GRAXE̱ RÍ NAXTIʼÑA̱A̱ NÁA BIBLIA

Xú káʼnii gándoo e̱ji̱n majmañún maʼndún kuyáá Dios rá.

Mbáa xa̱bu̱ xtáa raʼsngóo a̱ʼdióo ga̱jma̱a̱ rí nijmañún náa i̱yi̱i̱ʼ nagíʼdu̱u̱ najmañuʼ numuu Biblia — Aratháán a̱ʼdiáaʼ xú káʼnii xúgíʼ dí rígá náa numbaaʼ nambáyaʼ maʼnda̱ʼ xtayáá Dios

E̱ji̱n majmañún maʼndún kuyáá Dios i̱ndó á mu rígá rí nasngájma rí Dios xtáa ga̱jma̱a̱ rí nandoo kaʼñúún. Ndayóoʼ muniʼniiʼ mu maʼndún kuyáá (1 Juan 4:8). Mbá xkri̱da, ndayóoʼ mbuyáá: Náa numuu rí Dios niʼnii xa̱biya̱ rá. Náa numuu rí Dios naniñuʼ marigá tsingíná rá. Ndiéjunʼ gáʼni Dios ga̱jma̱a̱ numún xa̱bu̱ numbaaʼ nda̱wa̱á rá. (Atraxnuu Filipenses 1:9.)

Mu matambáñun e̱jña̱ʼ maʼndún kuyáá Dios, gíʼmaa matasnga̱jmá rí ikháánʼ nandaʼ xtayáá. Índo̱ gúyáá rí xúʼko̱ tani, mbuyaridáá xkri̱da ndrígáʼ. (Atraxnuu Deuteronomio 6:5-7; Proverbios 22:6.)

Ndiéjunʼ gándoo matani mu e̱jña̱ʼ maʼndún kuyáá Dios rá.

Ajngóo Dios gíʼdoo tsiakii (Hebreos 4:12). Ma̱ndoo matambáñun e̱jña̱ʼ rí ndayóoʼ majmañún ginii. Mu maʼga̱nú asndu náa a̱jkiu̱ún xa̱bu̱, Jesús ndiyóoʼ rí maʼni mbaʼa graxe̱, maʼdxun ga̱jma̱a̱ maʼthí rí na̱ʼkha̱ náa Escrituras. Mú maʼga̱nú asndu náa a̱jkiu̱ún e̱jña̱ʼ ma̱ndoo matayaridáá xú káʼnii niʼsngáa Jesús. (Atraxnuu Lucas 24:15-19, 27, 32.)

Ma̱ngaa, rí na̱ʼkha̱ náa Biblia rí xú káʼnii niʼni Dios gajmíi̱n xa̱bu̱ ma̱ndoo mambáñun e̱ji̱n rí muniʼniiʼ ga̱jma̱a̱ rí maʼndún kuyáá Dios. Rígá i̱yi̱i̱ʼ rí niguma kiejunʼ mu mambáñun e̱ji̱n náa www.jw.org/tln. (Atraxnuu 2 Timoteo 3:16.)

Á mu nandaʼ ma̱ta̱ya̱a̱ itháan, atayáá rí eʼthí kíxnuu 2 náa folleto Ajngáa rí májánʼ na̱ʼkha̱ náa Dios, rí nini bi̱ nutaraʼa numuu Jeobá.

Ma̱ngaa rígá náa www.jw.org/tln o ataxuʼma mbá solicitud mu makánaʼ mbá i̱yi̱i̱ʼ rígi̱ náa dirección rí na̱ʼkha̱ náa ináa 2 ma̱ngaa xáxtumáán