Tsáa imba̱a̱ gáthúu̱n ma̱ʼkha̱ rá.

Xúgíʼ tsiguʼ narígá campaña kiejunʼ mu muʼthúún xa̱bu̱ maguwáʼ náa majmaku̱ma̱a̱ xóo nikháñun Jesús. Mbaʼin dí ikhiin ni̱ndxu̱ún xa̱bu̱ bi̱ tséʼniʼnúulú, mú ma̱ngaa ndayóoʼ má muʼthúún bi̱ nuniʼnúnʼlú. Nduʼyáá gajkhun rí mbáa xa̱bu̱ ma̱ʼkha̱ á mu bi̱ gáxnúu invitación naniniiʼ (yb08-S 11 kutriga̱ 3; 14 kutriga̱ 1). Tsíin eʼwíínʼ gándoo muʼthúún rá.

• Bi̱ kuʼñúún.

• Bi̱ nuñajunʼ gajmiúlú o bi̱ nuʼnigajmaa gajmiúlú náa escuela.

• Bi̱ kúwi̱i̱n náa mijngii kuwáanʼlú.

• Xa̱bu̱ bi̱ natangáanʼ ruʼñúún, bi̱ nuʼsngúnlúʼ o bi̱ niʼnigajmaa̱ gajmiúlú nákha ginii.

Bi̱ kuya̱ edxu̱u̱ gíʼmaa mutún a̱ngiu̱lú bi̱ niniñanʼ rutaraʼa mangiin bi̱ niniñanʼ raguwáʼ reunión ga̱jma̱á ni̱ndxu̱lú. Á mu natatsiniiʼ mbáa bi̱ na̱ʼkha̱ mitsínguánʼ káʼnii gándoo matani á mu nandaaʼ maratha̱a̱n ma̱ʼkha̱ xá. Atayáʼ ma̱ta̱ya̱a̱ náa i̱mba̱ níʼkhá gárígá Commemoración rí naguanúu itháan mijngii náa xtáa xa̱bu̱ buʼko̱ ga̱jma̱a̱ náa hora gáʼni. Mu ma̱ta̱ya̱a̱ rúʼko̱ ayuʼ náa naʼthí GA̱JMA̱A̱ NUMUXUʼ rí na̱ʼkha̱ rígú náa nagi̱ʼdu̱u̱ ináa jw.org, nda̱wa̱á araxnáá clic náa naʼthí “Conmemoración”. Índo̱ gáʼga̱nú mbiʼi rúʼko̱, atayáá tsíin gárathu̱u̱n maguwáʼ.