“¡Gi̱jyooʼ xtáá ikhúúnʼ! Ataxúʼmún ikhúúnʼ”

Gíʼmaa mbuʼyaridáá xóo ninindxu̱u̱ Isaías. Nisngájma rí nigiʼdoo fe ga̱jma̱a̱ nacha̱ ni̱jkha̱ náa ndayóoʼ miʼtáraʼa itháan maski ajndu tsíninuʼ xú kaʼnii nindxu̱u̱ (Isa 6:8). Lá ma̱ndoo ikháánʼ gajmiáanʼ bi̱ kuwa náa guʼwáaʼ mi̱dxu̱ʼ náa ndayóoʼ miʼtáraʼa itháan ráʼ. (Sl 110:3.) Ginii ndayóoʼ matatsaʼwamínáʼ májánʼ nákha xóó tsítani (Lu 14:27, 28). Ikha jngó, gíʼmaa makuwáanʼ xawii muʼni tsiakii mu muʼtáraʼa ajngáa rí májánʼ (Mt 8:20; Mr 10:28-30). Xó má nasngájma video Nos mudamos para ayudar en otro lugar, rí naguma tsajkurámáánʼ índo̱ nuʼni ñajunʼ Jeobá nindxu̱u̱ itháan ki xóo tsiakii rí nuʼni.

NDA̱WA̱Á RÍ NITAYÁÁ VIDEO, ATRIʼÑA̱A̱ GRAXE̱ RÍGI̱:

• Ndiéjunʼ tsiakii nini a̱ngiu̱lú Williams mu magún gúyambáá náa Ecuador rá.

• Ndiéjunʼ ndiyóoʼ mbuyáá ginii nákha xóó tsíraʼwíí náa gágun xá.

• Xú káʼnii niguma tsajkurámíínʼ xá.

• Náa gándoo mbuʼyáaʼ itháan ga̱jma̱a̱ numuu náa ma̱ndoo muyambáá rá.

ÍNDO̱ GÁTANIGAJMAA GAJMIÁANʼ BI̱ KUWA NÁA GUʼWÁAʼ, ATAYÁÁ RÍ NA̱ʼKHA̱ GI̱I̱:

• Ndiéjunʼ rí ma̱ndoo muʼni mbá guʼwáanʼ mu muʼtáraʼa itháan rá. (km 8/11 ináa 4-6).

• Á mu xándoo mu̱ʼgua̱ i̱mba̱ níʼkhá, xú káʼnii gándoo gúyambáá náa congregación ndrígúlú rá. (w16.03 ináa 3-5).