Gajmañaaʼ marataráʼa májánʼ: Gajmañaaʼ ma̱ta̱ni̱ra̱ʼmáʼ cartas

NDÍJKHA RÍ GÍʼDOO NUMUU. Timbá i̱yi̱i̱ʼ ndrígu̱ún Corintios nindxu̱u̱ mbá 14 cartas rí Pablo niʼnirámáʼ mu maxnún tsiakii a̱ngiu̱lú cristianos. Rí muʼniraʼmáʼ mbá carta gíʼdoo wéñuʼ numuu: Bi̱ gaʼnirámáʼ gíʼmaa maraʼwíí májánʼ ajngáa, ga̱jma̱a̱ bi̱ magruigú ma̱ndoo maguxnuu mbaʼa nuthu. Rígi̱ nindxu̱u̱ mbá rí náa ma̱ndoo muʼtáruʼun bi̱ kuʼñúún, o bi̱ nuniʼnúnʼ ga̱jma̱a̱ bi̱ na̱nguá eʼñún mbá kayuʼ rí miʼtáruʼun náa guʼwún. Mbá xkri̱da, nguáná naʼni mingíjyúuʼ muxkamiin bi̱ ninigu̱nʼ mudxawíín o rí muʼthámijna gajmiúlú bi̱ kúwi̱i̱n náa apartamentos rí kúgoo, náa rí xándoo mato̱ʼo̱o̱ nimbáa o naguanu mitsínguánʼ. Ndiéjunʼ rí gíʼmaa mbuʼyáá ginii nákha xóó tséʼnirámáʼ náa inuu mbáa xa̱bu̱ bi̱ tseniʼnííʼ rá.

XÚ KÁʼNII GÚʼNI

• 

  Ataniraʼmáʼ xó má rí gáratha̱a̱n índo̱ gáta̱ya̱a̱. Atagíʼdi̱i̱ ratháán ga̱jma̱a̱ náa numuu rí nataniraʼmáʼ carta. Ga̱jma̱a̱ nda̱wa̱á, ma̱ndoo matani mbá graxe̱ rí maʼni mandxaʼwáminaʼ xa̱bu̱ rí na̱ʼkha̱ náa ináa ndrígóo Internet. Ikhú ma̱ndoo maratháán xú káʼnii nindxu̱u̱ Curso ndrígóo Biblia náa ináa ndrígóo Internet (mú náa me̱ʼpha̱a̱ xóo na̱nguá rígá) o arathá xóo guma mbá Curso ndrígóo Biblia náa guʼwún xa̱bu̱, ma̱ndoo majmaa mbá título o mbá capítulo ndrígóo i̱yi̱i̱ʼ dí najmulú mu muʼsngáa ga̱jma̱a̱. Náa carta rúʼko̱, ma̱ndoo muxuʼnguánʼ mbá tarjeta ndrígóo contacto, mbá invitación o mbá tratado.

• Chíʼgíʼ gáʼthi. Mu xúʼko̱ xa̱bu̱ xáʼga̱ʼ índo̱ gámbóo raguxnuu (atayáá xkri̱da ndrígóo carta).

• Atayáá á mu májánʼ kiʼniraʼmáʼ carta ga̱jma̱a̱ ramíʼskhoo migixnuu. Atayáá á mu naʼthí rí manigu̱ʼ xa̱bu̱, ma̱ngaa naʼthí ga̱jma̱a̱ gamajkuu. Atani numáá índo̱ gátaxuʼmá carta. Atayáá nguáthá numuu náa mataxuʼnguáanʼ mu xa̱bu̱ xáʼni numa nditháan rí magruigú.