱ʼ ikhaa,

muni̱ kaʼwi̱i̱ mbiʼyuʼ, muni̱ kaʼwi̱i̱ bi̱ Kaʼwii náa Jacob

ga̱jma̱a̱ musngajma rí nduyamajkuíí Dios ndrígóo Israel.

24 Bi̱ nigájnuriñu̱u̱nʼ makru̱ʼu̱u̱n,

ga̱jma̱a̱ bi̱ nuxieʼkhá muniñami̱jna̱ dí majuiʼsngúún”.

30 “¡Ngíníi lá e̱ji̱n bi̱ gújkhúʼ a̱jkiu̱ún, eʼthí Jeobá,

bi̱ nunimbaníí awan dí raʼkháa ndrígóʼ ikhúún,

bi̱ nambánúún,* mú raʼkháa xóo ikhúún nandoʼ,

nuxudamíjna̱ itháan aʼkhá ki xóo dí nini̱ má!

 2 Asndu tsérajxuʼ índo̱ naguájtan Egipto,

mu dí mumbayumíjná* náa faraón

ga̱jma̱a̱ mumbayumíjná náa agoo xkamijxoo Egipto.

 3 Mú dí mambáyala faraón mani̱ndxu̱u̱ mbá dí maʼni mati̱ya̱la,

ga̱jma̱a̱ dí mumbayumíjná náa agoo xkamijxoo Egipto, maʼni dí magajnúu majkuala.

 4 Numuu dí príncipes ndrígiu̱ún kúwá náa Zoan,

ga̱jma̱a̱ bi̱ nagún kuñu̱u̱n ajngáa niguánú náa Hanés.

 5 Xúgíinʼ ikhiin mati̱ñu̱u̱nʼ

gáʼni mbá xuajin dí nda̱a̱ dí ejmaa,

numuu dí tsémbáñún,

i̱ndó naʼni dí mati̱ñu̱u̱nʼ ga̱jma̱a̱ magajnúu majkhún”.

Náa ku̱ba̱ʼ dí rígá tsingíná ga̱jma̱a̱ gamiéjunʼ,

mbaaʼ náa kúwá león, león bi̱ nundxa̱ʼwa̱,

a̱bu̱nʼ mbiiʼ ga̱jma̱a̱ a̱bu̱nʼ bi̱ na̱jkha̱ náa inuu giñánʼ,

muda gágún dí gíʼdoo numuu náa tsu̱du̱ún búrru

ga̱jma̱a̱ i̱ʼwáʼ dí guáʼdáá mudra̱ma̱ʼ náa ndi̱jtsu̱ún camellos.

 8 “Dí xúgi̱ ayu̱u̱ʼ, ataniraʼmáʼ náa inún ikhiin náa mbá xajpa paska

ga̱jma̱a̱ ataniraʼmáʼ náa mbá libro,

mu xúʼko̱ majmaa nda̱wa̱á

ga̱jma̱a̱ xúʼko̱ makujmaa dí ikhúún ni̱tha̱.

 9 Numuu dí nindxu̱u̱ mbá xuajin dí tséʼnimbo̱o̱, e̱ji̱n bi̱ nuni̱ nduwaʼ,

e̱ji̱n bi̱ tsíñún gúdxawíín xtángoo* ndrígóo Jeobá.

“Numuu dí ikháanʼla ni̱ni̱ gaʼduunʼ ajngáa rígi̱,

niku̱ma̱laʼ kuya̱a̱ dí ragájkhun ga̱jma̱a̱ nini̱mba̱la rí nduwaʼ,

ga̱jma̱a̱ numbayúmíjná ikhí,

13 dí raʼkhí eni̱la nindxu̱u̱ xóo mbá xtájtsí dí gíʼdoo tsúwáʼ,

xóo mbá xtájtsí mitsídánʼ dí na̱jkha̱ níjní ga̱jma̱a̱ itháán mangajxi̱i̱.

14 Mawiʼtáa xóo mbá rayaʼ mba̱a̱ dí naʼni xa̱bu̱ bi̱ naʼni daan,

majmigu̱u̱ dí asndu nimbá xuíʼtóo

ni xájmaa mu muri̱ya̱ʼ ga̱jma̱a̱ chámbuʼ

ni má muri̱ya̱ʼ ga̱jma̱a̱ iyaʼ náa najnumaʼan”.*

“Á mu natangáanʼla náa ikhúún ga̱jma̱a̱ naʼngo̱o̱ a̱jkia̱la nugua̱ʼthu̱nʼ, makáwáanʼla,

muguaʼdáá tsiaki̱i̱ á mu tsénimiñúmíjnála ga̱jma̱a̱ nakumalaʼ kuyoʼ”.

17 Mil maguíʼiin náa inuu mbáwíí,

ikháanʼla magayála gúni̱ mbá witsiin

asndu índo̱ dí gáwanáa náa ikháanʼla mani̱ndxu̱u̱ xóo poste dí frígu náa inuu kúbá,

xóo mbá poste rí nindxu̱u̱ tsinaʼ dí mbuyáá dí frígu náa inuu bíjní.

18 Mú Jeobá naʼngo̱o̱ a̱jkiu̱u̱n nagi̱ʼthu̱u̱n mu masngájmala dí májáanʼ a̱jkiu̱u̱n,

ga̱jma̱a̱ matujxu̱u̱ mu masngájmala dí nagáwíinʼ a̱jkiu̱u̱n kaʼyala.

27 ¡Atayáá! Mbiʼyuu Jeobá na̱ʼkha̱ ragi̱ʼi̱ mitsínguánʼ,

asndu nakha dí nakásngañu̱u̱ʼ, ma̱ngaa kúgoo ga̱jma̱a̱ du̱u̱n skuniʼ.

Náa rawuunʼ rígá dí nakásngañu̱u̱ʼ

ga̱jma̱a̱ raju̱u̱n nindxu̱u̱ xóo aguʼ mba̱a̱.

28 Tsiaki̱i̱* ndrígóo Dios nindxu̱u̱ xóo mbá yambo̱o̱ dí nakráʼáan asndu náa aphuu,

maʼbatiguíin xa̱bu̱ xuajin ga̱jma̱a̱ mbá criba dí naʼni gámbáa,*

xa̱bu̱ xuajin matra̱ʼa̱ freno rawúúnʼ mu maguwíin náa kamba̱a̱.

29 Ajmúú dí nuni̱la mani̱ndxu̱u̱ xóo ajmúú dí nuni̱ mbruʼun

índo̱ mbáa naʼnirataminaʼ* mu maʼga ndxa̱a̱,

ra̱ʼkhá tháán gáʼdxuu a̱jkiu̱u̱n

xóo eʼni mbáa bi̱ kayá* flauta ejkha̱

náa kúbá ndrígóo Jeobá, náa Tsíñu ndrígóo Israel.

30 Jeobá maʼni dí mawán aʼwóo dí mitsaanʼ*

ga̱jma̱a̱ maʼni rí makujmaa ñawúunʼ dí nakásngañu̱u̱ʼ,

náa riʼyu̱u̱ aguʼ dí mba̱a̱,

náa ruʼwambiʼ, índo̱ naguájthan a̱jkhu̱u̱n* ga̱jma̱a̱ náa eʼtsí.

31 Ga̱jma̱a̱ numuu aʼwóo Jeobá, Asiria mamiñúu,

maxnúu ga̱jma̱a̱ xkuíyá.

32 Mámbá índo̱ Jeobá gáxnúu Asiria

ga̱jma̱a̱ xkuíyá dí maʼni mamínuuʼ

mawán aʼwóo panderetas ga̱jma̱a̱ arpas,

índo̱ xtáa rakujxi̱ ñawúunʼ mu maxnún ga̱jma̱a̱ náa nuxmijná.

33 Numuu dí rígá má xawii mbaaʼ* náa maguma gámbáa,

ma̱ngaa rígá má xawii náa makhañúu rey.

Niʼni itháan mi̱jnu̱ʼ ga̱jma̱a̱ itháan ma̱ja̱nʼ náa magíʼ aguʼ,

rígá aguʼ ga̱jma̱a̱ ra̱ʼkhá tháán mbaʼa ixi̱.

Giñánʼ dí na̱ʼkha̱ náa Jeobá, nindxu̱u̱ xóo mbá mata* náa na̱jkha̱ kúʼúun azufre,*

dí magídoo agiuuʼ.

31 ¡Ngíníi lá bi̱ naguájthan Egipto mu mbuyáʼ rí mixtambáñún,

bi̱ naku̱mu̱ún kuñúún wáyú,

bi̱ naku̱mu̱ún kuñúún carro dí nuxmijná ga̱jma̱a̱, numuu dí ra̱ʼkhá tháán mbaʼa,

ga̱jma̱a̱ wáyú* bi̱ nuxmijná numuu dí guáʼdáá tsiaki̱i̱,

mú na̱nguá eyáá bi̱ Kaʼwii náa Israel

ga̱jma̱a̱ tséyáaʼ Jeobá!

 2 Mú ikhaa ma̱ngaa najmañuu ga̱jma̱a̱ makuʼma mbá gamiéjunʼ,

maʼnimbánuu tsiaki̱i̱ ajngóo.

Maʼni ngíníi bi̱ ra̱míjíinʼ

ga̱jma̱a̱ maʼni ngíníi bi̱ numbañún bi̱ nuni̱ dí ra̱májánʼ.

 3 Egipcios nindxu̱ún xa̱bu̱ numbaaʼ, raʼkháa Dios,

wáyú nindxu̱ún xuwiʼ, raʼkháa xóo Dios.

Índo̱ Jeobá gákrui̱ya̱ʼ ñawúunʼ,

bi̱ nañambáá majngrádaaʼ

ga̱jma̱a̱ bi̱ naxtambáyíí maxpátri̱ga̱a̱,

mbá míʼtsúú gákháñún xúgíinʼ.

“Xóo mbáa león, mbáa león gújkuiiʼ,* najmangu̱u̱ʼ índo̱ ndaʼñún bi̱ nandoo mikhu̱u̱n,

xóo índo̱ mbá xúgíinʼ baxtúu nagimbíi̱n mu muxkáá,

ga̱jma̱a̱ na̱nguá eʼnimíñúu aʼwún,

ni má tséʼnimíñúu dí nundxa̱ʼwa̱jmaa,

xúʼko̱ kaʼnii gáʼni Jeobá bi̱ naʼtáñajúúnʼ ángeles magajtaa mu maxmína̱ʼ

náa kúbá Sion ga̱jma̱a̱ náa bíjní dí rígá ikhí.

 8 Ga̱jma̱a̱ asirio makhañúu ga̱jma̱a̱ espada, mú raʼkháa espádóo mbáa xa̱biya̱,

mikhu̱u̱ mbá espada, mú raʼkháa espádóo mbáa xa̱bu̱ numba̱áʼ.

Ikhaa magayúu gáʼni espada

ga̱jma̱a̱ jiámíi muxtumiin muñajunʼ gakhi̱i̱.

Ga̱jma̱a̱ príncipes ndrígóo mamiñún gáʼni poste rí nasngájmúún mbuyáá”, eʼthí Jeobá,

agiuuʼ rígá náa Sion ga̱jma̱a̱ horno ndrígóo rígá náa Jerusalén.

32 ¡Atayáá! Mbáa rey maʼtáñajunʼ* jmbu,

ga̱jma̱a̱ príncipes mutañajunʼ* májánʼ.

 2 Mámbíin dí ikhiin mani̱ndxu̱ún xóo náa mumbayumíjná índo̱ naxnúu giñánʼ,

náa mumbayumíjná índo̱ na̱ʼkha̱ ruʼwambiʼ,

nindxu̱ún xóo mbá mata náa na̱jkha̱ kúʼúun iyaʼ náa mbaaʼ dí nda̱a̱ iyaʼ,

xóo mbá ndájkhoo pátsí mba̱a̱ dí rígá náa ku̱ba̱ʼ mijxooʼ.

 3 Ikhú bi̱ nakrui̱gu̱u̱n ni xágúgoo idún

ga̱jma̱a̱ bi̱ nudxawíín, mugíʼ cháʼwúún mudxawíín.

 4 A̱jkiu̱ún bi̱ mbá nacha̱ era̱ʼwi̱i̱ dí muni̱ mundxa̱ʼwa̱míjna̱ náa dí nijmañún,

bi̱ tséthi májánʼ ma̱ndoo muthi májánʼ ga̱jma̱a̱ kaʼwu.

 5 Xa̱bu̱ skágunʼ ni xágumbiʼyuu bi̱ naxná dí gíʼdoo,

ga̱jma̱a̱ xa̱bu̱ ra̱májáanʼ ni xágumbiʼyuu bi̱ gíʼdoo numuu,

 6 numuu dí mbáa xa̱bu̱ skágunʼ naʼthí ajngáa dí tséjmaa

ga̱jma̱a̱ náa a̱jkiu̱u̱n magajnúu maʼni dí ra̱májánʼ,

mu maʼni dí xa̱bu̱ xáʼndúún gúyáá Dios,* ma̱ngaa muthi dí ragájkhun ga̱jma̱a̱ numuu Jeobá,

mu maʼni dí xa̱bu̱ bi̱ naxkidxu̱u̱ xákuiʼtsu

ga̱jma̱a̱ bi̱ nakándawuuʼ nda̱a̱ dí gágáan.

 7 Dí najmuu xa̱bu̱ ra̱májáanʼ nindxu̱u̱ ra̱májánʼ,

naʼni rí xa̱bu̱ muni̱ dí nindxu̱u̱ ma̱jti̱ʼ,

mu xúʼko̱ bi̱ xtáa ramínúuʼ muni̱ ngínáa ga̱jma̱a̱ dí nduwaʼ,

tséʼniuu á mu xa̱bu̱ ngínáa naʼthí dí gajkhun.

 8 Mú bi̱ naxná dí gíʼdoo naʼni numuu dí nandoo maxná,

ga̱jma̱a̱ naxná má xúʼko̱ dí gíʼdoo.

10 Índo̱ gájngoo dí mbá tsiguʼ, ikháanʼla bi̱ tséxmiéjuanla maguáʼáan,

numuu dí índo̱ gájngoo mbiʼi dí naxtagimbóo uva, mbu̱ya̱a̱ dí na̱nguá nixtagimbóo nimbá.

Gurawíi xtíñálá

ga̱jma̱a̱ gumbráʼáá xtíin mi̱du̱* náa smídala.

12 Guxna̱a̱ tsu̱xtala mu makujmaa dí kuwáanʼla ngíná

ga̱jma̱a̱ numuu dí nirígá náa mbaaʼ dí nu̱dula, ma̱ngaa mbaaʼ náa kiʼdu ixi̱ uva.

13 Numuu dí náa ku̱bu̱únʼ xa̱bu̱ xuajñunʼ makráʼáan iná xtáʼdu̱u̱ ga̱jma̱a̱ tsuwanʼ,

magugóo ga̱jma̱a̱ mbá xúgíʼ guʼwá náa nákha ginii nirígá gagi,

xúʼko̱, xuajin náa nikúwá gagi xa̱bu̱.

14 Numuu dí torre dí wíji̱ gújkhúʼ maguanáa,

ga̱jma̱a̱ xuajin náa kúwá jxa̱ʼ xa̱bu̱ maguanáa.

Ofel ga̱jma̱a̱ torre náa nuyejngoo maguanáa mbá kayuuʼ,

mani̱ndxu̱u̱ mbá mbaaʼ náa mutsíin búrru xáná,

mbaaʼ náa rígá rajxa̱ muphiʼtsu xujkhúʼ,

15 asndu mbiʼi dí Dios gáxídirámuuʼ espíritu ndrígóo náa ikháánʼlú

ku̱ba̱ʼ mijxooʼ* maʼga̱nú mani̱ndxu̱u̱ mbá huerta

ga̱jma̱a̱ huerta maʼga̱nú mani̱ndxu̱u̱ mbá xaxi̱.

16 Ikhú dí májánʼ marigá náa ku̱ba̱ʼ mijxooʼ

ga̱jma̱a̱ dí jmbu marigá náa huerta.

17 Ga̱jma̱a̱ numuu dí narígá rí jmbu marigá dí tsímáá,

dí jmbu maʼni marigá dí tsímáá ga̱jma̱a̱ ni xárígá gamíi.

18 Xa̱bu̱ xuajñunʼ makuwá náa mbá mbaaʼ dí rígá tsímáá,

ga̱jma̱a̱ guʼwá náa nda̱a̱ gamíi, ma̱ngaa mbá mbaaʼ náa mbuya̱a̱ jxu̱ún tsímáá.

19 Mú eʼtsí maʼni gámbóo xaxi̱,

ga̱jma̱a̱ xuajin maguma gámbáa mbá kayuuʼ.

20 Gagi kuwáanʼla ikháanʼ bi̱ nu̱du náa mbá xúgíʼ rawuunʼ iyaʼ

ga̱jma̱a̱ nuniʼñúúnʼ dí majnguʼwún ikhi̱ín xedi̱ ga̱jma̱a̱ búrru”.

33 ¡Ngínáá lá ikháán bi̱ naʼni gámbáa, bi̱ xóó tséguma gámbáa,

bi̱ naʼni nduwaʼ bi̱ xóó tséguma nduwaaʼ!

Ganindxa̱a̱ʼ tsiaki̱i̱ ndrígúxu̱* mámbá miʼcha̱,

xúʼko̱, dí maʼni káwáanʼxu náa mbiʼi rí numíniiʼ.

 4 Xóo índo̱ nagimbíi̱n tsíʼbu* bi̱ nuni̱ gámbáa, xúʼko̱ kaʼnii gáxtagímbóó rí gáguanáa náa ikháán,

xa̱bu̱ majngutaʼmiinʼ ikhí, xóo eni̱ tsíʼbu bi̱ mbaʼin.

 5 Jeobá maguma mba̱a̱,

numuu dí ikhaa xtáa rijma̱a̱ náa rí mitsídánʼ.

 6 Ikhaa naʼni rí xámíñáaʼ,

naʼni kríña̱a̱nʼ, naʼni rí majmañaaʼ, naʼni dí maraʼdáá ku̱ma̱ ga̱jma̱a̱ dí maraʼdáá gamíi ndrígóo Jeobá,

rúʼko̱ dí gíʼdoo numuu.

 7 ¡Atayáá! Xa̱biu̱ún bi̱ tsémíñún nundxa̱ʼwa̱ náa kamba̱a̱,

bi̱ nagún kuñu̱u̱n ajngáa dí tsímáá numbi̱ya̱ gínún.

 8 Ndáwi̱i̱n xa̱bu̱ náa kamba̱a̱,

ndáwa̱a̱ tsáa ejkha̱ náa kamba̱a̱ smídú.*

Ikhaa* nijkúmigaʼ rí nimbánúu,

nánguá eyoo gáʼyoo xuajin,

tséxmiéjuunʼ kaʼyoo xa̱bu̱ numbaaʼ.

Sarón ni̱jkha̱nú ninindxu̱u̱ xóo ku̱ba̱ʼ mijxooʼ,*

Basán ga̱jma̱a̱ Carmelo nuxprigumíjnáa inún.

10 “Dí xúgi̱ rá, matujxu̱ʼ, eʼthí Jeobá,

masngajmá tsiaki̱i̱ ndrígóʼ

ga̱jma̱a̱ masngajmá nguáthá mbu̱u̱n.

14 Xa̱bu̱ bi̱ nuni̱ aʼkhá bi̱ kúwá náa Sion naguíʼiin,

bi̱ tsíñún gúyáá Dios* naguíʼiin dí namíñúún:

15 Bi̱ naʼni má xúʼko̱ dí májánʼ

ga̱jma̱a̱ naʼthí dí jmbu,

bi̱ naʼni gaʼduunʼ magruigú dí makánáán ga̱jma̱a̱ numuu dí minduwaʼ ga̱jma̱a̱ dí tsikúwáʼ,

bi̱ ñawúunʼ naʼni gaʼduunʼ magruigú regalo,

bi̱ narugoo cháʼwuun mu xáʼdxawun índo̱ nuthi ga̱jma̱a̱ numuu rí nagadíí eʼdi

ga̱jma̱a̱ bi̱ narugoo iduu mu xáʼyoo dí ra̱májánʼ,

16 ikhaa maxtáa náa rí mitsídánʼ,

ga̱jma̱a̱ mambáyuminaʼ náa majñu̱u̱ʼ tsíñu náa rakáʼnii matatsimaaʼ.

Makánáán ganitsu

ga̱jma̱a̱ magiʼdoo má xúʼko̱ iyaʼ”.

17 Idaaʼ mbaʼyoo mbáa rey mitsiʼyáa,

ga̱jma̱a̱ ma̱ta̱ya̱a̱ mbá ku̱ba̱ʼ dí rígá mitsínguánʼ.

19 Ni xáta̱ya̱a̱ xuajin rí nda̱a̱ majkhuu,

mbá xuajin dí naʼthí mbá ajngáa rí miʼskhoo* makrua̱ʼa̱a̱ʼ,

ga̱jma̱a̱ numuu dí tséʼthí májánʼ, tsíyóo gákrua̱ʼa̱a̱ʼ.

Idaaʼ mbaʼyoo Jerusalén xóo mbá guʼwá náa rígá dí tsímáá,

mbá guʼwá xtíin rí nimbáa xáyéjxi̱ngaa.

Stákóo nditháan xúxmajui̱i̱

ga̱jma̱a̱ nimbá ñuñuu xútu.

21 Ikhí Jeobá bi̱ gíʼdoo tsiaki̱i̱,

mani̱ndxu̱u̱ náa ikháánʼlú xóo mbá mañu mba̱a̱ rí nañewu̱u̱n xuajin,

náa xánújngoo nimbá barco rí najmún mu muxmijná ga̱jma̱a̱,

ga̱jma̱a̱ náa xánújngoo nimbá barco rí mba̱a̱.

22 Numuu dí Jeobá nindxu̱u̱ bi̱ naʼnimbánuu numulú,

Jeobá nindxu̱u̱ bi̱ nagrui̱ga̱ xtángoo,

Jeobá nindxu̱u̱ Rey ndrígulú,

ga̱jma̱a̱ ikhaa gáʼni káwáánʼlú.

23 Ñuñuu xa̱bu̱ sia̱nʼ* maguanúu xawaʼ,

xáʼngo̱o̱ gáwi̱ji̱ kagu̱u̱ ixi̱ dí frúwan náa barco, ni má xándoo gáxtámbriya̱ʼ xtíin.

Mbiʼi rúʼko̱, mba̱a̱ dí niguanáa gúxuiʼtamijnáa,

asndu bi̱ gúʼxíinʼ mbaʼa gúrawíi magún kudúún.

34 Guxuʼmamíjnála mbá xúgiáanʼ xa̱bu̱ xuajin mu mudxawíín,

guʼgíʼ e̱dxa̱laʼ mudxawíín, xuajin.

Gaʼdxuun ku̱ba̱ʼ ga̱jma̱a̱ dí rígá ikhí,

ku̱ba̱ʼ ga̱jma̱a̱ dí najma̱a̱ ikhí.

 2 Numuu dí Jeobá nakiʼnáa kaʼñún mbá xúgíinʼ xa̱bu̱ xuajin

ra̱ʼkhá tháán ekásnga̱ñu̱u̱ʼ kaʼñún mbá xúgíinʼ soldado ndrígiu̱ún.

Ikhaa maxnájxi̱i̱n mu maguma gámbíin,

ga̱jma̱a̱ maxnájxi̱i̱n mu makhañún.

 3 Bi̱ gákháñún náa ikhaa majui̱ʼdi̱i̱n rexa̱a̱,

xuñúúnʼ maʼni ndajtsún náa tsu̱du̱u̱ ku̱ba̱ʼ

ga̱jma̱a̱ eʼdiún magajtaa náa kúbá.

 4 Bi̱ ra̱ʼkhá tháán mbaʼin bi̱ nuxmijná ga̱jma̱a̱ numuu mekhu migiin,

ga̱jma̱a̱ mekhu maxtámbújxi̱ xóo mbá rollo.

Xúgíinʼ soldado ndrígiu̱ún mujnduxtíin,

xóo índo̱ inúu uva nujndooʼ ga̱jma̱a̱ nagajtaa náa ixu̱u̱

ga̱jma̱a̱ xóo índo̱ higo nijndooʼ naxpátrígúu náa ixu̱u̱.

Magajtaa espada náa Edom mu manda̱ʼa̱a̱ cuenta,

náa mbá xuajin dí nixnajxí mu maguma gámbáa.

Magu̱u̱ xtanga ma̱ngaa eʼdiún mugu̱ bi̱ míjíinʼ ga̱jma̱a̱ tsu̱jtuunʼ,

magu̱u̱ xtangoo riñón ndrígu̱ún mugu̱.

Numuu dí Jeobá gíʼdoo má xawii mbá tsigijñaʼ náa Bozrá

ga̱jma̱a̱ ra̱ʼkhá tháán mbaʼin gákháñún náa ku̱ba̱ʼ Edom.

 7 Majnguti̱gi̱i̱n gajmiún xedi̱ xaná,

bi̱ guáʼdáá tsiaki̱i̱ majnguti̱gi̱i̱n gajmiún ejín xédí.

Náa ku̱bu̱únʼ majnííʼ eʼdi

ga̱jma̱a̱ náa yujndaʼ manda̱wo̱o̱ʼ xtanga”.

 8 Numuu dí Jeobá gíʼdoo mbá mbiʼi dí maʼni mumíniiʼ,

mbá tsiguʼ dí maʼni ngíníi ga̱jma̱a̱ numuu dí raʼkhí nigíʼnuu Sion.

 9 Mata* ndrígu̱ún maʼga̱nú mani̱ndxu̱u̱ xóo alquitrán*

ga̱jma̱a̱ yujndaʼ mani̱ndxu̱u̱ xóo azufre,*

ku̱ba̱ʼ mani̱ndxu̱u̱ xóo alquitrán dí nakha.

10 Xájuíyuuʼ mbiʼi ni má mbruʼun,

matsimuu má xúʼko̱ gúniúu.

Ni xátanga̱a̱ maguma májáanʼ mba̱yu̱u̱ʼ tsiguʼ,

ga̱jma̱a̱ nimbáa ni xánújngoo ikhí.

11 Pelícano ga̱jma̱a̱ endi tsuwanʼ* makuwá ikhí,

xpuʼphúnʼ majkhiinʼ ga̱jma̱a̱ yu̱wa̱ʼ mangiin makuwá ikhí.

Dios majmuu mbá ñuñuu ga̱jma̱a̱ nivel* mu magiéwan ku̱ba̱ʼ rúʼko̱

mu xúʼko̱ masngájma dí maguanáa ga̱jma̱a̱ ni xájmaa.

12 Nimbáa xa̱bu̱ bi̱ gíʼdoo numuu náa ikhiin xúgíiʼ mani̱ndxu̱u̱ rey,

ga̱jma̱a̱ mbá xúgíinʼ príncipes ni xákúwá.

13 Makráʼáan tsuwanʼ náa torre ndrígu̱ún dí wájun jxa̱ʼ,

mba̱ja̱a̱ iná tsuwanʼ náa xuajñún dí kúgumaʼá.

Ikhí mani̱ndxu̱u̱ náa makuwá chacal,*

ga̱jma̱a̱ náa makuwá avestruz.

14 Xujkhúʼ bi̱ kúwá náa ku̱ba̱ʼ mijxooʼ* muxkamamijnáa gajmiún eʼwíinʼ xujkhúʼ bi̱ nundxa̱ʼwa̱ ngínún,

ga̱jma̱a̱ tsujtu xáná* mandxaʼwíín a̱ngui̱i̱n.

15 Ikhí a̱bu̱nʼ maʼni xújúunʼ ga̱jma̱a̱ maʼni xndúu,

matsígoo xndúu ga̱jma̱a̱ magímbóo náa agoo ndájkhoo.

Xúgíinʼ trámáʼ mbiʼñún ikhí,

ndawa̱a̱ nimbáa bi̱ ragíʼdaa a̱ʼgiu̱u̱,

numuu dí Jeobá má niʼthí índo̱ nixná awan,

nigímbíin ga̱jma̱a̱ tsiaki̱i̱ ndrígóo.

17 Ikhaa nindxu̱u̱ bi̱ niríya̱ʼ suértiu̱ún,

ñawúunʼ nigiéwan ga̱jma̱a̱ náa dí kaʼñún mudrigúu.*

Mani̱ndxu̱u̱ ku̱bu̱únʼ asndu kámuu,

makuwá ikhí mba̱yu̱u̱ʼ tsiguʼ.

35 Náa ku̱ba̱ʼ mijxooʼ* ga̱jma̱a̱ náa ku̱ba̱ʼ rí nda̱a̱ iyaʼ marigá dí gagi,

xkua̱ mijxooʼ maxtáa gagi ga̱jma̱a̱ majmidi̱ xóo ejmidi̱ ri̱ʼi̱ azafrán.

 2 Majmidi̱ ri̱ʼyu̱u̱,

maxtáa gagi ga̱jma̱a̱ mandxa̱ʼwá rí nadxuu.

Makánáá dí mitsaanʼ* dí rígá náa Líbano,

ga̱jma̱a̱ dí naxpíbinʼ dí rígá náa Carmelo ga̱jma̱a̱ náa Sarón.

 3 Gu̱ni̱ maʼni gújkhúʼ ñawánla rí nánguá gíʼdoo tsiaki̱i̱

ga̱jma̱a̱ ragómiala rí naguáʼáan.

¡Gu̱ya̱a̱! Mina̱a̱ʼ Dios ndrígala ma̱ʼkha̱ gáʼni ngíníi xa̱bu̱ sia̱nʼ ndrígala,

Dios ma̱ʼkha̱ gáʼni dí mumíniiʼ.

 5 Mbiʼi rúʼko̱, bi̱ tsékruigu̱u̱n, mambaʼta̱a̱ idún

ga̱jma̱a̱ bi̱ tsédxawíín mambaʼta̱a̱ cháʼwúún.

 6 Mbiʼi rúʼko̱, xa̱bu̱ gúʼxúʼ makijxi̱i̱ xóo eʼni mbáa aña̱ʼ,

ga̱jma̱a̱ xa̱bu̱ bi̱ tséʼthí mandxa̱ʼwá ga̱jma̱a̱ gagi.

Numuu dí náa ku̱ba̱ʼ mijxooʼ maʼndijuíi iyaʼ

ga̱jma̱a̱ marigá mañu náa xkua̱ rí mijxooʼ.

 7 Náa ku̱ba̱ʼ rí nijndooʼ eʼni mijkha maʼga̱nú mani̱ndxu̱u̱ xóo mbaaʼ náa na̱jnu̱ma̱ʼa̱n iyaʼ náa rígá e̱ʼi̱n*

ga̱jma̱a̱ ku̱ba̱ʼ náa nda̱a̱ iyaʼ, marigá iduu iyaʼ.

 8 Ga̱jma̱a̱ ikhí marigá mbá kamba̱a̱,

mbá kamba̱a̱ rí mbiʼyuu Kamba̱a̱ mikaʼwu.

Kamba̱a̱ rúʼko̱ nixtagijxi̱i̱ mu maʼga bi̱ na̱jkha̱ kamba̱a̱,

nimbáa xa̱bu̱ skágunʼ xáʼga ikhí.

 9 Nimbáa león xáxtáa ikhí,

ni má xúxuʼmamijná xujkhú xkawi̱i̱nʼ.

Nditháan xájuiʼñún ikhí,

i̱ndó bi̱ niʼtsiwiin Dios magún ikhí.

Maʼdxúún ga̱jma̱a̱ makuwá gagi,

dí najmún ga̱jma̱a̱ dí nutsiná mambáa.

Tsáá nitatsaʼwájmaa

ga̱jma̱a̱ nitayáá mbayííʼ rijma̱a̱ rá.

‹Gúʼdoo mbaʼa carro dí naxmínaʼ ga̱jma̱a̱

matsimuʼ náa inuu kúbá,

náa itháan mitsínguánʼ náa Líbano.

25 Mandii puzu ga̱jma̱a̱ ma̱ga̱nʼ iyaʼ,

margujndooʼ iyaʼ* dí rígá náa Egipto ga̱jma̱a̱ rajkúʼ›.

27 Xa̱bu̱ bi̱ kúwá ikhí xájmiin gúmbáyúmíjná,

mamiñún ga̱jma̱a̱ mati̱ñu̱u̱nʼ.

Maguma gámbíin xóo iná maxaʼ dí rígá náa xanáá ga̱jma̱a̱ xóo ra̱jxa̱ maxaʼ,

xóo ra̱jxa̱ dí rígá náa tsu̱du̱u̱ guʼwá dí nargujndoo giñánʼ dí na̱ʼkha̱ xígií náa nagájnuu a̱jkha̱ʼ.*

28 Mú ikhúún nda̱yo̱o̱ índo̱ naraʼwún, índo̱ nagájnaaʼ ga̱jma̱a̱ índo̱ nata̱ʼa̱a̱ʼ,

ma̱ngaa índo̱ nakásnga̱ña̱a̱ʼ xtayoʼ,

29 numuu dí nakásnga̱ña̱a̱ʼ xtayoʼ ga̱jma̱a̱ dí nitatsaʼwájmún ni̱jkha̱nú náa cháʼwunʼ.

Ikha jngóo magídáʼ ajua̱nʼ náa rakháaʼ ga̱jma̱a̱ freno náa rawaanʼ,

ma̱ni̱ dí matanga̱án náa má ni̱dxa̱ʼ”.

“Xáto̱ʼo̱o̱ náa xuajin rígi̱,

xáda̱ʼ nimbá flecha ikhí,

ni má xájmuu escudo mu maxmína̱ʼ ga̱jma̱a̱,

ni má xárngujxi̱ ku̱ba̱ʼ mu mato̱ʼo̱o̱”›.

34 ‹Matanga̱a̱ má náa ni̱ʼkha̱,

xáto̱ʼo̱o̱ náa xuajin rígi̱›, eʼthí Jeobá.

35 ‹Ma̱mbáyúu xuajin rígi̱, ma̱ni̱ kríya̱a̱ʼ ga̱jma̱a̱ numuʼ

ma̱ngaa ga̱jma̱a̱ numuu xa̱bi̱ʼ David›”.

10 Ni̱tha̱: “Asndu xóó tséʼkiu̱u̱n

gáʼgáaʼ náa Iñá wajinʼ.*

Natagíʼdi̱i̱ asndu miʼcha̱ ga̱jma̱a̱ naguámbáa asndu wakhííʼ,

nadxuʼ ratani̱ gámbu̱u̱n má xúʼko̱.

Xóo mbáa león, ikhaa najkúmigaʼ xúgíʼ itsuʼ,

natagíʼdi̱i̱ asndu miʼcha̱ ga̱jma̱a̱ naguámbáaʼ asndu wakhííʼ,

nadxuʼ ratani̱ gámbu̱u̱n má xúʼko̱.

14 Nandxa̱ʼwa̱ xóo endxa̱ʼwá mbáa ñu̱ʼu̱ vencejo o tordo,*

xóo eguwa̱nʼ mbáa paloma,

iduʼ nagaaʼ dí nayejxi̱ wéñuuʼ náa rí itháán mitsídánʼ:

Ma̱ni̱ guabaminaʼ náa xúgíʼ mbiʼi rí gáxtáá

ga̱jma̱a̱ numuu dí ra̱ʼkhá tháán nimínuuʼ.

16 ‹Jeobá, núma̱aʼ má ga̱jma̱a̱ numuu rígi̱,*

xa̱bu̱ nandoo naxtáa, ga̱jma̱a̱ numuu rúʼko̱ xtáá ndaya.

17 Ikhaa rí maxtáá tsímáá nimínuuʼ wéñuuʼ,

mú ga̱jma̱a̱ numuu rí nandaaʼ xtayoʼ,

nitani̱ kríñu̱u̱nʼ náa iñáʼ rí mambúun,

nitadaʼ tsu̱díí* xúgíʼ aʼkhá rí ni̱ni̱.

18 Numuu rí Iñá wajinʼ* xándoo maxnáaʼ gamajkhu,

rí nakháñún xa̱bu̱ xándoo maʼni mba̱a̱n.

20 Jeobá, atani̱ kríñu̱u̱nʼ, mu̱ni̱xu ajmúú ga̱jma̱a̱ ajua̱nʼ dí gíʼdoo cuérdóo,

náa goʼwóo Jeobá náa xúgíʼ mbiʼi rí gákuwáanʼxu›”.

 2 “Gutha̱a̱n Jerusalén mbá dí maʼga̱nú náa a̱jkiu̱u̱n,

ga̱jma̱a̱ guta̱a̱nla dí ñajunʼ ndrígóo niguámbá,

ma̱ngaa dí nikiéʼkúun niguma numa̱a̱ má.

 4 Gagumambáníi mbá xúgíʼ mata,*

kúbá ga̱jma̱a̱ bíjní magajta̱a̱.

Mbaʼyóoʼ dí magumambáníi ku̱ba̱ʼ dí gíʼdoo ndi̱jtsu̱u̱,

maʼni̱i̱ xkua̱ náa mbaaʼ náa dí na̱nguá mbánii.

 5 Makujmaa tsiaki̱i̱ ndrígóo Jeobá,

mbá xúgíinʼ gúyáá,

numuu dí Jeobá má niʼthí”.

Imba̱a̱ nariʼña̱a̱: “Xúgíinʼ xa̱bu̱ numbaaʼ* nindxu̱ún xóo iná maxaʼ,

ga̱jma̱a̱ dí nandún kuyamijná* nindxu̱u̱ xóo ri̱ʼi̱ dí rígá xanáá.

 7 Iná maxaʼ nujndooʼ,

ri̱ʼi̱ nujnduxtá,

numuu dí jxu̱u̱ʼ Jeobá nandijmuu ikhí.

 8 Iná maxaʼ nujndooʼ,

ri̱ʼi̱ nujnduxtá,

mú ajngóo Dios ndrígulú mbajyúuʼ asndu kámuu”.

 9 Atatsimaaʼ náa mbá kúbá mitsídánʼ,

a̱ʼgu̱ bi̱ na̱ʼkha̱ kayóo ajngáa dí májánʼ náa Sion.

Gakhi̱i̱ gárata,

a̱ʼgu̱ bi̱ na̱ʼkha̱ kayóo ajngáa dí májánʼ náa Jerusalén,

gakhi̱i̱ gárata, xámíñáaʼ.

10 ¡Atayáá! Tátá Jeobá bi̱ itháán mba̱a̱, ma̱ʼkha̱ ga̱jma̱a̱ tsiaki̱i̱ ndrígóo,

maʼtáñajunʼ ga̱jma̱a̱ ñawúunʼ.

¡Atayáá! Ikhaa kayá dí maxnúu mada̱a̱ʼ mámbáa,

ga̱jma̱a̱ xtáa má xawii mu maʼni numi̱ín.

Magímbíin ejín múgiúu ga̱jma̱a̱ ñawúunʼ,

ga̱jma̱a̱ maguriʼiin* gáʼga.

Tsáá nigiéwan kúbá náa mbá balanza

ga̱jma̱a̱ bíjní náa mbá báscula rá.

15 ¡Atayáá! Ikhaa ndaʼñún xa̱bu̱ xuajin xóo mbá gota iyaʼ náa cubeta,

ndaʼñún rí nindxu̱ún xóo yujndaʼ dí kagu̱u̱ náa mbá balanza.

16 Xáʼngo̱o̱ ixi̱ dí rígá náa Líbano mu mi̱kha má xúʼko̱ ga̱jma̱a̱ aguʼ,

ga̱jma̱a̱ xujkhú xáná bi̱ kúwá ikhí,

xáʼngo̱o̱ mu mixnájxi̱i̱n náa mbá tsigijñaʼ dí nakarámáʼ.

17 Náa inuu ikhaa, mbá xúgíʼ xuajin mba̱ʼu̱ dí rígá nindxu̱u̱ xóo mbá dí nda̱a̱,

ikhaa ndaʼyoo rí nda̱a̱ dí nindxu̱ún, xó mbá dí na̱nguá rígá.

19 Bi̱ najmañuu nañejunʼ, naʼnii mbáa xándú ajua̱nʼ,*

bi̱ nañejuunʼ ajua̱nʼ naxtájmuu oro

ga̱jma̱a̱ naʼni cadena dí plata.

20 Atraʼwíí mbá ixi̱ mu majuixnájxi̱ xóo tsigijñaʼ,

mbá ixi̱ dí xíga.

Atayáaʼ mbáa bi̱ najmañuu nañajunʼ májánʼ,

mu maʼnii mbáa xándú ga̱jma̱a̱ ixi̱ dí xángájxi̱i̱.

22 Xtáa mbáa náa tsu̱du̱u̱ ku̱ba̱ʼ nújndú,

xóo tsíʼbu* kaʼniún xa̱bu̱ bi̱ kúwá ikhí.

Ikhaa naxtriga mekhu xóo mbá xtíin mbawiʼ

ga̱jma̱a̱ naxtriga xóo mbá guʼwá xtíin náa makuwá xa̱bu̱.

23 Narígúu ñajunʼ ndrígu̱ún xa̱bu̱ bi̱ guáʼdáá numún

ga̱jma̱a̱ naʼni dí bi̱ nunimbaníí xkujndu* mani̱ndxu̱ún xóo mbá dí na̱nguá rígá.

24 Nindxu̱ún xóo mbá planta dí ndiʼkúú nijuiʼdu,

índo̱ naguámbá rajuiʼdu,

naxkuaʼán ajmu̱u̱ náa ku̱ba̱ʼ,

mú índo̱ nandijmuu giñánʼ nujndooʼ,

ga̱jma̱a̱ giñánʼ na̱jkha̱ kayóo xóo ejkha̱ kayóo mbá náskha.

Ikhaa bi̱ naʼni dí magajnún xóo soldado,

naguxnii mámbíin dí ikhiin, mámbáa naʼthúu̱n ga̱jma̱a̱ mbiʼyuu.

Ra̱ʼkhá tháán mba̱a̱ tsiaki̱i̱ ndrígóo ga̱jma̱a̱ ra̱ʼkhá tháán mitsaanʼ,*

mámbáa gíʼ náa kaʼyoo.

‹Ngu̱ʼwa̱ rígá kambo̱ʼ eʼyoo Jeobá,

Dios tséʼniuʼ dí májánʼ› rá.

Jeobá, bi̱ Niʼni mbá xúgíʼ dí rígá asndu náa naguámbári̱go̱o̱ ku̱ba̱ʼ,

nindxu̱u̱ mbáa Dios bi̱ xtáa asndu kámuu.

29 Ikhaa naxnúu tsiaki̱i̱ bi̱ néʼngo̱o̱

ga̱jma̱a̱ naxnúu tsiaki̱i̱ bi̱ nakáguabaaʼ.

30 Asndu jiámá naʼni néʼngu̱u̱n ga̱jma̱a̱ nagiinʼ,

mangiin najngrádiin ga̱jma̱a̱ najngutigi̱i̱n,

31 mú bi̱ nuguáʼthi̱i̱n náa Jeobá muda̱a̱ tsiaki̱i̱.

Magáñún, mú xágiinʼ,

majngruigu̱u̱n, mú xáʼni néʼngu̱u̱n”.

41 “Xa̱bu̱ bi̱ kúwá náa islas,* wíí gúnila ga̱jma̱a̱ gudxawunʼ,

xuajin mba̱ʼu̱ guda̱a̱ tsiaki̱i̱.

nindxaʼóo asndu náa xtáa mu ma̱ʼkha̱ maʼni marigá dí májánʼ,

mu mixnájxi̱ xuajin mba̱ʼu̱ náa ñawúunʼ

ga̱jma̱a̱ maʼngo̱o̱ maʼni gajmíi̱n reyes.

Tsáá eʼni dí maʼni̱i̱ i̱ndó idiúnʼ ga̱jma̱a̱ espádóo,

ma̱ngaa naxídiríʼiin ga̱jma̱a̱ xkamídooʼ xóo náska dí na̱jkha̱ kayóo giñánʼ rá.

 3 Ikhaa na̱jkha̱ raxkhúún, na̱jkha̱ raxkhúún má xúʼko̱,

ndawa̱a̱ tsáa mawi̱ji̱ jthu̱u̱n, na̱jkha̱ náa kamba̱a̱ rí xóó tséjkha̱.

 4 Tsáá niʼni rígi̱,

dí nandxaʼwún xa̱bu̱ bi̱ naguwáʼ ragúunʼ rakúwá asndu nákha ginii rá.

Ikhúún, Jeobá, nindxu̱ʼ bi̱ Ginii

ga̱jma̱a̱ náa bi̱ iwáá kayuuʼ ikháá má nindxu̱ʼ”.

 6 Mámbáa nambáyúu ndxájuu

ga̱jma̱a̱ naʼthúu̱n: “Gakhi̱i̱ a̱jkia̱a̱nʼ gátani̱”.

 7 Xúʼko̱ eʼni bi̱ najmañuu nañajunʼ májánʼ, naxnúu tsiaki̱i̱ bi̱ nañejuunʼ ajua̱nʼ,

bi̱ naru̱jtsi̱ ajua̱nʼ ga̱jma̱a̱ martillo

naxnúu tsiaki̱i̱ bi̱ naguwíi ajua̱nʼ.

 8 “Mú ikháán Israel, nindxa̱a̱ʼ xa̱bi̱ʼ,

ikháán Jacob, bi̱ niraʼwi̱i̱,

bi̱ na̱ʼkha̱ náa Abrahán bi̱ nambájxu̱ʼ ga̱jmu̱ʼ,

 9 ikháán bi̱ ni̱ʼkhá ka̱ña̱a̱n asndu náa naguámbári̱go̱o̱ ku̱ba̱ʼ,

ga̱jma̱a̱ ikháán bi̱ nindxa̱ʼwa̱a̱ʼ asndu náa itháan mitsínguánʼ.

Ni̱tha̱a̱nʼ: ‹Ikháán nindxa̱a̱ʼ xa̱bi̱ʼ,

niraʼwi̱i̱n ga̱jma̱a̱ nditháan tániʼñáaʼ.

13 Numuu dí ikhúún nindxu̱ʼ Jeobá Dios ndrígáaʼ, kuajtúun ñawún májáanʼ,

ikhúún nindxu̱ʼ bi̱ naʼtháanʼ: ‹Xámíñáaʼ. Ikhúún mambáyaaʼ›.

14 Xámíñáaʼ, Jacob ñu̱u̱ chíʼgíiʼ,*

xuajñunʼ Israel, ikhúún mambáyaaʼ”, eʼthí Jeobá, bi̱ Niʼtsiríña̱a̱nʼ, bi̱ Kaʼwii náa Israel.

15 “¡Atayáá! Ni̱ni̱ dí ikháán mani̱ndxa̱a̱ʼ xóo mbá xajpa dí najui̱ʼnu̱ ga̱jma̱a̱ tsígáʼ,

mbá xajpa nuxi̱ʼ dí gíʼdoo iñuuʼ dí xíníʼ.

Mataxujmbiríga̱ kúbá ga̱jma̱a̱ matani̱ gámbáa,

matani̱ dí bíjní maʼni̱i̱ i̱ndó idiuuʼ.

16 Mataxi̱díí ga̱jma̱a̱ giñánʼ maʼga kagu̱u̱,

mbá giñámbiʼ maʼni dí magadiráʼa.

Ikháán maʼdxaaʼ ga̱jma̱a̱ numuu Jeobá,

asndu gagi gárata ga̱jma̱a̱ numuu bi̱ Kaʼwii náa Israel”.

18 Ma̱ni̱ dí mandijuíi iyaʼ náa bíjní tsaʼtsaʼ

ga̱jma̱a̱ ma̱ni̱ dí marigá iduu iyaʼ náa xkua̱.

Ma̱ni̱ dí ku̱ba̱ʼ mijxooʼ* maʼga̱nú mani̱ndxu̱u̱ xóo mbaaʼ náa na̱jnu̱ma̱ʼa̱n iyaʼ náa rígá e̱ʼi̱n,*

ku̱ba̱ʼ náa nda̱a̱ iyaʼ ma̱ni̱ dí marigá iduu iyaʼ.

19 Náa ku̱ba̱ʼ mijxooʼ ma̱du ixi̱ cedros,

acacias, mirtos ga̱jma̱a̱ xti̱ʼkha̱.

Náa xkua̱ mijxooʼ ma̱du ixi̱ enebros,

ga̱jma̱a̱ fresnos ma̱ngaa cipreses,

20 mu xúgíinʼ xa̱bu̱ mbuyáá,

mugíʼ edxu̱ún ga̱jma̱a̱ makru̱ʼu̱u̱n

dí ñawúunʼ Jeobá niʼni rígi̱

ga̱jma̱a̱ dí bi̱ Kaʼwii náa Israel niʼniwíi”.

Gu̱thu̱xu dí nirígá nákha ginii,

mu xúʼko̱ mundxaʼwamíjna̱xu ga̱jma̱a̱ mbu̱ya̱a̱xu xóo gámbá.

23 Gu̱thu̱xu ndiéjunʼ gárígá nda̱wa̱á,

mu xúʼko̱ mbu̱ya̱a̱xu dí ikháanʼ nindxa̱la dioses.

Xúʼko̱, gu̱ni̱la mbá rí májánʼ o mbá dí ra̱májánʼ,

mu xúʼko̱ índo̱ gúya̱a̱xu maʼñuxu tsiánguá.

24 ¡Gu̱ya̱a̱la! Ikháanʼ nindxa̱la mbá dí nda̱a̱

ga̱jma̱a̱ dí naʼngala nu̱ni̱ nda̱a̱ dí ejmaa.

25 Ni̱ni̱ dí ma̱ʼkha̱ mbáa asndu xígií náa norte,

mbáa bi̱ na̱ʼkha̱ náa nagájnuu a̱jkha̱ʼ bi̱ maʼthí mbiʼyuʼ.

Ikhaa makujmbirigi̱i̱n xa̱bu̱ ñajunʼ* xóo ku̱ba̱ʼ,

xóo eʼni mbáa bi̱ naʼni daan bi̱ nakujmbi̱i̱ ku̱ba̱ʼ xtiʼtiʼ.

27 Ikhúún ninindxu̱ʼ ginún bi̱ ni̱thu̱u̱n Sion “¡Atayáá! ¡Gi̱i̱ kúwá!”,

ga̱jma̱a̱ makuʼmáa mbáa bi̱ maʼga kayóo ajngáa dí májánʼ náa Jerusalén.

28 Niyejxi̱ má xúʼko̱, mú ndawa̱a̱ nimbáa,

ndawa̱a̱ nimbáa náa majñu̱únʼ ikhiin bi̱ ma̱ndoo maxná mbá consejo.

Ni̱ni̱ dí marigá tsiaki̱i̱ ndrígóʼ náa ikhaa,

ga̱jma̱a̱ ikhaa ma̱ʼkha̱ kayóo rí májánʼ náa xa̱bu̱ xuajin.

 2 Xándxaʼwá ni má xákujxi̱ aʼwóo,

xáwáán aʼwóo náa kamba̱a̱.

 3 Xáxpigawóo e̱ʼi̱n* rí na̱jkha̱ rajmigaʼ

ni má xándijyúuʼ ndélá rí na̱jkha̱ rajuíyuuʼ.

 5 Rígi̱ dí naʼthí Jeobá, Dios bi̱ gajkhun,

bi̱ Niʼni mekhu, Dios bi̱ ra̱ʼkhá tháán mba̱a̱ bi̱ niʼni xúgíʼ dí rígá ikhí,

bi̱ niʼni ku̱ba̱ʼ ga̱jma̱a̱ dí najma̱a̱ ikhí,

bi̱ naʼni dí mbu̱ya̱ jxu̱ún xa̱bu̱ bi̱ kúwá ikhí

ga̱jma̱a̱ bi̱ naxnún xi̱ʼ* mu makuwá bi̱ jngruigu̱u̱n ikhí:

 6 “Ikhúún Jeobá, nindxa̱ʼwa̱a̱ʼ mu matani̱ dí májánʼ,

niguajtúun ñawáanʼ.

Mañewa̱a̱n ga̱jma̱a̱ mani̱ndxa̱a̱ʼ xóo mbá dí nambánuʼ gajmíʼ xa̱bu̱ xuajin

ga̱jma̱a̱ mani̱ndxa̱a̱ʼ xóo mbá aguʼ náa xa̱bu̱ xuajin,

 7 mu matambáʼta̱a̱ idún bi̱ tsékruigu̱u̱n,

matríya̱a̱ʼ bi̱ kraʼaa náa guʼwá e̱jua̱nʼ bi̱ juádáʼ rajkhúu náa ixi̱

ga̱jma̱a̱ matrawíín bi̱ gajchún náa guʼwá e̱jua̱nʼ bi̱ tri̱gi̱i̱n náa mikína.

 8 Ikhúún nindxu̱ʼ Jeobá. Xúʼko̱ kaʼnii mbiʼyuʼ,

xániʼñúuʼ dí mbuyamajkuíí imba̱a̱ dí gíʼmaa mbiʼyamajkhuʼ ikhúún

ni má xániʼñúuʼ dí gamajkhu dí nagruígú mudrigú xándú bi̱ nigumawíin.

 9 Gu̱ya̱a̱, dí ginii nirígá má,

dí xúgi̱ na̱tala dí nuxi̱ʼ.

10 Gu̱ni̱ mbá ajmúú nuxi̱ʼ náa Jeobá,

gu̱ni̱ mba̱a̱ asndu náa naguámbári̱go̱o̱ ku̱ba̱ʼ,

ikháanʼla bi̱ na̱jkua̱ náa lamáa* ga̱jma̱a̱ mbá xúgíʼ dí rígá ikhí,

ikháanʼla islas ga̱jma̱a̱ mbá xúgíinʼ bi̱ kúwá ikhí.

11 Guxujxi̱ aʼwún mbá xúgíinʼ bi̱ kúwá náa ku̱ba̱ʼ mijxooʼ* ga̱jma̱a̱ xuajin dí rígá ikhí,

mangiin bi̱ kúwá náa Quedar.

Asndu nadxún gúndxa̱ʼwa̱ bi̱ kúwá náa tsíñu,

mundxa̱ʼwa̱ asndu náa inuu kúbá.

12 Guxnáá gamajkhu Jeobá

ga̱jma̱a̱ ga̱wáán xóo eni̱ mba̱a̱ náa islas.

Mandxa̱ʼwá, xúʼko̱, mandxa̱ʼwá dí na̱jkha̱ gáxmína̱ʼ,

masngájma dí ikhaa gíʼdoo itháan tsiaki̱i̱ ki xóo xa̱bu̱ sia̱nʼ ndrígio̱o̱.

Mú dí xúgi̱, naguwa̱nʼ, tséʼngo̱ʼ gáya xi̱ʼ ga̱jma̱a̱ nandxa̱ʼwa̱,

xóo eʼni mbáa a̱ʼgu̱ bi̱ nagiʼdaa a̱ʼdióo.

15 Ma̱ni̱ gámbáa kúbá ga̱jma̱a̱ bíjní,

margujndooʼ mbá xúgíʼ iná maxaʼ.

Ma̱ni̱ dí mañu maʼni̱i̱ islas*

ga̱jma̱a̱ margujndooʼ mbaaʼ náa na̱jnu̱ma̱ʼa̱n iyaʼ náa rígá e̱ʼi̱n.

16 Ma̱xna̱ ikhúún bi̱ tsékruigu̱u̱n mu magún náa kamba̱a̱ dí tséniʼnuuʼ

ga̱jma̱a̱ ma̱ni̱ dí mujngriga̱ náa kamba̱a̱ dí tséniʼnuuʼ.

Ma̱ni̱ dí kína náa nagún mambiʼi

ga̱jma̱a̱ ma̱ni̱i̱ xkua̱ náa mbaaʼ dí na̱nguá mbáníí.

17 Bi̱ nakumu̱ún kuñún xándú bi̱ nigumawíin

mutsudiin rí magúun ga̱jma̱a̱ maguma majti̱i̱nʼ,

bi̱ nuthúún xtiʼkhuu rí niguma ga̱jma̱a̱ ajua̱nʼ* “Ikháanʼ nindxa̱la dioses ndrígúxu̱”.

18 Gudxa̱wíín, ikháanʼla bi̱ tsédxawíín,

guye̱jxi̱ ga̱jma̱a̱ gu̱ya̱a̱, ikháanʼ bi̱ tsíkrui̱gala.

21 Ga̱jma̱a̱ numuu dí naʼni rí májánʼ,

Jeobá ndiʼyoo dí májánʼ maʼni dí xtángoo magiʼdoo numuu ga̱jma̱a̱ mani̱ndxu̱u̱ mitsaanʼ.*

22 Mú náa xuajin rígi̱, nirawíi xúgíʼ dí gíʼdoo ga̱jma̱a̱ nini̱ kuʼwááʼ,

xúgíinʼ ikhiin nijthiin náa iñáʼ ga̱jma̱a̱ gajchún náa guʼwá e̱jua̱nʼ.

Nigún kudúún xúgíʼ rí guáʼdáá dí asndu táxtáa nimbáa bi̱ mambáñún,

ga̱jma̱a̱ nigún kudiin rí asndu nimbáa táʼthí “¡Gaguwa̱a̱ʼ kudiin!”.

24 Tsáá nixnájxi̱i̱ Jacob xóo dí niguanáa

ga̱jma̱a̱ Israel náa ñawúúnʼ kuʼwáʼ rá.

Ikhiin nini̱ gaʼduunʼ dí majngruigu̱u̱n náa kambo̱o̱

ga̱jma̱a̱ táʼndún gúnimbu̱u̱n xtángoo ndrígóo.

25 Ikha jngóo nixídirámuuʼ má xúʼko̱ dí nakásngañu̱u̱ʼ náa ikhiin,

nikiʼnáa kaʼñún ga̱jma̱a̱ niʼni dí mumíniiʼ náa guerra,

nitsikhá mbájndi náa ikhiin, mú túnimbu̱u̱n kuyáá.

43 Rígi̱ dí naʼthí Jeobá,

bi̱ Niʼníí Jacob, bi̱ niʼniriña̱a̱nʼ Israel:

 2 Índo̱ gánújngaaʼ náa iyaʼ, maxtáá ga̱jma̱á nindxa̱a̱ʼ,

ga̱jma̱a̱ índo̱ gákidáán náa mañu xágu̱ʼwi̱i̱n.

Índo̱ gánújngaaʼ náa aguʼ xíkháán

ga̱jma̱a̱ riʼyu̱u̱ aguʼ xátsikháán.

 3 Numuu rí ikhúún nindxu̱ʼ Jeobá Dios ndrígáaʼ

bi̱ Kaʼwii náa Israel, bi̱ Naʼni kríña̱a̱nʼ.

Nixnajxíi Egipto mu ma̱ni̱ kríña̱a̱nʼ

ga̱jma̱a̱ nixnajxíi Etiopía ma̱ngaa Sebá ga̱jma̱a̱ numaaʼ.

 4 Numuu dí ni̱dxu̱ʼnú niraʼdáá numaaʼ,

nitri̱gú gamajkhu ga̱jma̱a̱ ikhúún nandoʼ ka̱ya̱a̱ʼ.

Ikha jngóo maxnajxíin xa̱bu̱ ga̱jma̱a̱ numaaʼ,

ma̱ngaa xa̱bu̱ xuajin ga̱jma̱a̱ numuu vida ndrígáaʼ.

Ma̱ʼkhá kagui̱i̱n bi̱ naguwáʼ náa ikháán asndu náa nagájnuu a̱jkha̱ʼ*

ga̱jma̱a̱ maʼgá gáñáan ikháán asndu náa narámaaʼ a̱jkha̱ʼ.*

 6 Mathu̱u̱n norte: ‹¡Araxnájxi̱ín!›,

ga̱jma̱a̱ mathu̱u̱n sur: ‹Xáguanáaʼ gajmiáanʼ.

Aya̱a̱ʼ xtiin jiámiʼ asndu náa mitsínguánʼ

ga̱jma̱a̱ aya̱a̱ʼ xtiin wa̱ʼxi̱nʼ asndu náa naguámbári̱go̱o̱ ku̱ba̱ʼ,

 7 Mbá xúgíinʼ bi̱ nagún kuñu̱u̱n mbiʼyuʼ

bi̱ ni̱ni̱i̱ mu maxnúʼ gamajkhu,

bi̱ ikhúún ni̱ni̱riya̱a̱ʼ›.

 8 Atani̱ rí magajnúu mbá xuajin, maski ajndu gíʼdoo iduu, mú tsíkruigo̱o̱

ga̱jma̱a̱ maski ajndu gíʼdoo cháʼwuun mú tséʼdxuun.

 9 Mbóó náa gágimbíin bi̱ kúwá náa xuajin mba̱ʼu̱

ga̱jma̱a̱ gagimbíin bi̱ kúwá náa xuajin majkhaʼ.

Gaguwáʼ gajmiún testigo mu musngajma rí gajkhun dí nuthi,

mu eʼwíinʼ mudxawíín ga̱jma̱a̱ muthi: ‹¡Gajkhun má xúʼko̱!›”.

10 “Ikháanʼ nindxa̱la testigos ndrígóʼ, eʼthí Jeobá,

xúʼko̱, xa̱bi̱ʼ bi̱ ikhúún niraʼwi̱i̱

mu xúʼko̱ ikháanʼ mu̱ni̱ nuwúnʼla, maguaʼdáá fe náa ikhúún*

ga̱jma̱a̱ makruaʼala dí ikhúún tsériʼkumina̱a̱ʼ,

nimbáa Dios tágumaa nákha xóó ikhúún ndawu̱u̱n

ga̱jma̱a̱ nda̱wa̱á rí ikhúún nixtáá na̱nguá nigumaa imba̱a̱.

11 Ikhúún, ikhúún nindxu̱ʼ Jeobá,

ndawa̱a̱ i̱mba̱a̱ bi̱ maʼni káwáanʼla”.

12 “Ikhúún nindxu̱ʼ bi̱ ni̱tha̱, bi̱ niʼni káwáanʼla ga̱jma̱a̱ bi̱ niʼni rí muniʼnúunʼ,

índo̱ náa ikháanʼla xóó ndawa̱a̱ nimbáa dios bi̱ ragájkhun.

13 Ma̱ngaa ikhúún tsériʼkuminaʼ

ga̱jma̱a̱ nimbáa xáʼngo̱o̱ gárígú kayuʼ dí ka̱ya̱ náa ñawúnʼ,

índo̱ ikhúún rígá mbá dí na̱ni̱, tsáá gáʼngo̱o̱ gárikhóʼ rá.”

“Ga̱jma̱a̱ numala ikháanʼ makuʼmaa mbáa náa Babilonia,

ma̱ngaa masngujuíi xúgíʼ xkrugua ga̱jma̱a̱ caldeos mundxa̱ʼwa̱ ngínún náa barco ndrígu̱ún.

15 Ikhúún nindxu̱ʼ Jeobá, bi̱ Kaʼwii náa ikháanʼla,

bi̱ Niʼnii Israel, Rey ndrígóo”.

16 Rígi̱ dí naʼthí Jeobá,

bi̱ narmbáʼtóo mbá kamba̱a̱ náa majñu̱u̱ʼ lamáa*

ga̱jma̱a̱ mbá kamba̱a̱ náa iyaʼ rí naʼbajxu̱u̱,

17 bi̱ nasngujuíi carro dí nuxmijná ga̱jma̱a̱, mangiin wáyú

ga̱jma̱a̱ mbaʼin soldado gajmiún soldado xkujiinʼ:

18 “Ni xármáʼáan a̱jkia̱la dí nirígá nákhá ginii

ni má xúndxa̱ʼwa̱mijna̱ dí nijngoo má.

19 ¡Gu̱ya̱a̱la! Ma̱ni̱ mbá rí nuxi̱ʼ,

ga̱jma̱a̱ nagi̱ʼdu̱u̱ má.

Marmbáʼtoo mbá kamba̱a̱ náa ku̱ba̱ʼ mijxooʼ*

ga̱jma̱a̱ mañu náa ku̱ba̱ʼ rí nda̱a̱ iyaʼ.

20 Muxnuʼ gamajkhu xujkhú xáná,

chacal* ga̱jma̱a̱ avestruz,

numuu dí ikhúún ni̱ni̱ marigá iyaʼ náa ku̱ba̱ʼ mijxooʼ,

ga̱jma̱a̱ mañu náa ku̱ba̱ʼ rí nda̱a̱ iyaʼ,

mu xúʼko̱ maga̱a̱n xuajñunʼ, bi̱ ikhúún niraʼwi̱i̱,

21 xuajin dí ikhúún ni̱ni̱

mu maxnúʼ gamajkhu.

22 Mú ikháán Jacob, na̱nguá niratákáñuʼ,

ga̱jma̱a̱ ikháán Israel niskaaʼ ni̱ni̱.

23 Na̱nguá nidxa̱ʼ xtiin mugu̱ mu maraxnaxíin náa tsigijñaʼ ndrígáaʼ dí nakarámáʼ,

ni má na̱nguá niraxnúʼ gamajkhu ga̱jma̱a̱ tsigijñaʼ ndrígáaʼ.

Na̱nguá ni̱tsudáán maraxnu̱ʼ mbá regalo,

ni má na̱nguá ni̱ni̱ ka̱ñáanʼ dí maraxnu̱ʼ olíbano.

24 Na̱nguá niratsi diin rí ndataun ga̱jma̱a̱ mbújkha̱a̱,

na̱nguá nigiʼmuʼ xtangoo tsigijñaʼ ndrígáaʼ.

Dí phú nitani̱, niraxnúʼ ma̱gu̱ aʼkháanʼ

ga̱jma̱a̱ naʼni néʼngo̱ʼ dí nakiéʼkháanʼ.

25 Ikhúún, ikhúún nindxu̱ʼ bi̱ naʼni jngudi̱i̱ náa dí raʼkhí natani̱ ga̱jma̱a̱ numuʼ,

xármáʼáan a̱jkiu̱nʼ gáʼni aʼkháanʼ.

26 Gu̱ʼgua̱ náa mambanúu numulú. Atani̱ marmáʼáan a̱jkiu̱nʼ,

aratá dí nirígá ga̱jma̱a̱ atasngájma dí naratá nindxu̱u̱ gajkhun.

27 Timbáa wajin xiʼñáaʼ nikiéʼkhúun,

ga̱jma̱a̱ bi̱ kuya̱ edxu̱u̱* náa ikháán nixujximíjná náa ikhúún.

28 Ikha jngóo mba̱ñu̱u̱n príncipes rí tsagiin náa dí kaʼwu,

ga̱jma̱a̱ maxnajxíi Jacob mu makhañúu,

ma̱ngaa ma̱ni̱ rí mutha wéñííʼ Israel.

44 Dí xúgi̱ rá, atadxawíín, Jacob, xa̱bi̱ʼ,

ga̱jma̱a̱ ikháán Israel, bi̱ niraʼwíi.

 2 Rígi̱ dí naʼthí Jeobá,

bi̱ niʼníín ga̱jma̱a̱ niʼniriña̱a̱nʼ,

bi̱ nimbáyaaʼ asndu nákhá nigumáán:*

‹Xámíñáaʼ, xa̱bi̱ʼ Jacob,

ni má ikháán Jesurún,* bi̱ niraʼwi̱i̱.

 3 Numuu dí maxidíri̱ga̱ iyaʼ náa ku̱ba̱ʼ rí nda̱a̱ iyaʼ,*

ma̱ni̱ dí marigá mañu náa ku̱ba̱ʼ mijxooʼ.

Maxidírámuuʼ tsiaki̱i̱ ndrígóʼ náa bi̱ gáʼkha̱ náa ikháán,

ga̱jma̱a̱ ma̱ni̱ tsajkurámiinʼ bi̱ gáguwáʼ náa ikháán.

 4 Ga̱jma̱a̱ makráʼáan náa majñu̱u̱ʼ iná maxaʼ,

xóo ixi̱ álamo dí nakráʼáan náa rawuunʼ iyaʼ.

I̱mba̱a̱ maxná mbiʼiminaʼ Jacob,

ga̱jma̱a̱ imba̱a̱ maʼnirámáʼ náa ñawúunʼ: “Ikhúún kaʼyoʼ náa Jeobá”.

 6 Rígi̱ dí naʼthí Jeobá,

Rey ndrígóo Israel ga̱jma̱a̱ bi̱ ni̱ʼtsi̱ríya̱a̱ʼ, Jeobá bi̱ naʼtáñajúúnʼ ángeles:

Guthi ndiéjunʼ dí inu marigá

ga̱jma̱a̱ ndiéjunʼ dí gárígá itháan nda̱wa̱á,

xó má ni̱ni̱ ikhúún nákhá ni̱ʼgíʼ xuajin nákhá wájyúuʼ.

 8 Xáguáʼáanʼla,

xárikhala dí gamíi.

 9 Bi̱ nuniwíin xándú, mbá xúgíinʼ ikhiin nda̱a̱ numún,

ga̱jma̱a̱ dí ra̱ʼkhá tháán enigu̱u̱nʼ, nda̱a̱ rí gáyambáá.

Ikhiin* xándoo mani̱ndxu̱ún testigo, numuu rí nda̱a̱ dí eyáá,

ikha jngóo bi̱ nuni̱i̱, maguma majti̱i̱nʼ.

10 Bi̱ naʼnii mbáa dios o mbá xtiʼkhuu dí naguma ga̱jma̱a̱ ajua̱nʼ,*

nda̱a̱ rí gámbáyúu.

Narujtsi̱ ga̱jma̱a̱ martillo mu magajnúu ajua̱nʼ,

narujtsi̱ ga̱jma̱a̱ tsiaki̱i̱ rí gíʼdoo ñawúunʼ.

Nda̱wa̱á naxkidxu̱u̱ ga̱jma̱a̱ naʼni néʼngo̱o̱,

tséʼga̱a̱n iyaʼ ga̱jma̱a̱ nagaaʼ.

Naʼniri̱ya̱a̱ʼ xóo mbáa xa̱biya̱,

xóo mitsiʼyáa xa̱bu̱ numbaaʼ,

mu matsriguii náa mbá guʼwá.*

14 Xtáa mbáa xa̱bu̱ bi̱ narujtu ixi̱ cedros. Ikhaa naraʼwíí mbá ixi̱, ixi̱ roble,

ga̱jma̱a̱ nañewu̱u̱n asndu índo̱ naʼni mba̱a̱

ga̱jma̱a̱ naʼni itháan gújkhúʼ ki xóo i̱ʼwáʼ ixi̱ dí rígá náa xaxi̱.

Mbá xuíʼtóo natsikhá mu matsígámina̱a̱ʼ,

nagíʼ mbá aguʼ ga̱jma̱a̱ nakúmbúʼ pan.

16 Mbá xuíʼtóo ixi̱ nagíʼ ga̱jma̱a̱ aguʼ,

ikháá má xuíʼtóo ixi̱ rúʼko̱ nakumbúʼ ga̱jma̱a̱ xuwiʼ rí mi̱khu̱, ga̱jma̱a̱ nagiʼmuu.

18 Ikhiin nda̱a̱ rí eyáá, ni má tsékru̱ʼu̱u̱n,

numuu rí idún kúgoo ga̱jma̱a̱ tsíyoo gúyejxi̱,

ga̱jma̱a̱ nda̱a̱ dí ekru̱ʼu̱u̱n.*

19 Nimbáa tséndxaʼwáminaʼ,

ragíʼdoo ku̱ma̱, ni má tsékro̱ʼo̱o̱ mu maʼthí:

“Mbá xuíʼtóo ixi̱* ni̱ʼgíʼ ga̱jma̱a̱ aguʼ,

ga̱jma̱a̱ náa chámbiúuʼ nikuʼmbúʼ pan ga̱jma̱a̱ xuwiʼ mu miʼkhu.

21 “Garmáʼáan a̱jkia̱a̱nʼ rígi̱ Jacob, ga̱jma̱a̱ ikháán Israel,

numuu dí xa̱bi̱ʼ nindxa̱a̱ʼ.

22 Ma̱ni̱ rí mandáti̱ga̱a̱ xúgíʼ dí raʼkhí rí nitani̱, xóo dí magugóo ga̱jma̱a̱ du̱u̱n,

ga̱jma̱a̱ aʼkhá ndrígáaʼ xóo dí magugóo ga̱jma̱a̱ du̱u̱n skuniʼ.

23 ¡Mekhu, gundxa̱ʼwa̱ ga̱jma̱a̱ gagi,

numuu dí Jeobá niʼni dí niʼthí!

¡Gundxa̱ʼwa̱ ga̱jma̱a̱ gagi kúbá,

xúʼko̱ má mangáán xaxi̱, ga̱jma̱a̱ xúgíʼ ixi̱ dí rígá náa ikháán!

Numuu dí Jeobá ni̱ʼtsi̱ ríya̱a̱ʼ Jacob

ga̱jma̱a̱ nasngájma dí xóo mitsiʼyáa náa Israel”.

24 Rígi̱ dí naʼthí Jeobá, bi̱ ni̱ʼtsi̱ ríña̱ánʼ,

Bi̱ niʼníín nákhá kaʼníí kua̱ʼa̱a̱n náa awúun ru̱dáaʼ:*

Mbáwún ni̱ni̱ mekhu,

ga̱jma̱a̱ ikhúún ni̱ʼgíʼ ku̱ba̱ʼ.

25 Ikhúún na̱ni̱ rí xágájnuu májánʼ tsinaʼ rí nusngajma bi̱ mbaʼ nuthíí,*

ga̱jma̱a̱ ikhúún na̱ni̱ rí xa̱bu̱ xawan muni̱ xóo eni̱ skágunʼ,

na̱ni̱ jnga̱wi̱i̱n bi̱ najmañún

ga̱jma̱a̱ na̱ni̱ rí ku̱ma̱ ndrígu̱ún mani̱ndxu̱u̱ xóo skágu̱nʼ,

26 ikhúún na̱ni̱ rí ajngóo xa̱bi̱i̱ maʼga̱nú marigá

ga̱jma̱a̱ dí mambanúu xúgíʼ dí nutari̱ya̱ʼ bi̱ nagún kuñu̱u̱n ajngóo,

bi̱ naʼthí dí náa Jerusalén ‹Matanga̱a̱ makuwá xa̱bu̱›,

ga̱jma̱a̱ dí náa xuajin dí rígá náa Judá ‹Maguma̱a̱,

ga̱jma̱a̱ maguma̱a̱ dí niguma gámbáa›,

27 ikhúún nindxu̱ʼ bi̱ naʼthúu̱n iyaʼ dí mi̱jnu̱ʼ ‹Gaʼni i̱yu̱u̱ iyala.

Ma̱ni̱ dí mujndo̱o̱ʼ mbá xúgíʼ mañu ndrígala›,

28 ikhúún nindxu̱ʼ bi̱ naʼthí ga̱jma̱a̱ numuu Ciro ‹Ikhaa nindxu̱u̱ baxtúu ndrígóʼ

ga̱jma̱a̱ kájxi̱ gáʼnimbánúu rí nandoʼ›,

bi̱ naʼthí ga̱jma̱a̱ numuu Jerusalén ‹Maguma̱a̱›,

ga̱jma̱a̱ dí guʼwá náa rí nduyamajkhuʼ ‹Maguajúu̱n rajkhúu›”.

45 Rígi̱ dí ikhúún, bi̱ nindxu̱ʼ Jeobá na̱thu̱u̱n Ciro bi̱ niraʼwi̱i̱,

ikhúún kuajtúun ñawúunʼ

mu xúʼko̱ maʼngo̱o̱ maʼni gajmíi̱n xa̱bu̱ xuajin,

ga̱jma̱a̱ magruigúu tsiaki̱i̱* ndrígu̱ún reyes,

mambáʼtoo xkrugua dí karngujxi̱ mu manújngoo,

ga̱jma̱a̱ xkrugua maguanúu paʼta:

 2 “Ikhúún maʼgá ginún náa inaaʼ

ga̱jma̱a̱ manimbáníi bíjní.

Majkumígu xkrugua dí niguma ga̱jma̱a̱ cobre

ma̱ngaa ixu̱u̱ dí niguma ga̱jma̱a̱ hierro.

 3 Maxna̱a̱ʼ rí gíʼdoo numuu dí rígá náa mikína

ga̱jma̱a̱ rí gíʼdoo numuu dí karkaʼwu náa ngu̱ʼwa̱,

mu xúʼko̱ ma̱ta̱ya̱a̱ dí ikhúún nindxu̱ʼ Jeobá,

Dios ndrígóo Israel, bi̱ naʼtháanʼ ga̱jma̱a̱ mbiʼyaaʼ.

 4 Ga̱jma̱a̱ numuu xa̱bi̱ʼ Jacob ma̱ngaa Israel, bi̱ niraʼwi̱i̱,

natha̱a̱nʼ ga̱jma̱a̱ mbiʼyaaʼ.

Ikhúún maxna̱a̱ʼ tsiaki̱i̱* maski ajndu na̱nguá nitatsiniún,

 6 mu xúʼko̱ xa̱bu̱ mbuyáá

dí asndu náa nagájnuu a̱jkha̱ʼ* ga̱jma̱a̱ náa narámaaʼ a̱jkha̱ʼ*

ndawa̱a̱ imba̱a̱ xóo ikhúún.

 7 Ikhúún na̱ni̱ marigá aguʼ ga̱jma̱a̱ mikína,

na̱ni̱ marigá dí tsímáá ga̱jma̱a̱ gamiéjunʼ,

ikhúún nindxu̱ʼ Jeobá, bi̱ naʼni marigá xúgíʼ rígi̱.

 9 ¡Ngínáa lá bi̱ nagi̱ʼdu̱u̱ ga̱jma̱a̱ bi̱ niʼnii,

numuu dí ikhaa nindxu̱u̱ mbá chíʼgíiʼ* ku̱ba̱ʼ

mbá chíʼgíiʼ ku̱ba̱ʼ dí rígá náa majñuuʼ ku̱ba̱ʼ dí rígá mbayííʼ!

Ni̱ni̱ mekhu ga̱jma̱a̱ ñawúnʼ,

ma̱ngaa natañájuunʼ xúgíʼ dí rígá ikhí”.

Ikhaa maʼni mbá xuajñunʼ,

ga̱jma̱a̱ maʼni káwíin bi̱ ni̱jkha̱ kiʼdiin rí asndu xáʼyóoʼ maʼni numa

ni má xáʼyóoʼ maxná regalo”, eʼthí Jeobá bi̱ naʼtáñajúúnʼ ángeles.

Muthaanʼ ga̱jma̱a̱ gamajkhu: ‹Nakujmaa kaʼwu rí Dios xtáa ga̱jma̱á nindxa̱a̱ʼ,

ndawa̱a̱ imba̱a̱, ndawa̱a̱ imba̱a̱ Dios›”.

15 Nakujmaa kaʼwu dí ikháán nindxa̱a̱ʼ mbáa Dios bi̱ narkaʼwuminaʼ,

Dios ndrígóo Israel, bi̱ naʼni káwíin xa̱bu̱.

16 Xúgíinʼ ikhiin mati̱ñu̱u̱nʼ ga̱jma̱a̱ maguma majti̱i̱nʼ,

mbá xúgíinʼ bi̱ nuni̱i̱ xándú magajnúu majkhún.

18 Numuu dí rígi̱ nindxu̱u̱ dí naʼthí Jeobá,

bi̱ Niʼni mekhu, Dios bi̱ gajkhun,

bi̱ niʼni mújúunʼ ku̱ba̱ʼ ga̱jma̱a̱ nigíʼ jxa̱ʼ,

na̱nguá niʼni mbaʼ ma̱ʼni̱í,* niʼni mu makuwá xa̱bu̱:

19 Na̱nguá ni̱tha̱ náa minguʼwa, ni má náa mbá ku̱ba̱ʼ mikína,

na̱nguá ni̱thu̱u̱n bi̱ naguwáʼ náa Jacob:

Xa̱bu̱ bi̱ jngruigu̱u̱n kudiin xándú bi̱ nigumawíin nda̱a̱ dí eyáá,

ga̱jma̱a̱ bi̱ nutakáñíí mbáa dios bi̱ xáʼngo̱o̱ gáʼni káwíin.

Tsáá niʼtáriyaʼ rígi̱ asndu nákha ginii,

ga̱jma̱a̱ tsáá niʼthí rígi̱ asndu nákha wajyúuʼ rá.

Mbáwún ikhúún nindxu̱ʼ Dios, ndawa̱a̱ imba̱a̱,

mbáa Dios bi̱ naʼni dí májánʼ ga̱jma̱a̱ bi̱ naʼni káwíin xa̱bu̱, ndawa̱a̱ imba̱a̱ xóo ikhúún.

22 Guxu̱ʼmámíjná náa ikhúún ga̱jma̱a̱ maguma káwáanʼ,

xúgiáanʼ ikháanʼla bi̱ kuwáanʼ náa naguámbári̱go̱o̱ ku̱ba̱ʼ,

numuu rí ikhúún nindxu̱ʼ Dios, ndawa̱a̱ imba̱a̱.

23 Mínu̱u̱ʼ má ni̱xna̱ ajngóʼ,

dí ikhúún ni̱tha̱ nindxu̱u̱ gajkhun, mambanúu tsiaki̱i̱:

Xúgíinʼ musmbati̱gu̱u̱n náa inuʼ,

ga̱jma̱a̱ xúgíinʼ muxna ajngún dí muguajún jmbu náa ikhúún.

25 Ga̱jma̱a̱ numuu Jeobá makujmaa dí mbá xúgíinʼ bi̱ naguwáʼ náa Israel nuthi dí gajkhun

ga̱jma̱a̱ numuu ikhaa, asndu nadxún gúthi dí niʼni ga̱jma̱a̱ numún›”.

Xujkhúʼ kudiin xándiu̱ún egún, xujkhúʼ bi̱ nuda eʼda,

nindxu̱ún xóo eʼda rí ki̱wu̱n dí kuda xujkhúʼ bi̱ néʼngu̱u̱n.

 2 Dioses bugi̱ nugiʼnduti̱ga̱ ga̱jma̱a̱ nusmbati̱gu̱u̱n mbóó,

xáʼngu̱u̱n gúni̱ káwíin xándiu̱ún,* numuu rí mangiin na̱jkha̱ kiʼdiin.

 3 “Gudxawunlaʼ ikháanʼ bi̱ kuwáanʼ náa goʼwóo Jacob

ga̱jma̱a̱ mbá xúgiáanʼ bi̱ naguanála xóó náa goʼwóo Israel,

ikhúún nimbáyalaʼ ga̱jma̱a̱ niñewa̱nla asndu nákha nigumáanʼ.

 4 Maski ajndu ikháán mikhi̱i̱n, ikhúún xáriʼkumina̱a̱ʼ,

ga̱jma̱a̱ índo̱ gáʼkha̱ xngiʼxáaʼ, ikhúún magutúwíín má xúʼko̱.

 6 Kúwá xa̱bu̱ bi̱ tséʼniún gakhi̱i̱ murawíi oro dí kajti náa bólsu̱ún,

bi̱ nugie̱wa̱n plata náa mbá balanza.

 7 Nuta̱ma̱a̱ʼ náa xpajpúún nagún ku̱ya̱a̱

ga̱jma̱a̱ nutsijii náa kaʼyoo mawi̱ji̱ ga̱jma̱a̱ ikhí má naguanúu.

 9 Gármáʼáanʼ a̱jkia̱la dí nirígá nákha ginii, asndu nákha wajyúuʼ,

rí mbáwún ikhúún nindxu̱ʼ Dios, ndawa̱a̱ imba̱a̱.

10 Asndu nákha ginii, ikhúún na̱tha̱ dí marigá nda̱wa̱á,

ga̱jma̱a̱ asndu nákha wajyúuʼ nitha̱, dí xóó tséjkha̱nú marigá.

Ikhúún na̱tha̱: ‹Rí nandoʼ* mambanúu,

ga̱jma̱a̱ ma̱ni̱ asndu ndiéjúúnʼ má rí nandoʼ›.

11 Nandxa̱ʼo̱o̱ mbáa xujkhú xnaʼ bi̱ na̱ʼkhu̱ xuwiʼ asndu náa nagájnuu a̱jkha̱ʼ,*

asndu náa xuajin mitsínguánʼ nindxa̱ʼo̱o̱

mbáa xa̱bu̱ mu maʼnimbánuu rí nandoʼ.

13 Ni̱ni̱ dí marigá mijngii dí májánʼ,

na̱nguá rígá mitsínguánʼ, ga̱jma̱a̱ xájyúuʼ má gáni̱ káwíin.

47 Arajtaa ga̱jma̱a̱ araʼwún náa yujndaʼ,

ikháán wáxióo* Babilonia bi̱ xóó tsébóoʼ ga̱jma̱a̱ xa̱bu̱.

Araʼwun mbayííʼ náa nda̱a̱ xílí* rí nutañajunʼ,

ikháán wáxiu̱ún xa̱bu̱ caldeos, numuu dí xa̱bu̱ ni xátangi̱ín muthaanʼ

dí nindxa̱a̱ʼ mitsáʼkhán ga̱jma̱a̱ xángaju̱ún kuyaaʼ.

 4 “Bi̱ naʼtsiríñáanʼlú,

nindxu̱u̱ Jeobá bi̱ naʼtáñajúúnʼ ángeles, xúʼko̱ kaʼnii mbiʼyuu.

 5 Wíí gáraʼwún, ata̱ʼa̱a̱ʼ náa mikína,

ikháán wáxiu̱ún xa̱bu̱ caldeos,

ni xátangi̱ín mutha̱a̱n Reina ndrígu̱ún xa̱bu̱ ñajunʼ.

Niniʼñúuʼ dí xa̱bu̱ xuajñunʼ maguma tsagiin,

nixnajxíin náa ñawáanʼ.

Na̱nguá nitayáá dí rígi̱ gíʼdoo numuu,

na̱nguá nitatsaʼwáminaʼ ndiéjunʼ gágíʼnaaʼ.

 8 Dí xúgi̱ atadxawíín rígi̱, ikháán bi̱ i̱ndó natani̱ rí nanigua̱a̱ʼ,

bi̱ naku̱ma̱a̱ʼ xtayaminaʼ, ga̱jma̱a̱ naratá náa awúu̱n a̱jkia̱a̱nʼ:

Dí najmañaaʼ ga̱jma̱a̱ ku̱ma̱ dí xtaʼdáá niʼni dí magajnuríya̱a̱ʼ,

ga̱jma̱a̱ naratá náa awúu̱n a̱jkia̱a̱nʼ:

11 Mú ma̱ʼkha̱nú gamiéjunʼ náa ikháán,

ga̱jma̱a̱ nimbá xawan dí gátani̱ xáʼngo̱o̱ gárikoo.

12 Ikha jngóo ikháán atani̱ má mbaʼa enii xawan

dí na̱dxa̱ʼ ratani̱ asndu nákha dxáʼgú nindxa̱a̱ʼ,

mbuʼyáá á mu gajkhun mambáyáaʼ,

mbáa manigu̱u̱nʼ xa̱bu̱ índo̱ gúyáá.

Dí xúgi̱ gaguwáʼ ga̱jma̱a̱ guni̱ kríña̱a̱nʼ,

xa̱bu̱ buʼko̱ bi̱ nduyamajkuíí dí rígá mekhuíí,* bi̱ nduyáá xóo tri̱gi̱i̱n a̱ʼgua̱a̱n,

bi̱ nduyáá xóo gíʼ gu̱nʼ rudiiʼ

mu mutariya̱ʼ mbá xúgíʼ dí na̱ʼkha̱ magíʼnaa.

Chámbuʼ rígi̱ xámbáñún mu magigi̱ín

ga̱jma̱a̱ xándoo matri̱gi̱i̱n náa inuu aguʼ rígi̱.

15 Xúʼko̱ kaʼnii gáguánú mani̱ndxu̱ún bi̱ nuni̱ xawan náa ikháán,

bi̱ ra̱ʼkhá tháán nitiejunʼ gajmiáanʼ nákha dxáʼgú nindxa̱a̱ʼ.

48 Gudxawíín rígi̱, bi̱ kuwáanʼ náa goʼwóo Jacob,

ikháanʼla bi̱ nu̱ta̱ rí nindxa̱la xa̱bu̱ xuajin Israel,

ga̱jma̱a̱ ikháanʼla bi̱ naguwaʼ náa Judá,

ikháanʼla bi̱ nuxna ajngála ga̱jma̱a̱ numuu mbiʼyuu Jeobá,

ga̱jma̱a̱ bi̱ nugri̱ga̱a̱ Dios ndrígóo Israel,

maski ajndu tséni̱ ga̱jma̱a̱ xúgíʼ a̱jkia̱la, ma̱ngaa tséni̱ xó má kaʼyoo.

 2 Numuu rí ikhiin nuthi rí kúwíin náa xuajin rí kaʼwu

ga̱jma̱a̱ nduyáʼ rí mambáñún Dios ndrígóo Israel,

bi̱ mbiʼyuu Jeobá bi̱ naʼtáñajúúnʼ ángeles.

 4 Numuu rí nda̱yo̱o̱ dí gújkhúʼ a̱jkia̱a̱nʼ

ga̱jma̱a̱ dí níjthúu rexa̱a̱ʼ nindxu̱u̱ xóo hierro

ga̱jma̱a̱ xkídaaʼ nindxu̱u̱ xóo cobre,

 5 ni̱tha̱a̱nʼ asndu nákha wajyúuʼ.

Nákha xóó tsérígá ni̱tha̱a̱nʼ, mu xárata: ‹Rígi̱ niʼni xándiúʼ,

niʼtáñajunʼ dí maguma rígi̱ xándiúʼ bi̱ nigumariya̱a̱ bi̱ gúʼdáa,

ma̱ngaa xtiʼkhuu dí niguma ga̱jma̱a̱ ajua̱nʼ›.*

Lá xárata ráʼ. Asndu nákha xúgi̱ natha̱a̱nʼ rí nuxi̱ʼ,

dí niyejxí ngo̱ʼo̱o̱ dí ikháán tsétatsinuuʼ.

 7 Xúgi̱ dí xtáa ragumawíi, raʼkháa nákha wajyúuʼ,

nindxu̱u̱ rí nditháan tátadxawíín

ga̱jma̱a̱ rí xúgi̱ xtaa ratadxawíín, mu xárata: ‹Nda̱yo̱o̱ má›.

 8 Na̱nguá, na̱nguá nitadxawíín ga̱jma̱a̱ na̱nguá nitayáá,

numuu rí nákha wajyúuʼ na̱nguá nitagíʼ cháʼwáanʼ matadxawíín.

Numuu rí ikhúún nda̱yo̱o̱ dí ikháán natatsíñúʼ má xúʼko̱,

ga̱jma̱a̱ nigumbiʼyaaʼ bi̱ naʼni aʼkhá asndu nákha nigumáán.

 9 Mú, ga̱jma̱a̱ numuu mbiʼyuʼ, maniʼñúuʼ rakásngañuʼ,

mu xúʼko̱ maguma mbu̱u̱n, marikhoo dí nakásngañu̱ʼ ga̱jma̱a̱ xáxíña̱a̱n.

10 ¡Atayáá! Ni̱ni̱ rí ma̱nindxa̱a̱ʼ itháan májáanʼ xa̱bu̱,

mú raʼkháa xóo mbá plata. Ga̱jma̱a̱ niniʼñúuʼ rí matamíniiʼ*

mu xúʼko̱ ma̱nindxa̱a̱ʼ májáanʼ xa̱bu̱, xóo mbá ajua̱nʼ rí nuxuda̱ʼ náa horno.

11 Ma̱ni̱ ga̱jma̱a̱ numuu mbiʼyuʼ ikhúún,

numuu rí xániʼñúuʼ rí muni̱ tsagáá mbiʼyuʼ

ga̱jma̱a̱ xániʼñúuʼ rí gamajkhu dí nagruigú magruigú i̱mba̱a̱.

Tsáá mbáa dí ikhiin niʼthí rígi̱ rá. Ikhaa bi̱ Jeobá nindoo kaʼyoo,

mu xúʼko̱ maʼnimbánuu rí nandoo náa Babilonia,

ma̱ngaa maxnún ga̱jma̱a̱ ñawúunʼ xa̱bu̱ caldeos.

Rí xúgi̱ Tátá Jeobá bi̱ itháán mba̱a̱,

nikuʼmún ikhúún ga̱jma̱a̱ nixnúʼ* tsiaki̱i̱ ndrígóo.

“Ikhúún nindxu̱ʼ Jeobá Dios ndrígáaʼ, bi̱ naʼsngáa mu maraxtaa májánʼ,*

bi̱ naʼtháanʼ náa kamba̱a̱ gíʼmaa mi̱dxu̱ʼ.

Ikhú maraxtaa tsímáá xóo mbá mañu, ga̱jma̱a̱ rí májánʼ dí natani̱

mani̱ndxu̱u̱ xóo iyaʼ rí nambujxu̱u̱ má xúʼko̱ náa lamáa.*

19 Bi̱ gáguwáʼ náa ikháán mani̱ndxu̱ún xóo jui̱ʼi̱,

ga̱jma̱a̱ e̱jña̱a̱ʼ maʼni mbaʼin xóo jui̱ʼi̱ dí rígá náa rawuunʼ lamáa.

Ga̱jma̱a̱ niʼni rí náa tsíñu magajnúu iyaʼ mu muwa̱a̱n,

nikuíʼthá tsíñu ga̱jma̱a̱ nigájnuu mba̱ji̱nʼ iyaʼ”.

49 Gudxawunʼ, bi̱ kuwáanʼ náa islas,*

ga̱jma̱a̱ guʼgíʼ e̱dxa̱laʼ, xuajin dí rígá mitsínguánʼ.

 2 Niʼni dí rawunʼ mani̱ndxu̱u̱ xóo espada rí mixíníʼ,

nirkaʼwún náa ndájkhoo ñawúunʼ.

Niʼni dí mani̱ndxu̱ʼ xóo flecha dí mixíníʼ,

nirkaʼwún náa najti flecha.

 3 Niʼthúnʼ: “Ikháán nindxa̱a̱ʼ xa̱bi̱ʼ, Israel,

náa ikháán masngajmá xóo mitsiʼñún”.

Mú nda̱yo̱o̱ kaʼwu dí Jeobá maʼthí á mu májánʼ o ra̱májánʼ dí na̱ni̱,*