XÓO KUWÁANʼ BI̱ NI̱NDXU̱LÚ CRISTIANOS

Xóo gándoo gúxna mbá májánʼ comentario rá.

Mbáa ada̱ nakuxi ñawúunʼ índo̱ nunigajmaa revista Bi̱ Nayejngoo ga̱jma̱a̱ mbáa ndxájulú a̱ʼgu̱ naʼthí rí nijmañuu índo̱ nunigajmaa Bi̱ Nayejngoo

Índo̱ najuixná májánʼ comentario nambáñun eʼwíínʼ bi̱ kuwa náa congregación (Ro 14:19). Ma̱ngaa nambáñun bi̱ nuxna má comentario (Pr 15:23, 28). Ikha jngó nuʼgími̱jna̱ muxná maski ajndu mbóó comentario náa mámbá reunión. Mú nguáná xakhánulú má xúgíʼ comentarios, ikha jngó májánʼ gaʼne dí muʼniratáá mbaʼa dí maxtiʼña̱a̱.

Xú káʼnii nindxu̱u̱ mbá májánʼ comentario rá.

Ra̱mingíjyúuʼ, kaʼwu ga̱jma̱a̱ nguéjma̱ ajngáa. Káaʼ ma̱ndoo muʼthá treinta segundos o menos.
Itháan májánʼ gaʼni dí muʼthá ga̱jma̱a̱ ajngúlú.
Na̱nguá má eyóoʼ muʼthá ikháá má dí niʼthí má mbáa.

Ndiéjunʼ guʼni á mu ikháanʼ nuriʼña̱a̱ ginii mbá graxe̱ rá.

Guriʼña̱a̱ mbájmbu ga̱jma̱a̱ xúʼthá wéñuʼ.

Ndiéjunʼ gúʼni xí nixtiʼña̱a̱ má mbá graxe̱ rá.

Gusngajmá xú káʼnii mbá texto nambánii ga̱jma̱a̱ dí nuʼnigajmaa.
Guʼthá xú káʼnii embáyulú.
Guʼthá xóo guʼgíʼ muʼne dí naʼthí náa i̱yi̱i̱ʼ.
Guʼthá mbá experiencia dí xájyúuʼ dí phú nagájnuriyoʼ itháan.