Índice

Jeobá nagíʼ itháan májánʼ xkri̱da rí nañewu̱u̱n rí naʼni. Xú káʼnii gándoo guʼyaridáá xá. Guʼyáá náa artículo rígi̱ rí gándoo muʼni mu muñewa̱a̱n rí muʼni.

Ndiéjunʼ eyoo gáʼthúu̱n rí magaʼwíínʼ a̱jkiu̱lú rá. Jeobá ga̱jma̱a̱ Jesús nugíʼ májánʼ xkri̱da rí nagáwíínʼ a̱jkiu̱ún. Xú káʼnii gándoo guʼyaridúún xá. Ga̱jma̱a̱ ndiéjunʼ gundrígú á mu nuʼgíʼ nuʼni rá.

Ndíjkha jngó rí Biblia rígá náa mbaʼa ajngáa rá. Ndiéjunʼ gándoo muʼni mu musngajmá rí nuxnáa núma̱aʼ numuu rí kuaʼdáá Ajngóo Dios náa ajngáa rí nakru̱ʼu̱lú rá. Artículos rígi̱ maʼni rí maʼndulú kuʼyáá wéñuʼ Biblia ga̱jma̱a̱ bi̱ kaʼyoo i̱yi̱i̱ʼ rígi̱.

Rí xámiñulu nindxu̱u̱ mbá cualidad rí gíʼdoo wéñuʼ numuu náa cristianos. Ndiéjunʼ eʼsngúlúʼ xkri̱da ndrígu̱ún xa̱bi̱i̱ Jeobá bi̱ nikuwa nákha wajyúúʼ rá. Xú káʼnii gándoo musngajma jiáma, a̱ngiu̱lú gu̱ʼú guanuu ga̱jma̱a̱ xa̱bekha bi̱ nijngún má iyááʼ rí tsímiñun ga̱jma̱a̱ kuwa xawii mu munimbaníí xá.