20-26 ñajunʼ gu̱nʼ mayo

2 CORINTIOS 11-13

“Pablo gíʼdoo ‹mbá tsuwanʼ náa xuyuuʼ›” (10 mins.)
- 2Co 12:7. Pablo ndiyóoʼ maʼngo̱o̱ náa mbá xkujndu rí nigiʼdoo má xúʼko̱ rí asndu ndiʼyoo xóo mbá tsuwanʼ rí niʼni maxkájkiu̱u̱n (w08-S 15/6 3 kutriga̱ 3).
- 2Co 12:8, 9. Maski ajndu Pablo niʼtákáñuu Jeobá rí maʼni kríyaaʼ náa tsuwanʼ rúʼko̱, mú Jeobá na̱nguá niʼni (w06-S 15/12 24 kutriga̱ 17, 18).
- 2Co 12:10. Pablo niʼngo̱o̱ niʼnimbánuu ñajunʼ rí niʼni numuu rí xi̱ʼ kaʼwu ndrígóo Dios nimbáyúu (w18.01 9 kutriga̱ 8, 9).
Guʼyááʼ rí gíʼdoo numuu (8 mins.)
- 2Co 12:2-4. Ndiéjunʼ nindxu̱u̱ “ragajtsú mekhu” ga̱jma̱a̱ náa “ku̱ba̱ʼ mitsaan” rí naʼthí náa versículos rígi̱ rá. (w18.12 8 kutriga̱ 10-12).
- 2Co 13:12. Xó má eʼyáá, ndiéjunʼ nindxu̱u̱ rí murajximíjna̱ ga̱jma̱a̱ “beso kaʼwu” rá. (it-1-S 317).
- Ndiéjunʼ eʼsngáaʼ ga̱jma̱a̱ numuu Jeobá dí nagixnuu náa Biblia xmáná rígi̱ rá.
- Ndiéjunʼ i̱ʼwáʼ rí gíʼdoo numuu nitaxkamaa náa nitraxnuu Biblia xmáná rígi̱ rá.
Migixnuu Biblia (4 mins. o menos): 2Co 11:1-15 (th kíxnuu 5).

Video rí majmaʼ náa timbá revisita (5 mins.): Atagrígu video ga̱jma̱a̱ guthi mbá chíʼgíʼ bi̱ kuwa awúu̱n.
Timbá revisita (3 mins. o menos): Gajmaaʼ náa naʼthí “Xkri̱da xóo marataráʼa” (th kíxnuu 2).
Timbá revisita (4 mins. o menos): Gajmaaʼ náa naʼthí “Xkri̱da xóo marataráʼa” ga̱jma̱a̱ nda̱wa̱á araxnáá xa̱bu̱ libro Dí nasngáa náa Biblia (th kíxnuu 4).

Ajmúú 38
“Guʼnimi̱jna̱ má xúʼko̱ maski ajndu rígá ‹tsuwanʼ náa xuyulúʼ›” (15 mins.): Arathá ikháán ga̱jma̱a̱ guthi mbá chíʼgíʼ bi̱ kuwa awúu̱n. Atagrígu video “Mambaʼta̱a̱ idún xa̱bu̱ bi̱ tsíkruigu̱u̱n”. Arathún bi̱ kuwa awúu̱n dí rígá i̱yi̱i̱ʼ náa mbá 47 ajngáa braille ga̱jma̱a̱ i̱ʼwáʼ i̱yi̱i̱ʼ rí najmún bi̱ tsíkruigu̱u̱n májánʼ o bi̱ tsíyexi. Publicadores bi̱ nandún munda̱ʼa̱a̱ i̱yi̱i̱ʼ rígi̱ gíʼmaa rí muthán bi̱ naxná i̱yi̱i̱ʼ. Arathún xúgínʼ rí gíʼmaa mumbayíí asndu xú káʼnii má mbáa xa̱bu̱ bi̱ tsíkruigo̱o̱ bi̱ xtáa náa congregación o náa nuʼtáraʼa.
Najmañulúʼ ga̱jma̱a̱ numuu Biblia náa congregación (30 mins.): bh cap. 16 kutriga̱ 9, 10 ga̱jma̱a̱ apéndice “Lá nigumaa Jesús gu̱nʼ diciembre ráʼ.”
Miʼtá mbégu̱ʼ dí niguámbulúʼ ndiʼyáá ga̱jma̱a̱ rí mbuʼyáá xmáná dí e̱ʼkha̱ (3 mins.)
Ajmúú 28 ga̱jma̱a̱ muʼtájkáan