Gákuwáanʼ má xúʼko̱ jmbu numuu rí inu ma̱ʼkha̱ fin

NDÍJKHA RÍ GÍʼDOO NUMUU. Inu má marigá gamiéjunʼ gakhi̱i̱ náa mbaʼyóoʼ musngajmá rí tsémiñulu ga̱jma̱a̱ musngajmá rí gajkhun nakumulú kuʼyáá Jeobá xóo nimbá miʼtsú tséʼni. Rí majphú mba̱a̱ gaʼkhu magíʼdu̱u̱ ga̱jma̱a̱ rí maguma gámbáa religión rí nduwaʼ (Mt 24:21; Ap 17:16, 17). Mbáa ikhú mbaʼyóoʼ muʼtáraʼa ajngáa dí maʼni gawúunʼ xa̱bu̱ (Ap 16:21). Gog ndrígóo Magog maʼni gínáa xuajñuu Dios (Eze 38:10-12, 14-16). Ikhú Jeobá maʼni “guerra rí marigá náa mbiʼi ndrígóo Dios bi̱ gíʼdoo Xúgíʼ tsiakii” (Ap 16:14, 16). Á mu nandulúʼ rí xámiñulu nda̱wa̱á ndayóoʼ rí muguajún jmbu ga̱jma̱a̱ náa tsáʼkhá dí nuraʼníí mbiʼi xúgi̱.

XÚ KÁʼNII GÚʼNI

• Xámiñulu muʼthá ga̱jma̱a̱ numuu xtángoo ndrígóo Jeobá (Is 5:20).

• Guʼyamajkuíí mbá jnduʼ Jeobá gajmiúlú a̱ngiu̱lú (Heb 10:24, 25).

• Guʼnimbulúʼ náa ikha rí naxná xuajñuu Jeobá (Heb 13:17).

• Gundxa̱ʼwámi̱jna̱ xóo Jeobá niʼni kríyaaʼ xuajñuu nákha ginii (2Pe 2:9).

• Guʼtájkáan ga̱jma̱a̱ gakumulú kuʼyáá Jeobá (Sl 112:7, 8).

NDA̱WA̱Á RÍ NITAYÁÁ VIDEO DÍ MARIGÁ NDA̱WA̱Á MBAʼYÓOʼ DÍ XÁMIÑULU (MBÁ XUÍʼTÓO), ATRIʼÑA̱A̱ GRAXE̱ RÍGI̱:

• 

  Ndiéjunʼ rí niʼniún gakhi̱i̱ munimbu̱ún a̱ngiu̱lú índo̱ nixtiʼkhuu congregación ndrígu̱ún rá.

• 

  Xú káʼnii mbríguii rí xámiñaʼ ga̱jma̱a̱ rí matanimbaaʼ rá.

• 

  Náa numuu rí xáʼyóoʼ mamiñúlúʼ índo̱ ga̱ʼkha̱ Armagedón rá.

• 

  Náa biʼyaa relato rí na̱ʼkha̱ náa Biblia ma̱ndoo maʼni gújkhúʼ fe ndrígúlú rí Jeobá má gáʼni káwáanʼ rá. (2Cr 20:1-24).