Índo̱ naguma rí májánʼ tsémbumuu Dios

Índo̱ nuʼnilú ñajuunʼ Jeobá xúgiáanʼ ma̱ndoo muraxi̱i̱ xúgíʼ ñajunʼ rí niʼni. Xó má eʼni mbáa xa̱bu̱ nikhi̱i̱ narmáʼáan a̱jkiu̱u̱n ga̱jma̱a̱ gagi xúgíʼ rí nuni e̱ji̱i̱n, xúʼko̱ má kayuuʼ eʼni Jeobá ga̱jma̱á ni̱ndxu̱lú ikhaa narmáʼáan a̱jkiu̱u̱n xúgíʼ ñajunʼ májánʼ rí nuʼni ga̱jma̱a̱ índo̱ nusngájma rí nandulú kuʼyáá mbiʼyuuʼ (Mt 6:20; Heb 6:10). Gajkhun má rí xúgiáanʼ rígá rí najmáanʼ muʼni ga̱jma̱a̱ mixtiʼkhu xóo kuwáanʼ. Ikha jngó, á mu nuʼni asndu xó má e̱ʼngu̱lú mu muʼni ñajuunʼ Jeobá maʼni rí makuwáanʼ tsímáá (Gál 6:4; Col 3:23). Mba̱yu̱u̱ʼ tsiguʼ rí ninújngoo mbaʼin a̱ngiu̱lú niyambáá náa Betel. Lá ma̱ndoo muʼni ikháá má kayuuʼ mangáanʼ rá. Á mu tséʼngo̱o̱ guʼni, ma̱ndoo mumbayíí imba̱a̱ maʼni o ma̱ndoo mumbayíí mbáa bi̱ kuʼyáá maʼni má xúʼko̱ ñajuunʼ Jeobá náa Betel.

NDA̱WA̱Á RÍ NITAYÁÁ VIDEO NDIÉJUNʼ GÁʼYÓO’ MATANI MU MI̱DXU̱ʼ GATIEMBÁÁ NÁA BETEL RÁ. ATRIʼÑA̱A̱ GRAXE̱ RÍGI̱:

• Ndiéjunʼ gáʼyóoʼ maxkaxáanʼ mu muyambáá náa Betel rá.

• Ndiéjunʼ rí májánʼ nindrígú a̱ngiu̱lú bi̱ niyambáá náa Betel rá.

• Ndiéjunʼ gáʼyóoʼ matanimbaníí ikháán mu matiembáá náa Betel rá.

• Xú káʼnii gándoo gúnda̱ʼa̱ ñajunʼ rí muʼni náa Betel rá.