Mbáa Xa̱bu̱ Ñajunʼ náa nda̱a̱ dí ra̱májánʼ

Índo̱ nundxa̱ʼwáá edxu̱lúʼ ga̱jma̱a̱ numuu xúgíʼ rí nundrígulu ma̱ndoo muxnáa núma̱aʼ Jeobá. Rí muxnáa núma̱aʼ mambáyulúʼ muraʼníí xkujndu. Texto rí kaʼyoo tsiguʼ 2015 maʼni marmáʼáan a̱jkiu̱lúʼ xúgíʼ tsiguʼ rí e̱ʼkha̱.

Náa artículo rígi̱ nakujmaa kaʼwu náa numuu rí gíʼmaa muʼniriyaaʼ Conmemoración rí xóo nikháñu Jesús. Najuiʼthá ndiéjunʼ eyoo gáʼthúu̱n pan ga̱jma̱a̱ vino rí najmaa náa Conmemoración ga̱jma̱a̱ nasngájma xú káʼnii eʼyoo dí gíʼmaa mikhu pan o maga̱a̱n vino mbáa xa̱bu̱. Ma̱ngaa náa artículo rígi̱ mambáyulúʼ muʼniratamijná mu makuwa náa Ganitsuwañu Señor.

Bi̱ nidamijná naguáʼdáá xkujndu ga̱jma̱a̱ nuraʼníí tsáʼkhá. Mú, Jeobá nambáñun mu makuwa tsímáá ga̱jma̱a̱ gagi. Timbá artículo mbuʼyáá witsu enii rí mambáñun bi̱ nidamijná makuwa gagi ga̱jma̱a̱ tsímáá xó má cemento naruwa̱a̱ tabique. Náa raga̱jma̱ artículo gúʼyáá xú káʼnii bi̱ nidamijná makuwá itháan májánʼ.

Ndiéjunʼ nindxu̱u̱ rí maʼndún kuyamijná gajkhun mbáa xa̱biya̱ ga̱jma̱a̱ mbáa a̱ʼgu̱ rá. Lá gajkhun rí maʼndún kuyamijná kámuu xáʼ. Xú káʼnii esngajma rígi̱ xá. Gajmañaaʼ rí na̱ʼkha̱ náa El Cantar de los Cantares rí xú káʼnii nindxu̱u̱ rí maʼndulú kuyamijná.