Ndiéjunʼ eguma náa mbá sucursal rá.

Bi̱ kuwa náa mbá guʼwá Betel mixtiʼkhu ñajunʼ rí guáʼdáá, nuni rígi̱ numuu rí nuruguambáá miʼtáraʼa náa mbó o itháan xuajin mba̱ʼu̱; nurawíi ajngáa, nurawíi revista, nuni libro, nuraxi̱i̱ xúgíʼ i̱yi̱i̱ʼ rígi̱ o náa nagixi̱i̱ aʼwá mu mudxawíín ga̱jma̱a̱ video, ga̱jma̱a̱ i̱ʼwáʼ ñajunʼ rí eni.

Mbáa Comité ndrígóo Sucursal ndaʼyoo ñajunʼ rí naguma. Mbá nguathi̱i̱n bi̱ Guáʼdáá mbá ñajunʼ nuxnún ñajunʼ comité dí muñewa̱a̱n sucursal, náa comité bugi̱ kuwa ajtsíin o itháan bi̱ kuya̱ edxu̱u̱ bi̱ najmañún wéñuʼ. Comité nuthi xú káʼnii ejkha̱ rajoo ñajunʼ rí eguma ga̱jma̱a̱ xkujndu dí gárígá nda̱wa̱á, ikhú bi̱ ñajúnʼ Mbá nguathi̱i̱n bi̱ Guáʼdáá mbá ñajunʼ nandoo nduyáá ndiéjunʼ giʼtha náa i̱yi̱i̱ʼ dí gagajnuu nda̱wa̱á, xó má rí giʼtha náa gágimbáanʼ ga̱jma̱a̱ náa asamblea. Mbá nguathi̱i̱n bi̱ Guáʼdáá mbá ñajunʼ nduñíinʼ bi̱ magun xtiʼkhún, ikhiin nuxuʼmiin mu magun náa mbaʼa sucursal ga̱jma̱a̱ muxnún ikha bi̱ ñajúnʼ Comité náa Sucursal mu ma̱ndoo munimbaníí ñajunʼ rí guáʼdáá (Proverbios 11:14). Guʼwá dí naxná ikha náa xúgíʼ tsu̱du̱u̱ numbaaʼ nakuʼmaa mbáa dxájulú maʼga̱ náa mbá sucursal, ikhí naxná mbá discurso náa narígá mbá reunión kiejunʼ mu maxnún tsiakii a̱ngia̱lo bi̱ kuwa náa territorio rí kaʼyo sucursal.

Numbañún congregación. Náa sucursal nuthi á mu ma̱ndoo magajnúu imbo̱o̱ nuxi̱ʼ congregación. Ma̱ngaa nuxna ikha náa ñajunʼ rí eni precursores, misioneros ga̱jma̱a̱ superintendentes ndrígóo circuito bi̱ kuwa náa territorio ndrígóo sucursal. Nuriyaʼ awan mu marigá asamblea, ma̱ngaa nagájnuu awan mu maguma Guʼwá náa nagimbáanʼ, ga̱jma̱a̱ nuxuʼma i̱yi̱i̱ʼ náa congregación. Xúgíʼ rí naguma náa mbá sucursal nayambáá mu miʼtáraʼa májánʼ (1 Corintios 14:33, 40).

• Xú káʼnii eyambáá Comité ndrígóo Sucursal náa xa̱bu̱ bi̱ ñajúnʼ Mbá nguathi̱i̱n bi̱ Guáʼdáá mbá ñajunʼ rá.

• Xú káʼnii ñajunʼ rí naguma náa mbá sucursal rá.