Gajmañaaʼ marataráʼa májánʼ: Arasngúún dí manigu̱nʼ munigajmaa xa̱bu̱ bi̱ narasngúún

Ndíjkha rí gíʼdoo wéñuʼ numuu. Mu maʼni gujkhuʼ fe ndrígóo bi̱ narasngáá ga̱jma̱a̱ maraʼwíí májánʼ dí maʼni, bi̱ najuiʼsngáá ndayóoʼ magiwa̱nʼ náa a̱jkiu̱u̱n ga̱jma̱a̱ náa edxu̱u̱ i̱ʼwáʼ kiʼsngáa dí mingíjyúuʼ (Heb. 5:12–6:1). Mu muʼnigajmaa ndayóoʼ muʼni tsiakimijna, numuu rí ndayóoʼ mbuʼyáá xú káʼnii embánii rí nduʼyáá má ga̱jma̱a̱ rí ndiʼkhún ejmañuluʼ, ga̱jma̱a̱ mbuʼyáá xóo gándoo muʼnimbánii (Prov. 2:1-6). Mu ma̱ndoo maxtiʼña̱a̱ graxe̱ dí nuni bi̱ nuʼsngúún ga̱jma̱a̱ numuu Biblia ndayóoʼ majmañún munigajmaa ndajkuíín. Tsiakii dí nuni mu mugíʼ munimbaníí dí najmañún mambáñun muraʼníí xkujndu dí naguáʼdáá índo̱ ikhiin kuwa runi ñajunʼ Jeobá (Luc. 6:47, 48).