Lá matani ikháánʼ rí nandoo Jeobá ráʼ.

Nuxnáʼ núma̱aʼ numuu rí nitríyaʼ mbiʼi mu ma̱ta̱ya̱a̱ folleto rígi̱ mu matatsiʼniáanʼxo májánʼ, ma̱ta̱ya̱a̱ ñajunʼ rí enixo ga̱jma̱a̱ rí eʼni organización ndrígáxo. Guaʼthi̱i̱n rí i̱yi̱i̱ʼ rígi̱ nimbáyaʼ mu makruaʼaʼ rí i̱ndó ikháanʼ ñajuanʼxo bi̱ nuni rí nandoo Jeobá rí mbiʼi xúgi̱. Nutha̱nʼxo rí xátatsiʼñáʼ rajmañaaʼ ga̱jma̱a̱ numuu Dios. Arathun bi̱ xtañún ga̱jma̱a̱ bi̱ nambáxa̱ʼ májánʼ gajmiáanʼ ga̱jma̱a̱ numuu rí xtaa ratanigajmaa ma̱ngaa ayuʼ má xúʼko̱ náa nagimbáanʼxo bi̱ nutaráʼaxo numuu Jeobá (Hebreos 10:23-25).

Índo̱ gájmañaaʼ itháan ga̱jma̱a̱ numuu Jeobá, ma̱ta̱ya̱a̱ rí ikhaa nandoo kaʼyaʼ wéñuʼ. Ikhú mataʼgíiʼ matani xúgíʼ rí gáʼngo̱o̱ mu maʼnda̱ʼ xtayáá (1 Juan 4:8-10, 19). Xú káʼnii gándoo matani mu matasngajmá xúgíʼ mbiʼi rí nandaʼ xtayáá wéñuʼ Dios rá. Náa numuu mambáyaʼ rí matanimbaaʼ xtángoo ndrígóo Dios rá. Ndiéjunʼ gáʼniaʼ matani rí nandoo Dios ga̱jma̱á ni̱ndxa̱xoʼ rá. Bi naʼsngáaʼ ga̱jma̱a̱ numuu Biblia mambáyaʼ makruaʼaʼ rí nariʼña̱a̱ graxe̱ rígi̱, mu xúʼko̱ ikháánʼ gajmiáanʼ bi̱ kuwa náa guʼwáaʼ “[ma̱ndoo makuwáanʼ náa] ri xtaminuʼ Dios [...] ajndo ŋguana mbiʼji” (Judas 21).

Nutha̱nʼxo ga̱jma̱a̱ xúgíʼ a̱jkia̱xoʼ rí xátatsiʼñáʼ rajmañaaʼ náa kamba̱a̱ rí naʼsngáa rí gajkhun. Rí matatsigajmaa imbo̱o̱ i̱yi̱i̱ʼ rígi̱ mambáyaʼ wéñuʼ.