Graxe̱ rí nuni bi̱ nuraxnuu

Á mu mbáa xa̱biya̱ ga̱jma̱a̱ mbáa a̱ʼgu̱ bi̱ túdamijná nunuʼ mbóó náa ikháá ma guʼwá rí asndu tsethi májánʼ náa numuu nini rúʼko̱. Lá rígá rí nasngájma rí nini aʼkhá xáʼ. Lá mbaʼyóoʼ munimbánii comité judicial ráʼ.

Xúʼko̱, á mu nda̱a̱ mbá májánʼ numuu rí nasngájma rí nirígá, mbaʼyóoʼ mugíʼ comité judicial numuu dí rígá rí nasngájma kaʼwu rí nirígá aʼkhá (1 Cor. 6:18).

Bi̱ kuya̱ edxu̱u̱ nduyáá tsumáá mámbá xkujndu á mu mbaʼyóoʼ munimbánii comité judicial. Mbá xkri̱da, lá nusngajma rí nanigu̱nʼ kuyamijná xáʼ. Lá ndiyóoʼ muxnún xtágabu rí xóo enimi̱jna̱ xáʼ. Ndíjkha jngó ninuʼ mbóó náa mbá guʼwá xá. Lá xúʼko̱ niriyaʼ awan xáʼ. Lá nirígá mbá rí táguaʼthi̱i̱n marigá, rí mbá nacha̱ nirígá o mbá gamiéjunʼ rí niʼni munuʼ ndajkuíin náa ikháá má guʼwá ráʼ. (Ecl. 9:11.) Náa ninuʼ xá. Numuu rí mixtiʼkhu nindxu̱u̱ mámbá xkujndu, ma̱ndoo marigá i̱ʼwáʼ rí ndayóoʼ mbuyáá bi̱ kuya̱ edxu̱u̱.

Índo̱ bi̱ kuya̱ edxu̱u̱ nduyáá rí nirígá, mbuyáá á mu mutrigi̱i̱n comité judicial o na̱nguá.