“Ajmbio̱o̱ najmaʼniiʼ ga̱jma̱a̱ nduyamajkuíí”

Mbáa a̱ʼgu̱ bi̱ ninújunʼ nañambáá dí xú káʼnii majmaʼniiʼ ajmbio̱o̱. Nákha mbiʼi dí nixtáa rey Lemuel, mbáa xa̱biya̱ bi̱ gíʼdaa mbáa a̱ʼgiu̱u̱ bi̱ nindxu̱u̱ májánʼ najmaʼniiʼ ga̱jma̱a̱ nduyamajkuíí (Pr 31:23). Ma̱ngaa dí mbiʼi xúgi̱, bi̱ kuya̱ edxu̱u̱ ga̱jma̱a̱ siervos ministeriales ñajúnʼ xa̱bu̱ bi̱ nduyamajkhún. Xí nidamijná, rí maguaʼdáá ñajunʼ xíge̱ kaʼnii mayambáá wéñuʼ dí xú káʼnii eni guʼñún ga̱jma̱a̱ á mu numbañún (1Ti 3:4, 11). Índo̱ nune xúʼko̱, ajmbiún nandún kuñún wéñuʼ guʼñún ga̱jma̱a̱ xúʼko̱ má bi̱ kuwa náa congregación.

Xkaʼnii ñambáá mbáa a̱ʼgu̱ bi̱ nindxu̱u̱ májánʼ mu ajmbio̱o̱ magiʼdoo mbá ñajunʼ náa congregación rá.

• Naxnúu tsiakii ga̱jma̱a̱ ajngáa gua̱ba̱ʼ (Pr 31:26).

• Nakro̱ʼo̱o̱ dí ikhaa ndayóoʼ majmuu mbiʼi ndrígóo mú maʼnimbánuu ñajunʼ náa congregación (1Te 2:7, 8).

• Tségiʼdoo wéñuʼ (1Ti 6:8).

• Na̱nguá eʼne graxe̱ dí rakáʼyoo mbaʼyoo (1Ti 2:11, 12; 1Pe 4:15).