XÓO KUWÁANʼ BI̱ NI̱NDXU̱LÚ CRISTIANOS

Ndiéjunʼ gandxaʼwáminaʼ Jeobá rá.

Nákha xóo tsíraʼwíí rí muʼni, tséʼniuu á mu mba̱ʼu̱ o majkhaʼ, lá nuraximíjna̱ ndiéjunʼ endxaʼwáminaʼ Jeobá rá’. Maski ajndu na̱nguá eʼyáá xúgíʼ rí nandxa̱ʼwáminaʼ Jeobá, mú, náa Ajngá rawunʼ naʼtulúʼ ndiéjunʼ gíʼmaa muʼni índo̱ nandulú muʼni “xúgíʼ enii rí májánʼ” (2Ti 3:16, 17; Ro 11:33, 34). Jesús ndiʼyoo májánʼ ndiéjunʼ rí nandoo Jeobá maʼni ga̱jma̱a̱ nigíʼ niʼni (Jn 4:34). Xó má niʼni Jesús, mangáanʼ guʼni tsiakimíjna̱ muraʼwíí muʼni rí naniguuʼ Jeobá (Jn 8:28, 29; Ef 5:15-17).

NDA̱WA̱Á RÍ NITAYÁÁ VIDEO GUʼNIMI̱JNA̱ MÁ XÚʼKO̱ MBUʼYÁÁ NDIÉJUNʼ RÍ NANDOO JEOBÁ (LE 19:18), ATRIʼÑA̱A̱ GRAXE̱ RÍGI̱:

Ndíjkha jngó gíʼmaa majmúlú ikha ndrígóo Biblia náa xúgíʼ mbiʼi rí kuwáanʼ rá.
Náá biʼyaa ikha ndrígóo Biblia gambáyulú muraʼwíí ajmúú rí guʼdxawíín rá.
Náá biʼyaa ikha ndrígóo Biblia gambáyulú muraʼwíí xú káʼnii xtíin gúʼgíʼ ga̱jma̱a̱ xú káʼnii guʼniratamijná rá.
Náá biʼyaa i̱ʼwáʼ rí guraʼwíí muʼni ma̱ndoo mambayúlú ikha ndrígóo Biblia rá.
Xú káʼnii gándoo gúʼyáá itháan májánʼ ndiéjunʼ rí phú naniguuʼ Jeobá muʼni rá.

Mbá nguéjmi̱i̱n xa̱bi̱i̱ Jeobá bi̱ ni̱ndxu̱ún jiáma ga̱jma̱a̱ wa̱ʼxa̱ʼ bi̱ mixtiʼkhu xtíin kugíʼ ga̱jma̱a̱ mixtiʼkhu raza ndrígu̱ún guájun mu muriyaʼ xtiʼkhún — Xú káʼnii kujmaa rí naraʼwíí mani ga̱jma̱a̱ rí xóo nambáxuʼ ga̱jmu̱ʼ Jeobá rá.